1 हाय*29:1 हाय यरुशलेम शहर, अरीएल, अरीएल*29:1 अरीएल बेसक यो यरुशलेम कै खात्तर इस्तमाल करया गया सै।, हाय उस नगर पै जिस म्ह दाऊद छावणी करे होए रह्या! साल पै साल जोड़दे जाओ, खुशी के खास त्यौहार अपणे-अपणे बखत पै मनान्दे जाओ। 2 तोभी मै तो अरीएल ताहीं मुसीबत म्ह गेरूँगा, ओड़ै रोणा-पीटणा रहवैगा, अर वो मेरी नजर म्ह सचमुच अरीएल जिसा ठहरैगा। 3 मै च्यांरु और तेरै खिलाफ छावणी करकै तेरे ताहीं कोटां तै घेर लेऊँगा, अर तेरै खिलाफ गढ़ भी बणाऊँगा। 4 फेर तू गिराकै धरती म्ह गेरया जावैगा, अर धूळ पै तै बोल्‍लैगा, अर तेरी बात धरती तै धीमी-धीमी सुणाई देवैगी; तेरा बोल धरती पै तै प्रेत का जिसा होवैगा, अर तू धूळ तै गुणगुणा कै बोल्‍लैगा।

5 फेर तेरे परदेशी बैरियाँ की भीड़ बारीक धूळ की तरियां, अर उन भयानक माणसां की भीड़ भूसे की तरियां उड़ाई जावैगी। 6 सेनाओं का यहोवा चाणचक बादळ गरजान्दा, धरती ताहीं कँपान्दा, अर महाध्वनि करदा, बवण्डर अर आँधी चलान्दा, अर नाश करण आळी आग भड़कान्दा होया यरुशलेम नै बचाण खात्तर उसकै धोरै आवैगा। 7 अर जातियाँ की सारी भीड़ जो अरीएल तै युद्ध करैगी, अर जितने माणस उसके अर उसके गढ़ कै खिलाफ लड़ैंगें अर उस ताहीं मुसीबत म्ह गेरैगें, वे सारी रात के देक्खे होए सपने की तरियां ठैहरैगें। 8 अर जिसा कोए भूखा सपने म्ह तो देक्खै सै के वो खा रह्या सै, पर जाग कै देक्खै सै के उसका पेट भूखा ए सै, या कोए प्यासा सपने म्ह देक्खै के वो पी रह्या सै, पर जाग कै देक्खै सै के उसका गळा सूख्या जावै सै अर वो प्यासा मर रह्या सै; उसे तरियां ए उन सारी जातियाँ की भीड़ की हालत होवैगी जो सिय्योन पर्वत तै युद्ध करैंगी।

9 ठहर जाओ अर हैरान हो! भोगविलास करो अर आन्धे हो जाओ! वे मतवाले तो सैं, पर दाखमधु तै न्ही*29:9 यरुशलेम की प्रजा। यो नैतिक अर आत्मिक नशा सै। वे अपणे धर्म नियम अर विधियाँ म्ह चूक गये सैं। वे एक मतवाळे की तरियां कुछ भी साफ अर सही रूप म्ह न्ही देख पारे सैं।, वे डगमगावै तो सैं, पर शराब पीण तै न्ही!*29:9 यरुशलेम 10 यहोवा*29:10 यहोवा रोम. 11:8 नै थारे ताहीं भारी नींद म्ह गेर दिया सै अर उसनै थारी नबीरूपी आँख्यां ताहीं बन्द कर दिया सै अर थारे दर्शीरूपी सिरयां पै पड़दा गेरया सै। 11 इस*29:11 इस प्रका. 5:1-3 करकै सारे दर्शन थारे खात्तर एक लपेटी अर मुहरबन्द करी होई किताब की बात्तां की तरियां सैं, जिसनै कोए पढ़े-लिखे माणस ताहीं न्यू कहकै दे, "इसनै पढ़", अर वो कहवै, "मै न्ही पढ़ सकदा क्यूँके इसपै मुहरबन्द करी होई सै।" 12 फेर ओड़ै किताब अनपढ़ ताहीं न्यू कहकै दी जावै, "इसनै पढ़," अर वो कहवै, "मै तो अनपढ़ सूं।"

