1 Aide Adam leuhme zidung raukelu. Tinggwang mina de tei kecu benai, pa penai de pa nzwa eh teilu.* 2 Pa penai de mipei nah mipui teigai. Pa penaide tei luge penaide samlam beu nah penai zi mina msiak beu.* 3 Adam mmi 130 lunghlu* ge, pa kenzwa mipeina ge pe na lunghlu, pe rehi nzwa eh, nah pa pe zi Seth msiaklu. 4 Adam Seth pei kedicaine, pa mmi haiheset lungh lu. Pa pena mipeinadung nah mipuinadung kekiee ge pei teilu. 5 Adam mmi 930 lungh lu delwe pa tsaidi.

6 Seth mmi 105 lungh luge, pa au Enosh pei. 7 Pa Enosh lungh kelu caine, pa mmi 807 lungh silu delwe mipeinadung nah mipuinadung kekiee lungh lu. 8 Seth 912 lunghlu, delwe pa tsaidi.

9 Enosh mmi riakhekui lunghlu ge, pa pena Kenan lungh lu. 10 Pa Kenan pei kedi caine, Enosh mmi 815 lunghlu. Pa pe napeidung nah pe napuidung kekiee lungh silu. 11 Enosh mmi 905 lunghlu delwe pa tsaidi.

12 Kenan mmi 70 dige, pa pena Mahalalel de lungh lu. 13 Pa pena Mahalalel lungh kelu caine, Kenan mmi 840 lunghlu. Pa pe napeidung nah pe napuidung kekiee lungh silu. 14 Kenan mmi 910 lunghlu, delwe pa tsaidi.

15 Mahalalel mmi 65 lunghlu, nah pa pena Jared lungh lu. 16 Pa pena Jared lungh kelu caine, Mahalalel mmi 830 lunghlu. Pa pe napeidung nah pe napuidung kekiee lungh silu. 17 Mahalalel mmi 895 lunghlu, delwe pa tsaidi.

18 Jared mmi 162 lunghlu ge, pa pe na Enoch lunghlu. 19 Pa pena Enoch lungh kelu caine, Jared pa mmi 800 lunghlu. Pa pe napeidung nah pe napuidung kekiee lungh lu. 20 Jared mmi 962 lunghlu, delwe pa tsaidi.

21 Enoch mmi 65 lunghlu ge, pa pe na Methuselah lunghlu. 22 Pecai Enoch mmi haicum Tinggwang de ngngwa hekang eh lung pa pena Methuselah lungh kelu caine. Pa pe napeidung nah pe napuidung kekiee lungh lu. 23 Enoch mmi 365 lunghlu. 24 Enoch Tinggwang de ngngwa hekang eh lung, ciciu eh pecu ngau tadi, Tinggwang pecu ngngwa teu kedine.✝

25 Methuselah mmi 187 lunghlu ge, pa pena Lamech lunghlu. 26 Pa pena Lamech lungh kelu caine, Methuselah mmi 782 lunghlu. Pa pe napeidung nah pe napuidung kekiee lunghlu. 27 Methuselah mmi 969 lunghlu. Delwe pa tsaidi.

28 Lamech mmi 182 lunghlu ge, pa pe na mipeina ge lunghlu. 29 Pa pezi Noah msiaklu, nah ranggai, "Hena aide ne anui da kerelui teugwang beu zie da nah anui bata kehung aika de, kedanemene RAMPAUBE reset kegai anui hangdeu gade tei maikesia ne." 30 Lamech mmi 595 lunghlu pa pena Noah lungh kelu caine. Pa pe napeidung nah pe napuidung kekiee lunghlu. 31 Lamech mmi 777 lunghlu. Ciu eh pa tsaidi.

32 Noah mmi 500 lunghlu. Pa pena Shem, Ham nah Japheth lunghlu.