यशायाह 16

मोआब की निराशा जनक हालत

1 जंगळ*16:1 जंगळ यरुशलेम की पहाड़ी की ओड़ तै सेला शहर तै सिय्योन के रहण आळे पहाड़ पै देश के हाकिम खात्तर भेड्डां के बच्‍चयां ताहीं भेज्जो। 2 मोआब के रहण आळे अर्नोन नदी के घाट पै उजाड़े होए घोसले के पक्षी अर उनके भटके होए बच्यां की तरियां सैं। 3 मोआब के रहण आळे यहूदा के रहण आळा ताहीं न्यू कहवैं सै, सलाह*16:3 सलाह यानिके वो करो जो न्याय संगत अर सही हो। करो, न्याय चुकाओ; दोपहर ए म्ह अपणी छाया ताहीं रात की तरियां करो; घर तै लिकाड़े होया ताहीं छिपा राक्खो, जो मारे-मारे फिरैं सैं उननै ना पकड़वाओ। 4 मेरे माणस जो लिकाड़े होए सैं वे तेरे बीच म्ह रहवैं; नाश करण आळे तै मोआब नै बचाओ। पिस्सण आळा न्ही रह्या, लूट-पाट फेर न्ही होवैगी; क्यूँके देश म्ह तै अंधेर करण आळे नाश होगे सैं। 5 फेर दया कै गैल एक सिंहासन स्थिर करया जावैगा अर उसपै दाऊद के तम्बू म्ह सच्‍चाई कै गैल एक विराजमान होवैगा जो सोच विचार कै सच्‍चा न्याय करैगा अर धार्मिकता के काम पै तैयार रहवैगा।

6 यहूदा ले रहण आळे कहवैं सैं हमनै मोआब के गर्व कै बारै म्ह सुण्या सै के वो भोत घमण्डी था; उसके घमण्ड अर गर्व अर रोष के सम्बन्ध म्ह भी सुण्या सै पर उसका बड़ा बोल बेकार सै। 7 क्यूँके मोआब हाय! हाय! करैगा; सारे के सारे मोआब कै खात्तर हाहाकार करैंगे। कीरहरासत नगर की दाख की टिकियाँ खात्तर वे घणी निराश होकै लाम्बी-लाम्बी साँस लिया करैंगे।

8 क्यूँके हेशबोन के खेत अर सिबमा नगर की दाखलता मुरझागी; जात्ति-जात्ति के अधिकारियां नै उनकी बढ़िया-बढ़िया बेलां ताहीं काट-काटकै गिरा दिया सै, वे याजेर नगर ताहीं पोहची अर जंगळ म्ह भी फैलदी गई; अर बढ़दे-बढ़दे ताल के पार दूर ताहीं बढ़गी थी। 9 मै याजेर कै गैल सिबमा की दाखलता कै खात्तर भी रोऊँगा*16:9 रोऊँगा उजाड़या जाणा इसा भयानक होगा के मै भविष्यवक्ता विलाप करुँगा, यद्यपि वो मेरा देश न्ही, दूसरा देश सै।; हे हेशबोन अर एलाले, मै थमनै अपणे आँसू तै सींचूँगा; क्यूँके थारी धूपकाल के फळां की अर नाज की कटणी कै बखत की ललकार सुणाई पड़ी सै। 10 फळदाई बारियाँ म्ह तै आनन्द अर मगनता जान्दी रही; दाख की बारियाँ म्ह गीत न्ही गाया जावैगा, ना खुशी का शब्द सुणाई देवैगा; अर दाखरस के कुण्डां म्ह कोए दाख न्ही रौंदैगा, क्यूँके मै उनके खुशी के शब्द ताहीं बन्द करुँगा। 11 इस करकै मेरा मन मोआब कै कारण अर मेरा हृदय कीरहेरेस कै कारण वीणा का जिसा क्रन्दन करै सै।

12 अर जिब मोआब ऊँच्‍ची जगहां के मन्दर पै मुँह दिखान्दे-दिखान्दे थक जावै, अर प्रार्थना करण नै अपणे मन्दर म्ह आवै, तो उसनै किमे फायदा ना होवैगा। 13 याए वा बात सै जो यहोवा नै इसतै पैहले मोआब के बारै म्ह कही थी। 14 पर इब यहोवा नै न्यू कह्या सै*16:14 इब यहोवा नै न्यू कह्या सै यो यशायाह की खास अर पक्‍की भविष्यवाणी कै बारै म्ह सै के उनका विनाश तीन साल म्ह होवैगा।, "मजदूरां की तरियां गिणकै तीन साल कै भित्तर मोआब का वैभव अर उसकी भीड़-भाड़ सारी निकम्मी ठहरैगी; अर थोड़े जो बचैगें उनका कोए जोर न्ही होवैगा।"