1 بە هەموو دڵەوە ستایشت دەکەم،

لەبەردەم خوداوەندەکان گۆرانیت بۆ دەڵێم.

2 بەرامبەر پەرستگای پیرۆزت کڕنۆش دەبەم،

ستایشی ناوت دەکەم،

لەبەر خۆشەویستییە نەگۆڕەکەت و دڵسۆزییەکەت،

چونکە فەرمایشتی خۆتت لە ناوبانگەکەت بەرزتر کردووەتەوە.

3 ئەو ڕۆژەی هاوارم بۆ تۆ کرد بەدەنگمەوە هاتیت،

ئازا و بوێرت کردم.

4 ئەی یەزدان، هەموو پاشاکانی سەر زەوی ستایشت دەکەن،

کاتێک فەرمایشتی دەمی تۆیان بیست.

5 گۆرانی بەسەر کارەکانی یەزداندا دەڵێن،

چونکە شکۆمەندی یەزدان مەزنە.

6 هەرچەندە یەزدان پایەبەرزە، دەڕوانێتە کەسی بێفیز و

لووتبەرزان لە دوورەوە دەناسێت.

7 ئەگەر بەناو تەنگانەشدا بڕۆم ژیانم دەپارێزیت،

دەست درێژ دەکەیت بەسەر تووڕەیی دوژمنانم،

بە دەستی ڕاستت ڕزگارم دەکەیت.

8 یەزدان ئەستۆپاکیم دەسەلمێنێت؛

ئەی یەزدان، خۆشەویستییە نەگۆڕەکەت هەتاهەتاییە،

واز لە کارەکانی دەستت مەهێنە.