13 प्रभु*29:13 प्रभु मत्ती 15:8-9; मर. 7:6-7 नै कह्या, "ये माणस जो मुँह तै मेरा आदर करदे होए धोरै आवैं पर अपणा मन मेरे तै दूर राक्खैं सैं, अर जो सिर्फ माणसां के हुकम सुण-सुणकै मेरा भय मान्‍नै सैं, 14 इस कारण*29:14 इस कारण 1 कुरि. 1:19 सुण, मै इनके गैल अदभुत काम बलके घणा अदभुत अर अचम्भे का काम करुँगा; फेर इनके बुद्धिमानां की बुद्धि नाश होवैगी, अर इनके माहिरां की माहिरता जान्दी रहवैगी।"

15 हाय उनपै जो अपणी योजना ताहीं यहोवा तै छिपाण का बड़ी कोशिश करते, अर अपणे काम अँधेरे म्ह करकै कहवै सैं, "म्हारे ताहीं कौण देक्खै सै? म्हारे ताहीं कौण जाणै सै?" 16 थारी किसी उलटी समझ सै! के कुम्हार माट्टी कै लायक गिण्या जावैगा? के बणाई होई चीज अपणे कर्ता कै बारै म्ह कहवै "उसनै मेरे ताहीं न्ही बणाया," या रची होई चीज अपणे रचणआळे कै बारै म्ह कहवै, "वो कुछ समझ न्ही राखदा?"

17 के इब थोड़े ए दिन्‍नां के बीतण पै लबानोन फेर फळदाई बारी न्ही बण जावैगा, अर फळदाई बारी जंगळ न्ही गिणी जावैगी? 18 उस*29:18 उस मत्ती 11:5; प्रेरि. 26:18 बखत बहरे किताब की बात सुणण लागैंगे, अर आन्धे जिननै इब कुछ न्ही सूझदा, वे देखण लागैंगे। 19 नम्र माणस यहोवा के कारण फेर आनन्दित होवैंगे, अर गरीब माणस इस्राएल के पवित्र परमेसवर कै कारण मगन होवैंगे। 20 क्यूँके हुड़दंग करण आळे फेर ना रहवैंगे अर मजाक करण आळयां का अन्त होवैगा, अर जो अनर्थ करण कै खात्तर जागदे रहवैं सैं, 21 जो माणसां ताहीं बात्तां म्ह फसावै सैं, अर जो सभा म्ह उल्हाणा देवै उनकै खात्तर फंदा लगान्दे, अर धर्म ताहीं बेकार बात कै जरिये बिगाड़ देवैं सैं, वे सारे मिट जावैंगे।

22 इस कारण अब्राहम का छुड़ाण आळा*29:22 अब्राहम का छुड़ाण आळा जो उसनै मूर्तिपूजकां के देश तै लिकाड़कै ल्याया अर मूर्तिपूजा की घृणित हालात तै बचाया। यहोवा, याकूब के घराने कै बारै म्ह न्यू कहवै सै, "याकूब नै फेर शर्मिन्दा होणा ना पड़ैगा, उसका मुँह फेर नीच्‍चा ना होवैगा। 23 क्यूँके जिब उसकी औलाद मेरा काम देखैगें, जो मै उनके बीच म्ह करुँगा, फेर वे मेरे नाम नै पवित्र ठहरावैगें, वे याकूब के परमेसवर नै पवित्र मानैंगे, अर इस्राएल के परमेसवर का घणा भय मानैंगे। 24 उस बखत जिनका मन भटक्या हो वे बुद्धि पावैंगें, अर जो कुड़कुड़ावै सैं वो शिक्षा ग्रहण करैंगे।"