यशायाह 19

मिस्र कै खिलाफ घोषणा

1 मिस्र*19:1 मिस्र यहे. 30:13 "परमेसवर यहोवा न्यू कहवै सै, मै नोप म्ह तै मूरतां नै नाश करुँगा अर उस म्ह की मूरतां नै रहण न्ही देऊँगा; फेर कोए प्रधान मिस्र देश म्ह ना उठैगा; अर मै मिस्र देश म्ह भय उपजाऊँगा। प्रका. 1:7 लखाओ, वो बादळां कै गेल्या आण आळा सै, अर हरेक आँख उसनै देखैगी, बल्के जिननै उस ताहीं बेधा था, वे भी उस ताहीं देखैंगें, अर धरती के सारे कुल उसकै कारण छात्त्ती पीट्टैंगें, जिब उस ताहीं देक्खैंगे।" हाँ। आमीन। कै बारै म्ह भारी भविष्यवाणी। देक्खो, यहोवा तावळा उड़ण आळे बादळ पै सवार होकै मिस्र म्ह आण लागरया सै; अर मिस्र की मूरत उसके आण तै थरथरा उठैंगी, अर मिस्र के रहण आळा का हृदय पाणी-पाणी हो जावैगा। 2 यहोवा*19:2 यहोवा मत्ती 10:21 भाई, भाई नै अर पिता बेट्टे नै, मारण खात्तर सौंप देंगें, अर बाळक अपणे माँ-बाप के बिरोध म्ह खड़े होकै उन ताहीं मरवा देवैंगे। न्यू कहवै सै, मै मिस्रियाँ ताहीं एक दुसरे कै खिलाफ उभारूँगा, अर वे आप्पस म्ह लड़ैंगें, हरेक अपणे भाई तै अर हरेक अपणे पड़ोसी तै लड़ैगा, नगर-नगर म्ह अर एक राज्य का दुसरे राज्य तै युद्ध छिड़ैगा; 3 अर मिस्रियाँ की बुद्धि मारी जावैगी*19:3 मिस्रियाँ की बुद्धि मारी जावैगी वे अपणे झगड्या अर बिरोध कै कारण कमजोर हो जावैंगे अर उनकै धोरै मुक्ति की उम्मीद ना दिखाई देवैगी अर अव्यवस्था के अन्त होण की चिन्ता म्ह वे अपणे देवी-देवता की शरण लेंगे। अर मै उनकी युक्तियाँ नै बेकार कर दियुँगा; अर वे अपणी मूरतां कै धोरै अर ओझां अर फुसफुसाण आळे टोन्हा कै धोरै जा-जाकै उनतै पूच्छैगें; 4 पर मै मिस्रियाँ ताहीं एक कठोर राजा कै हाथ म्ह कर दियुँगा; अर एक जालिम राजा उनपै प्रभुता करैगा, प्रभु सेनाओं के यहोवा की याए वाणी सै।

5 जिब समुन्दर का पाणी सूख जावैगा, अर महानदी सूख कै खाल्‍ली हो जावैगी; 6 अर नाळे तै बदबू आण लाग्गैगी, अर मिस्र की नहरें भी सूख जावैंगी, अर नरकट अर हूगले कुम्हला जावैंगे। 7 नील नदी का किनारा उजड़ जावैगा, अर उसके कछार की घास, अर जो किमे नील नदी कै धोरै बोया जावैगा वो सूख कै नाश हो जावैगा, अर उसका बेरा भी ना पाट्टैगा। 8 सारे मछुआरे जितने नील नदी म्ह बंसी डालै सैं विलाप करैंगे अर लाम्बी-लाम्बी साँस लेवैंगे, अर जो पाणी कै उप्पर जाळ फेंकै सैं वे कमजोर हो जावैंगे। 9 फेर जो माणस धुने होए सण तै काम करैं सैं अर जो सूत तै बुणै सैं उनकी उम्मीद जावैगी। 10 मिस्र देश म्ह रईस तो निराश अर उसके सारे मजदूर उदास हो जावैंगे।

