मोआब का पतन
1 मोआब देश कै बारै म्ह भारी भविष्यवाणी। पक्का मोआब का आर नगर बैरी नै एके रात म्ह उजाड़ अर नाश दिया सै; अर पक्का मोआब का कीर नगर बैरी नै एके रात म्ह उजाड़ अर नाश कर दिया सै। 2 बैत अर दीबोन ऊँच्ची जगहां के मंदर पै रोण कै खात्तर चढ़गे सैं; नबो अर मेदबा15:2 मेदबा यो यरदन नदी के पूर्व म्ह रूबेन तै दिए गये क्षेत्र के दक्षिणी भाग म्ह एक नगर था। के उप्पर मोआब के रहण आळे हाय! हाय! करै सै। उन सारया के सिर मुँण्ड़े होए, अर सारया की दाढ़ी मुँण्ड़ी होई सैं; 3 सड़कां पै नबो अर मेदबा शहर के माणस टाट पैहरे सैं; छात्तां पै अर चौकां म्ह हर कोए आँसू बहान्दे होए हाय! हाय! करैं सैं। 4 हेशबोन अर एलाले के रहण आळे चिल्ला रहे सैं, उनका शब्द यहस शहर ताहीं सुणाई पड़ै सै; इस कारण मोआब के हथियार-बन्द चिल्ला रहे सैं; उसका जी घणा उदास सै। 5 मेरा मन मोआब कै खात्तर दुहाई देवै सै;15:5 यो गहरी बात नै जाहिर करै सै, अर सबूत सै के भविष्यवक्ता की समझ म्ह उसपै आणआळी उसके रईस सोअर शहर अर एग्लत-शलीशिया ताहीं भाजे जावैं सैं। देक्खो, लूहीत शहर की चढ़ाई पै वे रोन्दे होए चढ़ण लागरे सैं; सुणो, होरोनैम की राह म्ह वे नाश होण की चिल्लाहट मचाण लागरे सैं। 6 निम्रीम घटी का पाणी सूख ग्या; घास मुरझागी अर हरियाली मुरझागी, अर नमी कुछ भी न्ही रही। 7 इस करकै जो धन उननै बचा राख्या, अर जो किमे उननै कठ्ठा करया सै, उस सारे ताहीं वे उस घाटी कै पार लिये जा रहे सैं जिस म्ह मजनू के दरखतां की घाटी सैं। 8 इस कारण मोआब के च्यांरु ओड़ की हद म्ह मदद खात्तर चिल्लाहट होण लागरी सै, उस म्ह का हाहाकार एगलैम अर बेरेलीम म्ह भी सुणाई देवै सै। 9 क्यूँके दीमोन नगर का सोता लहू तै भरया होया सै; फेर भी मै दीमोन पै और दुःख गेरूँगा, मै बचे होए मोआबियाँ अर उनके देश तै भाज्जे होया कै खिलाफ शेर भेज्जूँगा।