3 Ainanaya Abrami disangkapa awebuka somi aweu urengfo disangso kahofawau, tuti Allai medu wei deyo, 4 "Nehu kaiwo arerai Yohongnai we wau finina. Wau ambori we wereng we kaiwasa bitoyafoi. 5 Ampefe ninaia mani wiro wonomu Abrami*17:5 Abrami nana mani, Dai wewonong. ahang kaha, mae wonomu fino Abrahami*17:5 Abrahami mani, Dai we kaiwasa bitoyafoi.. Weo Iruai wau we dai we kaiwasa bitoyafoi.✝17:4-5 Rm. 4:17. 6 Yau ambori Inari wau bawing separai, nemu ririafoi bitoya paria, tuti ewe kaiwasa bitoya, tuti na nemu ririanei ambori manea ewe mananu ki. 7 Yau ambori Yohong kaiwo arerafo na Yau tuti wau, tuti nemu riria bia we riria we fitawafa, ambori Yau iwe Allai we wau tuti we nemu ririafoi sentenang.✝17:7 Luk. 1:55. 8 Nu munohi nai we inontarai aisei nini, amani nu Kanani foi ambori Yohongni sentenang we wau tuti nemu ririafoi we nemuni we fitawafa, tuti Yau ambori iwe Allai wesa."✝17:8 Kis. 7:5.

9 Allai medu we Abrahami aha deyo, "We wau mani, rutawang Nehu kaiwo areranea mutu, wau tuti nemu riria bia we riria. 10 Nehu kaiwo areraio rutawangnaia mutu mani, na wau tuti nemu ririanei mani tonina, inontarai mang mano etaubau enumi na nemu ririawai mani todoni kontaio ewe sunati.✝17:10 Kis. 7:8; Rm. 4:11. 11 Todoni kontaio wau we sunati, tuti fi nanai we fiainawiai kariri kaiwo arerai na Yau tuti wau.