7 ତାର୍ପଚେ ଜସେପ୍ ତାର୍ ବାବା ଜାକୁବକେ ଆନି ପାର ରାଜାର୍ ମୁଆଟେ ଟିଆ କରାଇଲା, ତାର୍ପଚେ ଜାକୁବ ପାରକେ ଆସିର୍ବାଦ୍ କଲା । 8 ସେଡ୍କିବେଲେ ପାରରାଜା ଜାକୁବକେ ପାଚାର୍ଲା, ତମ୍କେ କେତେ ବରସ୍ ଅଇଲା ଆଚେ ?
9 ଜାକୁବ ପାରକେ କଇଲା, ମର୍ ଜିଇଲା ଦିନ୍ ସଏ ତିରିସ୍ ବରସ୍ ଅଇଲାବେ , ମୁଇ ଅଲପ୍ ଦିନ୍ ଆକା ବଁଚ୍ଲି ଏଲେ ମିସା କସ୍ଟରେ , ମର୍ ଆନିଦାଦିମନର୍ ବାସା ଅଇ ଜିଇଲା କାଇଲା ଦିନ୍ ପାରା ନାଇଁ । 10 ତାର୍ପଚେ ଜାକୁବ ପାରକେ ଆସିର୍ବାଦ୍ କରି ତାର୍ ଲଗେଅନି ଗାଲା । 11 ତାର୍ପଚେ ଜସେପ୍ ପାରରାଜାର୍ ଆଦେସ୍ ଇସାବେ ମିସର୍ ଦେସର୍ ସବୁ ଅଁଚଲେ କଇବାକେ ଗାଲେ ରାମିସେସ୍ ପର୍ଦେସେ ଅଦିକାର୍ ଦେଇ ନିଜର୍ ବାବା ଆରି ବାଇ ମନ୍କେ ବାସା କରାଇଲା । 12 ଆରି ଜସେପ୍ ନିଜର୍ ବାବା ଆରି ବାଇମନ୍କେ ଆରି ସବୁ ବାବାର୍ କୁଟୁମ୍କେ ସବୁଲକର୍ କୁଟୁମ୍ ଇସାବେ କାଇବା କାଦିକଣ୍ଡା ଦେଇ ଲାଲନ୍ ପାଲନ୍ କଲା ।
/images/a/6c03efee-c76a-4ab8-fe2e-555683f90900)
/images/a/9ec55bb8-7dc5-47b9-c32a-98aea1c00300)