7 Yusupi kia tamang Yakupi kontai awa deinawi we Firauni. Mayeai Yakupi mioang Firauni. 8 Ainanaya Firauni dutang bera Yakupi deyo, "Nemu fuina beiru ampa?" 9 Yakupi yoa wei deyo, "Fuinao iraiwariai iwe inontarai aisei ne, fuina piaring piareia sura (130). Fuina iminohi yarang fuba kaha tuti dadira paria. Wiro netarai toyari nehu wereng fosa ene fuina eraoai fo kaha, amani ene fuina eraiwariai eweinontarai aiseifo."
10 Ainanaya Yakupi mioang Firauni, mayeai dariai to boriai weruia. 11 Mayeaia mani Yusupi deinawi katai we tamangna tuti ne doroifosa we enayai nai, amani dohong kahofa beng paria na nu Mesiri we ene, na kahofa Ramsesi47:11 Ramsesi mani Gosyeni wonong waworu fine., karirio Firauni demi fo. 12 Tuti Yusupi dewawu tamangna tuti ne doroifosa tuti tamanai ne munurorong fosa na fiang, kariri ene arikang fosa efau toafo.
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)