1 Israel pe beu ga peda kebam mabam pelane punglu delwe Beersheba namceu ga miedi. Cikade pa pe pei Isaac Tinggwang de ratakdung tei pwa peu. 2 Tinggwang Israel de tingmui marengei gade marang eh ranggai, "Jacob, Jacob." Pa rangdi, "Ih au aika bam." 3 Pa rangdi, "Ih au Tinggwang, n pei Tinggwang. Egypt ga hung kera hing so, kedanemene cika de Ih ncu heleuh kedi ge tei beu zie. 4 Ih ncu ngngwa Egypt ga hung zie, nah Ih ncu ngngwa nghang dai beu bi zie delwe nang Joseph ncu ngngwa lazie nang ketsai benai n miak ngkui kerane." 5 Jacob Beersheba gade tet mpetdi. Israel namedung penui pei Jacob, penui namedung nah penui naudung de Pharaoh ne pecu pung kera bagidung langgai kebeu gage kailu. 6 Penui penui kaunedung nah Canaan deu gade penui ngaukelu penui madung punglu. Jacob nah pe leuhme peciakne pecu ngngwa eh, penui Egypt ga gwanglu. 7 Pa pe napeimedung, pe tsamedung, pe napuimedung, pe tsapuimedung nah pe leuhme peciakne de pecu ngngwa Egypt ga gwang lu.

8 Aidung de cai Israel namedung Egypt ga gwang kelume zidung: Jacob nah pe napeimedung, pe neraibe Reuben; 9 Reuben napeime: Hanok, Pallu, Hezron nah Karmi. 10 Simeon napeime: Jemuel, Jamin, Ohad, Jakin, Zohar, nah Shaul, Canaanme pui napei, 11 nah Levi napeime: Gershon, Kohath nah Merari. 12 Judah napeime cai: Er, Onan, Shelah, Perez nah Zerah (dede Er penai Onan Canaan deu gade tsaidi). Perez napeime cai Hezron nah Hamul. 13 Issachar napeime cai: Tola, Puah, Lob nah Shimron. 14 Zebulun napeime cai: Sered, Elon nah Jahleel. 15 Aidung de Leah napeime pane Jacob de Paddan Aram gade mna kebeudung, pe napui Dinah de si eh. Pe napeime nah pe napuime peciakne ge camreiekecum. 16 Gad napeime cai: Zephon, Haggi, Shuni, Ezbon, Eri, Arodi nah Areli. 17 Asher napeime cai Imnah, Ishvah, Ishvi, nah Beriah; nah Serah au penui tipui. Beriah napei kena cai Heber penai Malkiel. 18 Aidung de cai Zilpah, Laban ne pe napui Leah de kebeube pui napeime. Pe leuhme aidungde pa ne Jacob de mna beu, peciakne ne ge kereieherok. 19 Jacob nau Rachel napei kena cai Joseph penai Benjamin. 20 Egypt gade Joseph pe na Manasseh penai Ephraim lunghlu, On namdi ga cingkupei Potiphera napui Asenath dade. 21 Benjamin napeime cai Bela, Beker, Ashbel, Gera, Naaman, Ehi, Rosh, Muppim, Huppim nah Ard. 22 Aidung de Rachel napeime Jacob de mna kebeudung, peciakne ge kereiemdai. 23 Dan napei cai Hushim. 24 Naphtali napeime cai Jahziel, Guni, Jezer nah Shillem. 25 Aidung de cai Bilhah, Laban ne pe napui Rachel de kepeube pui ne Jacob de mna kebeu pe napeimedung, peciakne ge hena. 26 Jacob de ngngwa Egypt ga kemieme peciakne, pe leuhmedung, pe napeidung nau de pei si mene, pelane ge riakherokeherok. 27 Joseph napei kena Egypt gade pecu mna kebeu de si eh pe kelak peupeidung Egypt ga kemieme pelane ge riakhena.

28 Jacob Judah de pe dwa Joseph da lang nswa gai, pedwa Goshen lampui saulia kerane, nah penui Goshen deuceu ga gwanglu. 29 Joseph pe bagi mteilu eh pe pei Israel de redau kera Goshen ga miedi. Pa pecu ngaulu ge, pe ngwang tuipwalu delwe peting ketie ge pe ngwang gade hap bamdi. 30 Israel Joseph dade rangdi, "Cu acu peu tsai culo, nang ringla reu kecu Ih n zu ngaulu delu." 31 Joseph pe siname nah pe pei kilungme dade rangdi, "Ih mie delwe hegwangpei dage rang eh ranggai zie, ‘A siname nah a pei kilungme Canaan deu ga kebamme ada gwang luda. 32 Penui au meurün kekwame, kedanemene penui au kauruinedung kerengeime kecune. Penui gu kauhaudung, ketumdung nah penui mabam pelane pung gwang luda.’ 33 Ainzwa tei gwang zie, Pharaoh nnuide qulu eh, ‘Nnui daipai ta tei la no?’ de eh keteu kecu dau, 34 nnui ainzwa rang lulo, ‘N kilamedung anui rehang gade cu kecang, anui nah anui paume hangna na de hekaune ma kepieme.’ Ainzwa ranglu ciciude nnui Goshen deu ga lungh kerane, kedanemene Egyptme ziemne meurün kekwame keheibe de de ngau ngkaula kecune."