परमेसवर भविष्य का भी माल्लिक
1 हे याकूब के घरान्ने, या बात सुण, थम जो इस्राएली कुह्वाओ अर यहूदा के चोयां के पाणी तै पैदा होए सों; जो यहोवा के नाम की कसम खाओ सों अर इस्राएल के परमेसवर का जिक्र तो करो सों, पर सच्चाई अर धार्मिकता तै न्ही करदे। 2 क्यूँके वे खुद नै पवित्र नगर के बतावै सैं, अर इस्राएल के परमेसवर पै, जिसका नाम सेनाओं का यहोवा सै भरोस्सा करै सैं।
3 यहोवा इस्राएल तै न्यू कहवै सै, "होण आळी बात्तां ताहीं तो मन्नै पुराणे बखत तै ए बताया सै, अर उनकी चर्चा मेरे मुँह तै लिकड़ी, मन्नै चाणचक उन ताहीं जाहिर करया अर वे बात सचमुच होई। 4 मै जाणु था के तू हठील्ला सै अर तेरी गर्दन लोहे की नस अर तेरा माथा पीतळ का सै। 5 इस करकै मन्नै इन बात्तां ताहीं पुराणे बखत तै ए तेरे तै बताया उनके होण तै पैहलाए मन्नै तेरे ताहीं बता दिया, इसा ना हो के तू न्यू कहण पावै के यो मेरे देवता का काम सै, मेरी खोदी और ढळी होई मूर्तियाँ के हुकम तै यो होया।"
6 "तन्नै48:6 प्रका. 1:19 सुण्या सै, इब इन सब बात्तां पै ध्यान कर; अर देक्खो, के थम उसका प्रचार न्ही करोगे? इब मै तेरे ताहीं नई-नई बात अर इसी गुप्त बात सुणाऊँगा जिननै तू न्ही जाणदा। 7 वे इब्बे इब रची गई सैं, पुराणे बखत तै न्ही; पर आज तै पैहल्या तन्नै उन ताहीं सुण्या भी ना था, इसा ना हो के तू कहवै के देख मै तो इननै जाणु था। 8 हाँ! पक्का तन्नै ना तो उन ताहीं सुण्या, ना जाण्या, ना इसतै पैहला तेरे कान खुले थे। क्यूँके मै जाणु था के तू जरुर बिश्वासघात करैगा, अर गर्भ तै ए तेरा नाम बिद्रोही पड्या सै।"
9 "अपणे नाम कै खात्तर मै छो करण म्ह देर करुँ सूं, अर अपणी महिमा कै निमित्त खुद नै रोक्के राक्खूँ सूं, इसा ना हो के मै तेरे ताहीं काट दियुँ। 10 देख48:10 भजन. 66:10; 1 पत. 1:7, मन्नै तेरे ताहीं निर्मल तो करया, पर, चाँदी की तरियां न्ही; मन्नै दुःख की भट्ठी म्ह परख कै तेरे ताहीं चुण लिया सै। 11 अपणे खात्तर, हाँ अपणे ए खात्तर मन्नै यो करया सै, मेरा नाम क्यूँ अपवित्र ठहरे? अपणी महिमा मै दुसरे नै न्ही दियुँगा।"
इस्राएल नै छुड़ाण की परमेसवर की पैहले योजना
12 "हे याकूब, हे मेरे बुलाए होए इस्राएल, मेरी ओड़ कान लगाकै सुण! मै वोए सूं, मै ए शरुआत अर मै ए अन्त सूं। 13 पक्का मेरे ए हाथ नै धरती की नींव धरी, अर मेरे ए सोळे हाथ नै अकास फैलाया; जिब मै उननै बुलाऊँ सूं48:13 जिब मै उननै बुलाऊँ सूं उरै लाग्गू सै के जिसकै धोरै सुर्ग की सेना नै हुकम देण अर उसके वचन के जरिये सिध्द आज्ञाकारिता का हक सै, उस म्ह अपणी प्रजा की रक्षा करण की ताकत भी सै।, वे एक साथ हाजिर हो जावै सैं।"
14 "थम सबके सब कठ्ठे होकै सुणो! उन म्ह तै किसनै कदे इन बात्तां की खबर दी? यहोवा उसतै प्यार करै सै: वो बाबेल पै अपणी इच्छा पूरी करैगा, अर कसदियाँ पै उसका हाथ पड़ैगा। 15 मन्नै, हाँ मन्नै ए कह्या अर उस ताहीं बुलाया सै, मै उस ताहीं ले आया सूं, अर उसका काम सफल होगा। 16 मेरे धोरै आकै इस बात नै सुणो शरुआत तै लेकै इब ताहीं मन्नै कोए भी बात गुप्त म्ह न्ही कही; जिब तै वो होया जद तै मै ओड़ै सूं।" अर इब प्रभु यहोवा नै अर उसकी आत्मा नै मेरे ताहीं भेज्या सै।
परमेसवर की योजना
17 यहोवा जो तेरा छुड़ाण आळा अर इस्राएल का पवित्र परमेसवर सै, वो न्यू कहवै सै: "मै ए तेरा परमेसवर यहोवा सूं जो तेरे ताहीं तेरे फायदा कै खात्तर शिक्षा देऊँ सूं, अर जिस राह तै तन्नै जाणा सै उसे राह पै तेरे ताहीं ले चाल्लु सूं। 18 भला होन्दा के तन्नै मेरे हुकमां ताहीं ध्यान तै सुण्या होन्दा!48:18 ध्यान तै सुण्या होन्दा! उरै जो शिक्षा सै वो या सै के परमेसवर चाहवै सै के माणस उसके नियमां का पालन करै। उसकी इच्छा म्ह उनके जरिये पाप करणा या परमेसवर तै सजा पाणा न्ही था। फेर तेरी शान्ति नदी की तरियां अर तेरी धार्मिकता समुन्दर की लहरां की तरियां होन्दी; 19 तेरा वंश रेतकणा के बराबर होन्दा, अर तेरी खुद की औलाद उसके कणां की तरियां होन्दी; उनका नाम मेरै स्याम्ही तै ना कदे काट्या अर ना मिटाया जान्दा।"
20 बाबेल म्ह तै लिकड़ जाओ, कसदियाँ कै बीच म्ह तै भाज जाओ; जयजयकार करदे होए इस बात का प्रचार करकै सुणाओ, धरती की छोर तक इसकी चर्चा करो; कहन्दे जाओ: "यहोवा नै अपणे दास याकूब ताहीं छुड़ा लिया सै!" 21 जिब यहोवा उननै निर्जल देशां म्ह लेग्या, फेर वे प्यासे ना होए; उसनै उनकै खात्तर चट्टान म्ह तै पाणी लिकाड्या; उसनै चट्टान ताहीं चिरया अर पाणी बह लिकड्या। 22 "दुष्टां कै खात्तर किमे शान्ति न्ही," यहोवा का योए वचन सै।