1 हे यहोवा, तू मेरा परमेसवर सै; मै तेरे ताहीं खूब सराहूँगा, मै तेरे नाम का धन्यवाद करुँगा; क्यूँके तन्‍नै अचम्भे के काम करे सैं, तन्‍नै पुराणे बखत तै पूरी सच्‍चाई कै गैल योजना बणाई सैं। 2 तन्‍नै बैरियाँ के शहर ताहीं ढेर बण्या दिया, अर उस गढ़आळे नगर ताहीं खण्डहर कर दिया सै; तन्‍नै परदेशियाँ की राजपुरी ताहीं इसा उजाड़या के वो नगर न्ही रह्या; वो फेर कदे बसाया न्ही जावैगा। 3 इस कारण ताकतवर राज्य के माणस तेरी महिमा करैंगे; भयंकर जात्तां के नगरां म्ह तेरा भय मान्‍ना जावैगा। 4 क्यूँके तू संकट म्ह दीन माणसां कै खात्तर गढ़, अर जिब भयानक माणसां का झोंका दीवार पै बौछार की तरियां होवै था, फेर तू गरीबां कै खात्तर उनकी शरण, अर तपण म्ह छाया का स्थान होया। 5 जिस तरियां निर्जल देश म्ह बादळ की छाया तै तपण ठण्डी होवै सै उसे तरियां ए तू परदेशियाँ का शोर-सराबा अर जुल्मी माणसां की जयजयकार बन्द करै सै।

6 सेनाओं* का यहोवा इस्से पहाड़ पै सारे देशां के माणसां कै खात्तर इसा भोज त्यार करैगा जिस म्ह ढाळ-ढाळ का चिकणा भोजन अर छण्या होया दाखमधु होवैगा; बढ़िया तै बढ़िया चिकणा भोजन अर घणाए छण्या होया दाखमधु होवैगा। 7 अर* क्यूँके वे समझ न्ही पाण लागरे, के उस अज्ञानता कै कारण, अर उनके मन की कठोरता कै कारण, जो उन म्ह सै, वे परमेसवर के उस जीवन तै न्यारे करे गए सै जो परमेसवर देवै सै। जो पड़दा सारे देशां के माणसां पै पड़या सै, जो घूँघट सारी जातियाँ पै लटक्या होया सै, उसनै वो इस्से पहाड़ पै नाश करैगा। 8 यहोवा मौत नै* जिब इसा होवै सै, तो जो परमेसवर नै पवित्र ग्रन्थ म्ह लिख्या सै, वो पूरा हो जावैगा, "मौत पूरी तरियां तै हार जावैगी अर वजूद म्ह कोनी रहवैगी।" प्रका. 7:17 क्यूँके जो मेम्‍ना सिंहासन कै बिचाळै सै वो उनकी रुखाळी करैगा, अर उन ताहीं जीवनरूपी पाणी के चोवै कै धोरै ले जाया करैगा, अर परमेसवर उनकी आँखां तै सारे आँसू पुंज देवैगा। प्रका. 21:4, अर वो उनकी आँखां तै सारे आँसू पुंज देवैगा, अर इसकै बाद ना मौत, ना दुख, ना बिलाप, अर ना दर्द रहवैगा, क्यूँके पुराणी बात बीत ली सै। सदा कै खात्तर नाश करैगा, अर प्रभु यहोवा सारया के मुँह पै तै आँसू पोंछ देवैगा, अर अपणी प्रजा की बदनाम्मी सारी धरती पै तै दूर करैगा; क्यूँके यहोवा नै इसा कह्या सै।

9 उस बखत न्यू कह्या जावैगा, "देक्खो, म्हारा परमेसवर योए सै; हम इस्से की बाट देखदे आए सां, के वो म्हारा उद्धार करे। यहोवा योए सै; हम उसकी बाट देखदे आए सां। हम उसतै उद्धार पाकै मगन अर आनन्दित होवैंगे।"

10 क्यूँके सियोन के पहाड़ पै यहोवा का हाथ सदा बण्या रहवैगा पर मोआब अपणी ए जगहां म्ह इसा लताड़या जावैगा जिस तरियां खाद म्ह पुआळ लताड़या जावै सै।* 11 मोआब के रहण आळे उस म्ह अपणे हाथ इस तरियां फैलावैगा, जिस तरियां कोए तिरदे होए फैलावै; पर वो उसके गर्व ताहीं तोड़ैगा; अर उसकी चालाकी ताहीं निष्फल कर देवैगा। 12 उसकी ऊँची-ऊँची अर मजबूत शहरपनाह नै वो झुकावैगा अर नीच्‍चा करैगा, बलके धरती पै गिराकै माट्टी म्ह मिला देवैगा।