1 हाय उनपै जो बुराई तै न्याय करै, अर उनपै जो हुड़दंग करण का हुकम लिख देवैं सैं, 2 के वे कंगालां का न्याय बिगाड़ै अर मेरी प्रजा के दीन माणसां का हक मारै, के वे बिधवां नै लुट्टै अर अनाथां का माल अपणा लेवैं! 3 थम10:3 थम याकू. 3:14; 1 पत. 2:12 सजा के दिन अर उस विपत्ति के दिन जो दूर तै आवैगी तै के करोगे? थम मदद कै खात्तर किसकै धोरै भाजकै जाओगे? थम अपणे वैभव नै कित्त धरोगे? 4 वे सिर्फ कैदियाँ के पैरां कै धोरै गिर पड़ैंगे अर मरे होया के नीच्चै दबे पड़े रहवैंगे। इतणे पै भी यहोवा का छो शान्त न्ही होया अर उसका हाथ इब ताहीं बढ़या होया सै।
अश्शूर-छो का साधन
5 अश्शूर10:5 अश्शूर यो अश्शूर के राजा कै बारै म्ह बतावै सै। पै हाय, जो मेरे छो का लठ अर मेरे हाथ म्ह का सोट्टा सै। वो मेरा छो सै। 6 मै उसनै एक भगतिहीन जात्ति कै खिलाफ भेज्जूँगा, अर जिन माणसां पै मेरा रोष भड़क्या सै उनकै खिलाफ उसनै हुकम देऊँगा के लूट-खसोट करै अर लूट ले, अर उननै सड़कां की कीच की तरियां लताड़ै। 7 पर अश्शूर के राजा की इसी मनसा ना होवैगी, ना उसके मन म्ह इसा विचार सै, क्यूँके उसके मन म्ह योए सै के मै भोत सी जात्तां का नाश अर अन्त कर देऊँ। 8 क्यूँके वो घमण्ड तै कहवै सै, "के मेरे सारे हाकिम राजा कै बराबर न्ही? 9 के कलनो कर्कमीश की तरियां न्ही सै? के हमात अर्पाद के अर सामरिया दमिश्क की तरियां न्ही? 10 जिस तरियां मेरा हाथ मूरतां तै भरे होए उन राज्याँ पै पोहच्या जिनकी मूरत यरुशलेम अर सामरिया की मूरतां तै बढ़कै थी, अर जिस तरियां मन्नै सामरिया अर उसकी मूर्तियाँ तै करया, 11 के उसे तरियां मै यरुशलेम तै अर उसकी मूरतां तै भी ना करुँ?"
अश्शूर पै न्याय
12 इस कारण जिब प्रभु सिय्योन पर्वत पै अर यरुशलेम म्ह अपणे सारे काम कर लेवैगा, फेर मै अश्शूर के राजा के गर्व की बात्तां का, अर उसकी घमण्ड भरी आँख्यां का बदला देऊँगा। 13 अश्शूर के राजा नै घमण्ड तै कह्या सै, "अपणे बाजुआं की ताकत अर बुद्धि तै मन्नै यो काम करया सै, क्यूँके मै चलाक सूं; मन्नै देश-देश की सीमा ताहीं हटा दिया, अर उनके धरे होये धन ताहीं लूट लिया; मन्नै वीर की तरियां गद्दी पै विराजण आळयां ताहीं उतार दिया सै। 14 देश-देश के माणसां की जायदाद, चिड़ियाँ के घोंसल्यां की तरियां, मेरे हाथ आई सै, अर जिस तरियां कोए छोड्डे होए अण्डयाँ नै बटोर ले उसे तरियां ए मन्नै सारी धरती ताहीं बटोर लिया सै; अर कोए पंख फड़फड़ाण या चोंच खोलण या चीं-चीं करण आळा ना था।"
15 के कुहाड़ा उसके खिलाफ जो उसतै काटदा हो डींग मारै, या आरी उसकै खिलाफ जो उसनै खींचदा हो बड़ाई करै? के सोंटा अपणे चलाण आळे नै चलावै या छड़ी उसनै ठावै जो काठ न्ही सै! 16 इस कारण प्रभु यानिके सेनाओं का प्रभु उस राजा के हट्टे-कट्टे योद्धयां नै दुबळा कर देवैगा, अर उसके ऐश्वर्य के नीच्चै आग की जिसी जळण होवैगी।10:16 यानिके परमेसवर चाणचक ए उसके धन अर घमण्ड नै पूरी तरियां नाश कर देवैगा। जिस तरियां किसे भव्य मन्दर कै नीच्चै आग जळा देई गई हो। 17 इस्राएल के यहोवा की ज्योति तो आग ठहरैगी, अर इस्राएल का पवित्र ज्वाला ठहरैगा; अर पवित्र परमेसवर उसके झाड़-बोजड़े नै एके दिन म्ह भस्म करैगा। 18 अर जिस तरियां रोगी के कमजोर हो जाण पै उसकी हालत होवै सै उसे तरियां ए वो उसके बण अर फळदाई बाग की शोभा नै पूरी तरियां तै नाश करैगा। 19 उस बण के दरखत इतणे थोड़े रह जावैंगे के लड़का भी उननै गिणकै लिख लेवैगा।
