यशायाह का बेट्टा: माणसां कै खात्तर निशान्नी
1 फेर यहोवा नै मेरे तै कह्या, "एक बड़ी पट्टी लेकै उसपै साधारण अक्षरां तै यो लिख: महेर्शालाल्हाशबज8:1 महेर्शालाल्हाशबज इस नाम का मतलब सै शिकार या लूट पकड़ण म्ह तावळी अर इसका दोहराया जाणा उसपै बल बढ़ावै सै फेर ध्यान खींचण खात्तर उत्तेजित करै सै। उरै विचार यो सै के अश्शूर लूट खात्तर तावळी करैंगे के वो घणा तावळा हो। कै खात्तर।" 2 अर मै बिश्वास लायक माणसां नै यानिके ऊरिय्याह याजक अर जेबेरेक्याह के बेट्टे जकर्याह ताहीं इस बात की गवाही देऊँगा। 3 मै अपणी घरआळी गैल सोया, अर वा गर्भवती होई अर उसकै बेट्टा पैदा होया। फेर यहोवा नै मेरे तै कह्या, "उसका नाम महेर्शालाल्हाशबज धर; 4 क्यूँके इसतै पैहले के वो लड़का बापू अर माँ कहणा जाणै, दमिश्क अर सामरिया दोनुआ की जायदाद लूट कै अश्शूर का राजा अपणे देश म्ह भेज्जैगा।"
अश्शूर के राजा का आगमन
5 यहोवा नै फेर मेरे तै कह्या, 6 "इस करकै के माणस शीलोह के सहज-सहज बहणआळे नदी ताहीं निकम्मा जाणै सैं, अर राजा रसीन अर रमल्याह के बेट्टे राजा पेखाह कै गैल एक्का करकै आनन्द करैं सैं, 7 इस कारण सुण, प्रभु उनपै उस प्रबल अर ढुंघे महानद नै, यानिके अश्शूर के राजा नै उसके सारे प्रताप कै गैल चढ़ा ल्यावैगा; अर वो उनके सारे नाळयां नै भर देगा अर सारे किनारयाँ नै छलका कै बहवैगा; 8 अर वो यहूदा पै भी चढ़ आवैगा, अर बढ़दे-बढ़दे उसपै चढैगा अर गळे ताहीं पोहचैगा; अर हे इम्मानुएल, तेरा सारा देश उसके पंखां कै फैलण तै ढक जावैगा।"
9 हे माणसों, हल्ला करो तो करो, पर थारा सत्यानाश हो जावैगा। हे धरती के दूर-दूर देश के सारे माणसों कान लगाकै सुणो, अपणी-अपणी कमर कसो तो कसो, पर थारे टुकड़े-टुकड़े करे जावैंगे; अपणी कमर कसो तो कसो, पर थारा सत्यानाश हो जावैगा। 10 थम8:10 थम रोम. 8:31; नीति. 31:30 योजना बणाओ तो बणाओ, पर वो नाकामयाब हो जावैगी, थम कुछ भी कहो, पर थारा कह्या होया पूरा न्ही होगा, क्यूँके परमेसवर म्हारे गैल सै।
परमेसवर की चेतावनी
11 क्यूँके यहोवा मजबूती कै गैल मेरे ताहीं बोल्या अर इन माणसां की जिसी चाल-चाल्लण तै मेरे ताहीं मना करया, 12 अर कह्या, "जिस बात नै ये माणस राजद्रोह कहवैं, उसनै थम राजद्रोह ना कहियो, अर जिस बात तै वे डरै सैं उसतै थम ना डरयो अर ना भय खाईयों। 13 यहोवा सर्वशक्तिमान8:13 यहोवा सर्वशक्तिमान प्रका. 15:4; लूका. 12:5 नै ए पवित्र जाणियो; उसे का डर मानियो, अर उसे का भय मानियो। 14 अर वो शरणस्थान होवैगा8:14 वो शरणस्थान होवैगा उरै शरणस्थान का मूल मतलब सै पवित्रस्थान, एक अभिषिक्त जगहां जिसका इस्तमाल मतलब मिलापआळे तम्बू खात्तर करया जाया करदा या शरणस्थान कै खात्तर जित्त संकट कै बखत कोए भाज जावै।, पर इस्राएल के दोन्नु घरान्यां कै खात्तर ठोक्कर का पत्थर अर ठेस की चट्टान, अर यरुशलेम के निवासियां कै खात्तर फंदा अर जाळ होवैगा। 15 अर भोत-से माणस ठोक्कर खावैंगे; वे गिरैंगे अर चकणाचूर होवैंगे; वे फंदे म्ह फँसैंगे अर पकड़े जावैंगे।"
मुर्दयां तै पूछण कै खिलाफ चेतावनी
16 चेतावनी की चिट्ठी बन्द कर द्यो, मेरे चेल्यां कै बिचाळै शिक्षा पै छाप लगा द्यो। 17 मै8:17 मै मीका. 3:4; भजन. 27:14 उस यहोवा की बाट देखदा रहूँगा जो अपणे मुँह नै याकूब के घरान्ने तै छिपाये होए सै, अर मै यहोवा पै उम्मीद लगाऐ रहूँगा। 18 देख8:18 देख इब्रा. 2:13, मै अर जो छोरे यहोवा नै मेरे ताहीं सौप्पे सैं, उसे सेनाओं के यहोवा की और तै जो सिय्योन पर्वत पै निवास करै सै इस्राएलियाँ कै खात्तर निशान्नी अर चमत्कार सैं। 19 जिब8:19 जिब लैव्य. 20:6; 19:31 माणस थारे ताहीं कहवैं, "ओझां अर टोन्हा कै धोरै जाकै पूच्छो जो गुणगुणावै अर फुसफुसावै सैं," फेर थम न्यू कहियो, "के लोगां नै अपणे परमेसवर कै ए धोरै जाकै न्ही पूछणा चाहिये? के जिन्दयां कै खात्तर मुर्दयां तै पूछणा चाहिये?" 20 नियम-कायदे अर चेतावनी तै ए
जवाब दिया करो! जै वे माणस इस वचनां कै मुताबिक ना बोल्लै तो पक्का उनकै खात्तर पौ ना पाट्टैगी।
संकट का बखत
21 वे लोग इस देश म्ह क्ळेश भोगदे अर भूखे फिरदे रहवैंगे; अर जिब वे भूखे होवैंगे, फेर वे छो म्ह आकै अपणे राजा अर अपणे परमेसवर नै श्राप देवैंगे, अर अपणा मुँह उप्पर अकास की और ठावैगें;8:21 राहत कै खात्तर या बात घणी निराशा की हालत दर्शावै सै, मदद कै खात्तर निगांह अपणे आप ए सुर्ग की और उठ जावैं सै। 22 फेर8:22 फेर सप. 1:14 वे धरती की और नजर करैंगे पर उननै सकेती अर अंधियारा यानिके संकट भरया अन्धकार ए दिखाई देगा; अर वे घोर अन्धकार म्ह धकेल दिए जावैंगे।