1 സർവഭൂമിയുമേ, ദൈവത്തിന് ആനന്ദത്തോടെ ആർപ്പിടുക!

2 അവിടത്തെ നാമത്തിന്റെ മഹത്ത്വം ആലപിക്കുക;

അവിടത്തെ സ്തുതി തേജസ്സേറിയതാക്കുക.

3 ദൈവത്തോടു പറയുക: "അവിടത്തെ പ്രവൃത്തികൾ എത്ര ഭീതിജനകം!

അവിടത്തെ ശക്തി അതിമഹത്തായതാണ്

അതുകൊണ്ട് അങ്ങയുടെ ശത്രുക്കൾ അങ്ങയുടെ കാൽക്കൽവീഴുന്നു.

4 സർവഭൂമിയും തിരുമുമ്പിൽ താണുവണങ്ങുന്നു;

അവർ അവിടത്തേക്ക് സ്തുതിപാടുന്നു,

അവിടത്തെ നാമത്തിന് സ്തുതിഗീതം ആലപിക്കുന്നു." സേലാ.