11 पक्‍का सोअन शहर के सारे हाकिम मूर्ख सैं; अर फिरौन के बुद्धिमान मंत्रियाँ की योजना पशु की जिसी ठहरी। फेर थम फिरौन तै किस तरियां कह सको सो के मै बुद्धिमानां का बेट्टा अर पुराणे राजयां की औलाद सूं? 12 हे मिस्र*19:12 हे मिस्र 1 कुरि. 1:20 कित्त रहया ज्ञान्‍नी? कित्त रहया शास्त्री? कित्त रहया इस दुनिया का विवाद करण आळा? के परमेसवर नै दुनिया के ज्ञान ताहीं बेकूफी न्ही ठहराया देश के राजा इब तेरे बुद्धिमान कित्त सै? सेनाओं के यहोवा नै मिस्र के बारै म्ह जो योजना बणाई सै, उस ताहीं जै वे जाण्दे हों तो तेरे ताहीं बतावै। 13 सोअन*19:13 सोअन मेम्‍फिस नगर का इब्रानी नामनोप सै के हाकिम मूर्ख बणगे सैं, नोप शहर के हाकिमां नै धोखा खाया सै; अर जिनपै मिस्र के प्रधान माणसां का भरोस्सा था उननै मिस्र ताहीं भरमा दिया सै। 14 यहोवा नै उस म्ह भ्रमता पैदा करी सै*19:14 यहोवा नै उस म्ह भ्रमता पैदा करी सै परमेसवर नै उन म्ह मतवाळेपण की आत्मा गेर दी यानिके उसनै उन म्ह भय अर घबराहट पैदा कर दी।; उननै मिस्र ताहीं उसके सारे काम्मां म्ह उस मतवाळे की तरियां कर दिया सै जो वमन करदे होए डगमगावै सै। 15 अर मिस्र कै खात्तर कोए इसा काम ना रहवैगा जो सिर या पूँछ तै या खजूर की डालियाँ या सरकण्डे तै हो सकै।

मिस्र परमेसवर की उपासना करैगा

16 उस बखत मिस्री, जनानियाँ की तरियां हो जावैंगे, अर सेनाओं का यहोवा जो अपणा हाथ उनपै बढ़ावैगा उसके डर के मारे वे थरथरावैंगे अर काँम्ब उठैगें। 17 अर यहूदा का देश मिस्र कै खात्तर उरै ताहीं भय का कारण होवैगा के जो कोए उसकी चर्चा सुणैगा वो थरथरा उठैगा; सेनाओं के यहोवा की उस योजना का योए फळ होवैगा जो वो मिस्र कै खिलाफ करै सै।

18 उस बखत मिस्र देश म्ह पाँच नगर होवैंगे जिनके माणस कनान की भाषा बोलैगें अर यहोवा की कसम खावैंगे। उन म्ह तै एक का नाम नाशनगर धरया जावैगा।

19 उस बखत मिस्र देश कै बीच म्ह यहोवा खात्तर एक वेदी होवैगी, अर उसकी सीमा कै धोरै यहोवा खात्तर एक खम्बा खड़या होवैगा। 20 वो मिस्र देश म्ह सेनाओं के यहोवा खात्तर निशान्‍नी अर गवाह ठहरैगा; अर जिब वे अंधेर करण आळे कै कारण यहोवा नै मदद खात्तर पुकारैंगे, फेर वो उनकै धोरै एक उद्धारकर्ता अर रक्षक भेज्जैगा, अर उननै आजाद करैगा। 21 फेर यहोवा अपणे-आपनै मिस्रियाँ पै प्रगट करैगा; अर मिस्री उस बखत यहोवा नै पिच्छाणैगें अर मेलबलि अर अन्‍नबलि चढ़ाकै उसकी आराधना करैंगे, अर यहोवा खात्तर मन्‍नत मानकै पूरी भी करैंगे। 22 अर यहोवा मिस्रियाँ नै मारैगा, वो मारैगा अर चंगा भी करैगा, अर वे यहोवा की और फिरैंगे अर वो उनकी बिनती सुणकै उननै चंगा करैगा।

23 उस बखत मिस्र तै अश्शूर जाण का एक राजमार्ग होगा, अर अश्शूरी मिस्र म्ह आवैंगे अर मिस्री माणस अश्शूर म्ह जावैंगे, अर मिस्री अश्शूरियां कै साथ मिलकै परमेसवर की आराधना करैंगे।

24 उस बखत इस्राएल, मिस्र अर अश्शूर तीन्‍नु मिलकै धरती खात्तर आशीष का कारण होवैंगे। 25 क्यूँके सेनाओं का यहोवा उन तीनुआं ताहीं या कहकै आशीष देवैगा, धन्य हो मेरी प्रजा मिस्र के रहण आळे, अर मेरा रच्या होया अश्शूर के रहण आळे, अर मेरा खास भाग इस्राएल।