Agumesehani 12

Lagúarun Bungiu lun Abürámü

1 Luagu aban weyu, aba lariñagun Bungiu lun Abürámü:

—Ígirabei bufulasun, biduheñu tuma luban búguchi, ñüdün báamuga lidoun fulasu le lunbei narufuduni bun. 2 Nadügüba aban óunwenbu néchani hau badügawagun; nabinirubadibu, naganbahagüdüba buagu, ábanbadibu abinirúni houn amu gürigia. 3 Nabinirubaña ha abinirutibu, íñaraguanañame ha íñaragutibu, habinirúba gürigia ubouagu bídangiñe.