यशायाह 20

नंगे भविष्यवक्ता की निशान्‍नी

1 जिस साल म्ह अश्शूर के राजा सर्गोन के हुकम तै तर्त्तान नै फिलिस्तीन के शहर अश्दोद आकै उसतै युद्ध करया अर उस ताहीं ले भी लिया, 2 उसे साल यहोवा नै आमोस के बेट्टे यशायाह तै कह्या, "जाकै अपणी कमर तै टाट के लत्ते*20:2 टाट के लत्ते टाट एक भोत मोटा कपड़ा होया करदा जो दुःख, पश्चाताप या शर्म दिखाण खात्तर पहरया जावै था खोल अर अपणी जूत्ती उतार;" अंत म्ह उसनै उसाए करया, अर वो उघाड़ा होकै नंगे पाँ घूमदा फिरै था।*20:2 उघाड़ा होकै नंगे पाँ घूमदा फिरै था। यानिके भविष्यवक्ता के खास कपड़यां कै बिना। 3 फेर यहोवा नै कह्या, "जिस तरियां मेरा दास यशायाह तीन साल तै उघाड़ा अर नंगे पैर चालदा आया सै, के मिस्र अर कूश कै खात्तर निशान्‍नी अर लक्षण हो, 4 उसे तरियां अश्शूर का राजा मिस्री अर कूश के माणसां ताहीं कैदी बणाकै देश लिकाड़ा देवैगा, के छोरे के बूढे़, सारया ताहीं कैदी बणाकै उघाड़े अर नंगे पाँव अर नितम्ब खुल्‍ले ले जावैगा, जिसतै मिस्र शर्मिन्दा हो।*20:4 मिस्र शर्मिन्दा हो। हार ज्याणा उनके खात्तर शर्म का कारण होगा अर कैदी बणाकै ले जाया ज्याणा बेजती का कारण होवैगा। 5 फेर वे कूश कै कारण जिसपै उनकी उम्मीद थी*20:5 इथोपिया, अर मिस्र के कारण जिसपै वे फूलै थे बेचैन अर शर्मिन्दा हो जावैंगे। 6 अर समुन्दर के इस पार के बसण आळे फिलिस्तीन के लोग उस बखत न्यू कहवैंगे, ‘देक्खो, जिन मिस्र के रहण आळा पै हम उम्मीद राक्खां थे अर जिनकै धोरै हम अश्शूर के राजा तै बचण कै खात्तर भाजण पै थे उनकी इसी हालत होगी सै। तो फेर हम माणस किस तरियां बचांगें’?"