12 Ngunit saan nga ba matatagpuan

ang karunungan at pang-unawa?

13 Hindi alam ng tao

kung saan ito matatagpuan.

Hindi ito matatagpuan dito sa lupa.

14 Hindi rin ito matatagpuan

sa kailaliman ng dagat.

15 Hindi rin ito nabibili

ng purong ginto o pilak.

16 Ang halaga nito ay hindi matutumbasan

ng ginto mula sa Ofir

o ng alinmang mamahaling bato

gaya ng onise o safiro.

17 Higit pa ito sa ginto o kristal.

Hindi ito maipagpapalit sa gintong alahas.

18 Ang koral at haspe

ay walang sinabi,

ang halaga ng karunungan

ay higit pa kaysa rubi.

19 Hindi ito mapapantayan

ng mamahaling batong topaz

na mula sa Etiopia*

at hindi rin mababayaran ng purong ginto.

20 Saan ba nagmumula

ang karunungan?

Saan ang tahanan ng kaunawaan?

21 Walang nilalang na makakakita nito

kahit sa mga ibon.

22 Kahit na ang lugar ng kapahamakan

na siyang lugar ng mga patay,

sabi-sabi lang ang kanilang nalaman

tungkol dito.