ଏସଉର୍ ବଁସ୍
1 ଏସଉ କୁଲର୍ ତାଲିକା । ତାର୍ ଅଲ୍ଗା ନାଉଁ ଅଇଲାନି ଇଦମ୍ । 2 ଏସଉ କିଣାନିଅ ମନର୍ ଦୁଇଟା ଟକି ମନ୍କେ, ଆରି, ଇତିଅ ଏଲନର୍ ଟକି ଆଦାକେ ଆରି ଅନାର ଟକି ଇଦିଅ ସିବିଅନର ନାତି ଅଅଲିବାମାକେ, 3 ତଦ୍ବିନ୍ ନବାୟତର୍ ବଇନିକେ, ଆରି, ଇସ୍ମାଏଲର୍ ଟକି ବାସମତକେ ବିବାଅଇ ରଇଲା । 4 ତାର୍ପଚେ ଏସଉର୍ ବନିଟାନେ ଅନି ଆଦା ଇଲିପସକେ ଆରି ବାସମତ୍ ରୁଏଲ୍କେ ଜନମ୍ କଲା । 5 ଆରି ଅଅଲିବାମା, ଜିଉସ୍, ଜାଲମ୍ ଆରି କରଅକେ ଜନମ୍ କଲା, ଏସଉର୍ ଏ ସବୁ ପିଲାମନ୍ କିଣାନ୍ ଦେସେ ଜନମ୍ ଅଇ ରଇଲାଇ ।
6 ତାର୍ପଚେ ଏସଉ ନିଜର୍ ମାଇଁଜିମନ୍ ଆରି ପିଲାଟକିମନ୍ ଆରି ଗରେ ରଇଲା ବିନ୍ବିନ୍ ଲକ୍କେ, ଆରି ନିଜର୍ ସବୁ ପଚର୍ ଆରି କିଣାନ୍ ଦେସେ ଅରଜ୍ଲା ସବୁ ସଁପତି ନେଇଁ ନିଜର୍ ବାଇ ଜାକୁବର୍ ଲଗେଅନି ଅଲ୍ଗା ଦେସେ ଜା । 7 କାଇକେ ବଇଲେ ସେମନର୍ ଦନ୍ସଁପତି ବେସି ରଇଲାକେ ସେମନ୍ ଗଟେଲଗେ ମିସି କରି ରଇ ନାପାର୍ଲାଇ, ଆରି ସେମନର୍ ପଚର୍ ପାଇଁ ସେ ବାସା ଅଇଲା ଜାଗାଇ କଡେ ନାଇ। 8 ଏ ରକାମ୍ ଏସଉ ସେଇର ଡଙ୍ଗ୍ରେ ବାସାକଲା, ଏ ଏସଉର୍ ଅଲ୍ଗା ନାଉଁ ଅଇଲାନି ଇଦମ୍ ।
9 ଆରି ସେଇର ଡଙ୍ଗ୍ରର୍ ଇଦମିଅ ମନର୍ ଆନିଦାଦି ଏସଉର୍ ବଁସର୍ ତାଲିକା । 10 ଏସଉର୍ ପିଲାମନର୍ ନାଉଁ ଏଟା ଏସଉର୍ ଆଦା ନାଅଁର୍ ମାଇଁଜିର୍ ପିଲା ଇଲିପସ୍ ଆରି ବାସମତ୍ ନାଅଁର୍ ମାଇଁଜିର୍ ପିଲା ରୁଏଲ୍ । 11 ଆରି ଇଲିପସର୍ ପିଲା ତଇମନ୍ ଆରି ଅମାର୍ ଆରି ସପ ଆରି ଗଇତମ୍ ଆରି କନସ୍ । 12 ଆରି ଏସଉର୍ ପିଲା ଇଲିପସର୍ ତିମ୍ନା ନାଉଁର୍ ଗଟେ ସାନ୍ଲି ମାଇଁଜି ରଇଲା, ସେ ଇଲିପସର୍ ଅମାଲେକକେ ଜନମ୍ କଲା, ଏ ମନ୍ ଅଇଲାଇନି ଏସଉର୍ ମାଇଁଜି ଆଦାରର୍ ପିଲା । 13 ରୁଏଲର୍ ପିଲା ନଅତ୍ ଆରି ସେରଅ ଆରି ସମ୍ ଆରି ମିସା, ଏମନ୍ ଅଇଲାଇନି ଏସଉର୍ ମାଇଁଜି ବାସମତ୍ର ପିଲାମନ୍ । 14 ଆରି ସିବିଅନର୍ ଟକି ଅନାରର୍ ଟକି ଅଅଲିବାମା, ଏସଉର୍ ମାଇଜି ରଇଲା, ତାର୍ପିଲା ଜିଉସ୍ ଜାଲମ୍ ଆରି କରଅ । 15 ଏସଉର୍ ପିଲାମନର୍ ରାଜାବଲି । ଏସର୍ ବଡ୍ପିଲା ଜେ ଇଲିପସ୍, ତାର୍ପିଲା ରାଜା ତଇମନ୍ ଆରି ଅମାର୍ ଆରି ରାଜା ସପ ଆରି ରାଜା କନସ୍
