बेजान मूर्ति अर जिन्दा परमेसवर
1 यशायाह न्यू कहवै सै, बेल देवता46:1 बेल देवता बाबेल का प्रमुख गृहदेवता। झुक ग्या, नबो देवता झुक ग्या सै, उनकी मूर्ति पशुआं बलके घरेलू पशुआं पै लदी सैं; जिन चिज्जां नै थम ठाए फिरो थे, वे इब भारी बोझ होगी अर थके होए पशुआं पै लदी सैं।46:1 नबो बाबेल का दूसरा देवता था अर वो बेल देवता का बेट्टा था 2 वे मूरत झुकगे, वे एक साथ झुकगे, वे उस बोझ तै छुड़ा न्ही सके, अर खुद भी गुलाम्मी म्ह चले गये सैं।
3 यहोवा न्यू कहवै सै, "हे याकूब के घरान्ने, हे इस्राएल कै घरान्ने के सब बचे होए माणसों, मेरी और कान लगाकै सुणो; थारे ताहीं मै थारे पैदा होण ए तै ठाए आण लाग रहया अर जन्म तै ए लिए फिरदा आया सूं। 4 थारे बुढ़ापे म्ह भी मै उसाए बण्या रहूँगा अर थारे बाळ पकण कै बखत ताहीं थमनै ठाए रहूँगा। मन्नै थारे ताहीं बणाया अर थमनै लिए फिरदा रहूँगा; मै थमनै ठाए रहूँगा अर छुड़ान्दा भी रहूँगा।"
5 "थम किसतै मेरी बराबरी करोगे अर मेरे ताहीं किसकी तरियां बताओगे, किसतै मेरा मिलाण करोगे के हम एक तरियां ठहरां? 6 जो थैल्ली तै सोन्ना उण्डेलै या तराजू म्ह चाँदी तोल्लै सैं, जो सुनार नै मजदूरी देकै उसतै देवता बणवावै सैं, फेर वे उस देवता ताहीं प्रणाम करैं बलके दण्डवत भी करै सैं! 7 वे उसनै कंधे पै ठाकै लिए फिरै सैं, वे उसनै उसकी जगहां पै धर देवै सै अर वो ओड़ैए खड़या रहवै सै; वो अपणे जगहां तै हट न्ही सकदा; जै कोए उसकी दुहाई भी दे, तोभी वो सुण न्ही सकदा अर ना विपत्ति तै उसका उद्धार कर सकै सै।"
8 "हे अपराधियों, इस बात नै याद करो अर ध्यान द्यो, इसपै फेर मन लगाओ। 9 पुराणे बखत की बात्तां नै याद करो जो शरुआत मै मन्नै करा था, क्यूँके परमेसवर मै ए सूं, दूसरा कोए न्ही; मै ए परमेसवर सूं और मेरे बराबर कोए भी न्ही सै। 10 मै तो अन्त की बात शरुआत तै अर पुराणे बखत तै उस बात ताहीं बतान्दा आया सूं जो इब ताहीं न्ही होई। मै कहूँ सूं, ‘मेरी युक्ति स्थिर रहवैगी46:10 मेरी युक्ति स्थिर रहवैगी मेरा उद्देश्य, मेरी योजना, मेरी मर्जी स्थिर रहवैगी का मतलब सै, अचल, बस जाणा, बे फिक्र होणा, स्थापित होणा अर मै अपणी इच्छा नै पूरी करुँगा।’ 11 मै पूर्व तै एक उकाब पंछी नै यानिके दूर देश तै अपणी युक्ति के पूरा करण आळे माणस नै बुलाऊँ सूं। मन्नै ए या बात कही सै अर उसनै पूरी भी करुँगा; मन्नै यो विचार करया सै अर उसनै सफल भी करुँगा।"
12 "हे कठोर मन आळेयो थम जो धार्मिकता तै दूर सो, कान लगाकै मेरी सुणो। 13 मै अपणी धार्मिकता नै धोरै ल्याण पै सूं वो दूर न्ही सै, अर मेरे ताहीं उद्धार करण म्ह देर न्ही होवैगी; मै सिय्योन का उद्धार करुँगा अर इस्राएल नै महिमा देऊँगा।"