यशायाह 58

3 तैना लोक ज़ोतन, ‘कुन वजाए कि असेईं बरत रख्खू, पन तीं तैसेरी खबर न नेइ? असेईं दुख झ़ैल्‍लो, पन तीं किछ ध्यान न दित्तू?’ शुना, बरतेरे दिहाड़े तुस अपनि इच्छा पूरी केरतथ ते अपने सेवकन करां मुश्किल कम्मां करातथ। 4 शुना तुश्शे बरतेरो फल ई भोते कि तुस एप्पु मांमेइं लड़तथ ते बुरैई सेइं धक्‍के मारतथ। ज़ेन्च़रे बरत तुस अज़ काल केरतथ, तैस सेइं तुश्शी प्राथना सुर्गे तगर न पुज़्ज़े। 5 ज़ैस बरते अवं पसंद केरताईं, मतलब ज़ैस मां मैन्हु अपनो आप दीन केरे, कुन तुस इस तरीके सेइं केरतथ? कुन क्रोड़ी झाऊ एरी ज़ेरि झुकानी, एप्पु हैठ टाट बिछ़ानू, ते मांज़न खिलारनी तुस बरत ते यहोवा खुश केरनेरी दिहाड़ी ज़ोतथ?

6 "ज़ैस बरते सेइं अवं खुशी भोताईं, तैन कुन इन नईं, कि अन्याय सेइं दबोरे दास, ते ज़ुलमेरू जुऊं ट्लोड़तां तैन छुटाथ, ते सब जुआं केरे टुक्ड़े-टुक्ड़े केरथ?✝58:6 लूक. 4:18-19;कह. 21:3;याक. 1:27.