16 ଆରି ରାଜା କରଅ ଆରି ରାଜା ଗଇତମ୍ ଆରି ରାଜା ଅମାଲେକ୍, ଇଦମ୍ ଦେସେ ଇଲିପସ୍ କୁଲର୍ ରାଜାମନ୍ ଆଦାରର୍ ପିଲାମନ୍ ରଇଲା । 17 ଏସଉର୍ ପିଲା ରୁୟେଲର୍ ପିଲା ରାଜା ନଅତ୍ ଆରି ରାଜା ସେରଅ ଆରି ରାଜା ସମ୍ ଆରି ରାଜା ମିସା, ଇଦମ୍ ଦେସେ ରୁଏଲ୍ କୁଲର୍ ଏ ରାଜାମନ୍ ଏସଉର୍ ମାଇଁଜି ବାସମତ୍ରର୍ ପିଲାମନ୍ ରଇଲାଇ । 18 ଆରି ଏସଉର୍, ମାଇଜି ଅଅଲିବାମାର୍ ପିଲା ରାଜା ଜିଉସ୍ ଆରି ରାଜା ଜାଲମ୍ ଆରି ରାଜା କରଅ, ଅନାର ଟକି ଅଅଲିବାମା, ଏସଉର୍ ମାଇଜି ରଇଲା, ଏ ମନ୍ ଅଇଲାଇନି ତାର୍ପିଲାମନ୍ । 19 ଏ ମନ୍ ଏସଉର୍, ଆରି, ଇଦମର୍ ପିଲା ଆରି ଏ ମନ୍ ସେମନର୍ ରାଜା।
ସେଇଅରର୍ ବଁସ୍
20 ପୁରବ୍ କାଲେ ସେ ଦେସର୍ ଲକ୍ମନ୍ ଅରିଅ ସେଇରର୍ ପିଲା ଲଟନ୍ ଆରି ସବଲ୍ ଆରି ସିବିଅନ୍ ଆରି ଅନା 21 ଆରି ଦିସନ୍ ଆରି ଏସ୍ଚର୍ ଆରି ଦିସନ୍, ସେଇରର୍ ଏ ପିଲାମନ୍ ଇଦମ୍ ଦେସର୍ ଅରିଅ କୁଲର୍ ରାଜା ରଇଲା ।
22 ଲଟନର୍ ପିଲା ଅରି ଆରି ଏମମ୍, ଆରି ଲଟନର୍ ତିନ୍ମା ନାଅଁର୍ ବଇନି ରଇଲା ।
23 ଆରି ସବଲର୍ ପିଲା ଅବଲନ୍ ଆରି ମାନଅତ୍ ଆରି ଏବଲ୍ ଆରି ସପ ଆରି ଅନମ୍ ।
24 ଆରି ସିବିୟନର୍ ପିଲା ଅୟା ଆରି ଅନା; ଏ ଅନା ନିଜର୍ ବାବା ସିବିଅନର୍ ଗଦ ଚାରାଇବା ବେଲେ ଡଙ୍ଗ୍ରେ ଉସୁମ୍ ପାନି ବାରଇବା ଚୁଆ ତିଆର୍କଲା । 25 ସେ ଅନାରର୍ ପିଲା ଦିସନ୍ ଆରି ଦାଙ୍ଗ୍ଡି ଅଅଲିବାମା । 26 ଆରି ଦିସନର୍ ପିଲା ଇମ୍ଦନ୍ ଆରି ଇସବନ୍ ଆରି ଜିତ୍ରନ୍ ଆରି କରନ୍ । 27 ଏସ୍ଚରର୍ ପିଲା ବିଲଅନ୍ ଆରି ସାବନ୍ ଆରି ଜାକନ୍ । 28 ଆରି ଦିସନର୍ ପିଲା ଉସ୍ ଆରି ଅରାନ୍ । 29 ଅରିଅ କୁଲର୍ ରାଜା ମନ୍ ଅଇଲାଇନି, ରାଜା ଲଟନ୍ ଆରି ରାଜା ସବଲ୍ ଆରି ରାଜା ସିବିଅନ୍ ଆରି ଅନା 30 ଆରି ରାଜା ଦିସନ୍ ଆରି ରାଜା ଏସ୍ଚର୍ ଆରି ରାଜା ଦିସନ୍ । ଏ ମନ୍ ଅଇଲାଇନି ସେଇର ଦେସର୍ ଅରିଅ କୁଲର୍ ରାଜା ରଇଲାଇ ।
