11 यहोवा न्यू कहवै सै, "थारे भोत सारे मेलबलि मेरे किस काम के सैं? मै तो मिंढयाँ के होमबलियाँ तै अर पाळे होए पशुआं की चर्बी तै अक ग्या सूं; मै बाछड़या या भेड़ के बच्चयां या बकरयां के लहू तै खुश न्ही होन्दा। 12 थम जिब अपणे मुँह मेरे ताहीं दिखाण खात्तर आओ सो, फेर या कौण चाहवै सै के थम मेरे आँगणां ताहीं पैरां तै रौंदो? 13 बेकार अन्नबलि फेर ना ल्याओ; धूप तै मेरे ताहीं घृणा सै। नये चाँद अर विश्रामदिन का मानणा, अर सभा का प्रचार करणा, यो मेरे ताहीं बुरा लाग्गै सै। महासभा कै गैल ए गैल बेकार काम करणा मेरे ताहीं सहया न्ही जान्दा। 14 थारे नये चाँद अर ठहराए होए त्यौहारां के मान्नण तै मै जी तै बैर राक्खूँ सूं; वे सारे मेरे ताहीं बोझ जाण पड़ै सैं, मै उननै सहन्दे-सहन्दे थक ग्या सूं। 15 प्रार्थना1:15 प्रार्थना नीति. 1:28; मीका. 3:4 मै जिब थम मेरी ओड़ हाथ फैलाओ, फेर मै थारे तै मुँह फेर ल्यूँगा; थम कितनी ए प्रार्थना क्यूँ ना करो, तोभी मै थारी ना सुणूँगा; क्यूँके थारे हाथ निर्दोष के खून तै भरे सैं। 16 अपणे-आपनै धोकै1:16 अपणे-आपनै धोकै 1 पत. 2:1; याकू. 4:8 पवित्र करो: मेरी आँख्यां कै स्याम्ही तै अपणे बुरे काम्मां नै दूर करो; भविष्य म्ह बुराई करणा छोड़ द्यो, 17 भलाई करणा सीखो; कोशिश करकै न्याय करो, हुड़दंग करण आळयां नै सुधारो; अनाथ का न्याय चुकाओ, बिधवा का मुकद्दमा लड़ो।"
Publicidade