1 ئەی یەزدان، کێ لە پیرۆزگای تۆ نیشتەجێ دەبێت؟

کێ لەسەر کێوی پیرۆزی تۆ دەژیێت؟

2 ئەو کەسەی ڕێگای تەواو دەگرێت و

ڕاستودروستی پەیڕەو دەکات،

لە دڵەوە بە ڕاستگۆیی قسە دەکات و

3 بە زمانی بوختان ناکات،

کە خراپە لەگەڵ کەس ناکات و

هاوڕێکەی شەرمەزار ناکات،

4 کە بە سووکایەتییەوە دەڕوانێتە خراپەکاران

بەڵام ڕێزی ئەوانە دەگرێت کە ترسی یەزدانیان لە دڵدایە،

کە سوێندی خۆی بەجێدەهێنێت،

ئەگەر ببێتە مایەی زەرەریش بۆی،

5 کە پارە بە سوود نادات و

بەرتیل وەرناگرێت لە دژی پیاوی بێتاوان.

ئەوەی ئەم شتانە بکات،

هەتاهەتایە جێی لەق نابێت.