बाकी इस्राएलियाँ की वापसी
20 उस बखत इस्राएल के बचे होए माणस अर याकूब के घराने के भाजे होए, अपणे मारण आळे10:20 अपणे मारण आळे यानिके अश्शूर का राजा या उसकी सेना पै फेर कदे भरोस्सा ना करैंगे, पर इस्राएल का पवित्र यहोवा जो सै, उसे पै वे सच्चाई तै भरोस्सा करैंगे। 21 याकूब म्ह तै बचे होए माणस पराक्रमी परमेसवर की और फिरैंगे। 22 क्यूँके हे इस्राएल, चाहे तेरे माणस समुन्दर के रेत के कणा कै बराबर भी घणे हों, तोभी पक्का सै के उन म्ह तै सिर्फ बचे माणस ए बोहड़ैगें। सत्यानाश तो पूरे न्याय के गैल ठाण्या गया सै। 23 क्यूँके प्रभु सेनाओं के यहोवा नै सारे देश का सत्यानाश कर देणा ठाण्या सै।
परमेसवर अश्शूर नै सजा देवैगा
24 इस करकै प्रभु सेनाओं का यहोवा न्यू कहवै सै, "हे सिय्योन म्ह रहण आळी मेरी प्रजा, अश्शूर तै ना डरै; चाहे वो सोंटें तै तेरे ताहीं मारै अर मिस्र की तरियां तेरे उप्पर छड़ी ठावै। 25 क्यूँके इब थोड़ी-ए देर सै के मेरी जळण अर छो उनका सत्यानाश करकै शान्त होवैगा 26 सेनाओं का यहोवा उसके खिलाफ कोड़ा ठाकै उस ताहीं इसा मारैगा जिसा उसनै ओरेब नाम की चट्टान10:26 ओरेब नाम की चट्टान इस चट्टान पै गिदोन नै दो मिद्यानियाँ ताहीं मार दिया था ओरेब अर जेब। पै मिद्यानियाँ ताहीं मारया था; अर जिसा उसनै मिस्रियाँ कै खिलाफ समुन्दर पै लाठ्ठी बढ़ाई, उसे तरियां ए उसकी और भी बढ़ावैगा। 27 उस बखत इसा होवैगा के उसका बोझ तेरे कंधे पै तै अर उसका जूआ तेरी गर्दन पै तै ठा लिया जावैगा, अर अभिषेक कै कारण वो जूआ तोड़ गेरया जावैगा।"
अश्शूरी सेना का आक्रमण
28 वो अय्यात शहर म्ह आया सै, अर मिग्रोन नगर म्ह तै होकै आगै बढ़ ग्या सै; मिकमाश नगर म्ह उसनै अपणा सामान धरया सै। 29 वे घाटी तै पार होगे, उननै गेबा नगर म्ह रात काट्टी; रामाह नगर थरथरा उठ्या सै, शाऊल के गिबा नगर के लोग भाज लिकड़े सै। 30 हे गल्लीम की बेट्टी10:30 हे गल्लीम की बेट्टी अनातोत, जो की यिर्मियाह का जन्म स्थान अर यरुशलेम के उत्तर पूरब म्ह एक शहर सै मदद ताहीं चिल्ला! हे लैशा के माणसों कान लगाओ! हाय बेचारा अनातोत! 31 मदमेना शहर मारया-मारया फिरै सै, गेबीम के बासिन्दे भाजण कै खात्तर अपणा-अपणा सामान कठ्ठा कर रहे सैं। 32 आज ए के दिन सिय्योन के लोग नोब10:32 नोब बिन्यामीन गोत्र का एक नगर जिस म्ह पुरोहित थे। म्ह टिकैगा; फेर वो सिय्योन पहाड़ पै, अर यरुशलेम की पहाड़ी पै हाथ ठाकै धमकावैगा।
33 देक्खो, प्रभु सेनाओं का यहोवा दरखतां नै भयानक रूप तै छाँट देगा; ऊँचे-ऊँचे दरखत काटे जावैंगे, अर जो ऊँच्चे सैं वो नीच्चै करे जावैंगे। 34 यहोवा घणे बण नै लोहे तै काट देवैगा अर लबानोन एक प्रतापी के हाथ तै नाश करया जावैगा।