ଇଦମର୍ ରାଜାମନ୍
31 ଆରି, ଇସ୍ରାଏଲର୍ ପିଲାମନର୍ ଉପ୍ରେ କେ ମିସା ରାଜା ସାସନ୍ କର୍ବା ଆଗ୍ତୁ ଏ ରାଜାମନ୍ ଇଦମ୍ ଦେସେ ସାସନ୍ କଲାଇ 32 ବିଅରର୍ ବେଲା ନାଉଁର୍ ପିଲା ଇଦମ୍ ଦେସେ ସାସନ୍ କଲା, ତାର୍ ରାଜାର୍ ଗଡର୍ ନାଉଁ ଅଇଲାନି ଦିନ୍ଆବା । 33 ବେଲା ମଲା ପଚେ, ତାର୍ ଜାଗାଇ ବସ୍ରା ଗାଅଁର୍ ସେରଅର୍ ପିଲା ଜବବ୍ ସାସନ୍ କଲା । 34 ଆରି ଜବବ୍ ମଲା ପଚେ ତଇମନ୍ ଦେସର୍ ଉସମ୍ ତାର୍ ପାଇଁ ସାସନ୍ କଲା । 35 ଉସମର୍ ମଲା ପଚେ, ବଦଦର୍ ପିଲା ଅଦଦ୍ ମଆବ୍ ପଦାଇ ମିଦିଅନକେ ଜିତ୍ଲା, ସେ ତାର୍ ପାଇଁ ସାସନ୍ କଲା, ତାର୍ ରାଜାଗଡ୍ର୍ ନାଉଁ ଅଇଲାନି ଅବିତ୍ । 36 ଅଦରର୍ ମଲା ପଚେ ମସ୍ରେକା ଗାଅଁର୍ ସମଲ୍ ତାର୍ ପାଇଁ ସାସନ୍ କଲା । 37 ଆରି ସମ୍ଲର୍ ମଲା ପଚେ ପରାତ୍ ଗାଡର୍ ଲଗର୍ ରଅବତ୍ ଗାଅଁର୍ ସଉଲ ତାର୍ ପାଇଁ ସାସନ୍ କଲା । 38 ସଉଲର୍ ମଲା ପଚେ, ଅକ୍ବରର୍ ପିଲା ବାଲ୍ଆନନ୍ ତାର୍ ଜାଗାଇ ସାସନ୍ କଲା । 39 ଆରି ଅକ୍ବରର୍ ପିଲା ବାଲ୍ଆନନର୍ ମଲା ପଚେ, ଅଦର୍ ତାର୍ ଜାଗାଇ ସାସନ୍ କଲା, ତାର୍ ରାଜାଗଡର୍ ନାଉଁ ପାଉ ଆରି ତାର୍ ମାଇଁଜିର୍ ନାଉଁ ମଏଟବେଲ୍ ରଇଲା, ସେ ମଟ୍ରେଦର୍ ନାତି ଆରି ମେସାଅବର ନାତି । 40 ଏସଉର୍ ତେଇ ଅନି ଜାତ୍, ଆରି କୁଲ୍ ଆରି ଜାଗା ଆରି ନାଉଁର୍ ଦାରା ଇସାବେ ଜନ୍ଜନ୍ ରାଜା ରଇଲାଇ, ସେ ମନର୍ ନାଉଁ, ଅଇଲା, ରାଜା ତିମ୍ନା ଆରି ରାଜା ଅଲବା ଆରି ରାଜା ଜିତେତ୍ 41 ଆରି ରାଜା ଅଅଲିବାମା ଆରି ରାଜା ଏଲା ଆରି ରାଜା ପିନନ୍ 42 ଆରି ରାଜା କନସ୍ ଆରି ରାଜା ତଉମନ୍ ଆରି ରାଜା ମିବ୍ସର୍ 43 ଆରି ରାଜା ମଗ୍ଦିଏଲ୍ ଆରି ରାଜା ଇରମ୍, ଏ ମନ୍ ନିଜର୍ ନିଜର୍ ଅଦିକାର୍ ଦେସେବସ୍ତି ଜାଗାଇସାବେ ଇଦମର୍ ରାଜାମନ୍ ରଇଲାଇ । ଇଦମିଅ ମନର୍ ଆନିଦାଦି ଏସର୍ ଡକ୍ରା ଅଇ କରି ସାର୍ଲା ।
/images/a/WG5FS9VaSWVnVmV3VI8yP)
/images/a/a0208299-6f37-40a0-66e1-2576b9435f00)