सिय्योन की घमण्डी जनान्नी
16 यहोवा3:16 यहोवा सिय्योन की जनान्नी नै न्यू भी कह्या सै, "क्यूँके सिय्योन की जनान्नी घमण्ड करै अर सिर ऊँच्चा करकै आँख मटकान्दी अर घुँघरूआं नै छमछमान्दी होई ठुमुक-ठुमुक चाल्लै सैं, 17 इस करकै प्रभु यहोवा उनके सिर ताहीं गंजा करैगा, अर उनकी देह नै उघड़वावैगा।"
18 उस बखत प्रभु घुँघरूआं, जाळियाँ, 19 चन्द्रहारां, झुमक्यां, कड़यां, घूँघटां, 20 पगड़ियाँ, पैकरियाँ, पटका, सुगन्धपात्रां, गण्ड्यां, 21 अँगूठियाँ, नथलियां, 22 सुन्दर कपड़यां, कुर्तियाँ, चाद्दरां, बटुआं, 23 शीशे, मलमल के कपड़यां, बुन्दियाँ, दुपट्यां इन सारया की शोभा ताहीं दूर करैगा।
24 खुशबु कै बदले सड़ाहट, सुन्दर करधनी कै बदले बन्धन की रस्सी, गूँथे होए बाळां कै बदले गंजापण, सुन्दर पटुके कै बदले टाट की पेटी, अर सुन्दरता कै बदले दाग होवैंगे।