ଗୁଣ୍କାରି ମାୟିଜି
10 ଗୁଣ୍କାରି ମାୟିଜି କାକେ ମିଳିଆଚେ ? ମୁକ୍ତାତଃୟିହୁଣି ସେରି ବେସି ମଲ୍।
11 ତାର୍ ଡକ୍ରାସିର୍ ହୁର୍ଦୟ୍ ତାର୍ ଉହ୍ରେ ଆସ୍ରକଃରେଦ୍, ଆର୍ ତାର୍ ଅଃନେକ୍ ଲାବ୍ ଅୟିଦ୍।
12 ସେ ଜିବନ୍ଜାକ ଅଃଣ୍ଡ୍ରାର୍ ନଃସ୍ଟ୍ ନଃକେରି ଉହ୍କାର୍ କଃରେଦ୍।
13 ସେ ମେଣ୍ଡାରମେ ବଃସ୍ତର୍ ଆର୍ ମସିଣା31:13ମସିଣା, ଜୁୟିରିକି କୁଦାଳ୍ ଗଃଚାର୍ ଗଃଟାଡର୍ହର୍ ଡିସ୍ତାର୍ ଗଟେ ରଃକମ୍ ଗଃଚେହୁଣି ସୁତାବାର୍କଃରି ହଃଚ୍ୟା ବୁଣ୍ତିରିଲାୟି। ତିଆର୍ କଃରୁକେ ଲାଗିହଃଳି ରଃୟିଦ୍।
14 ସେ ବେପାରି ଜାଜ୍ହର୍, ସେ ଦୁରିହୁଣି ନିଜାର୍ କାଦି ଆଣେଦ୍।
15 ଆରେକ୍ ରାତି ରେଉଁରେଉଁ ଉଟେଦ୍ ଆର୍ ନିଜାର୍ ସଃବୁଲକାର୍ ଗିନେ କାଦି ତିଆର୍ କଃରେଦ୍ ଆର୍ ଦାସିମଃନ୍କେ କାୟିରି କଃରୁକେ ହଃଳେଦ୍ ସେ କାମ୍ ତିଆରେଦ୍।
16 ସେ ଜଃମି ବିସୟେ ବୁଜି ସେରି ଗେନେଦ୍, ସେ ନିଜାର୍ ଅଙ୍ଗୁର୍ ଗଃଚ୍ ଲାଗାୟିଦ୍ ଆର୍ ସେତି ହଃଳ୍ ହଃଳେଦ୍।
17 ସେ ଗଟେକ୍ କାମିକା ଲକ୍, ସେ କାମ୍କଃରୁକେ ଅଃଟାବିଳା ବାନ୍ଦେଦ୍।
18 ନିଜାର୍ ବେପାର୍ ଜେ ଲାବ୍କଃତା, ଇରି ସେ ବୁଜେଦ୍ ;ଆର୍ ରାତିକାଳେ ତାର୍ କୁପି ଲିବିନଃକେରେ।
19 ସେ ନିଜାର୍ ଆତେ ତାକୁଡ଼ି ଦଃରି ଆର୍ ଚର୍କା ବୁଲାୟ୍ ସୁତାକାଟି ନିଜେ ହଃଚ୍ୟା ବୁଣେଦ୍।
20 ସେ ଦୁକିଲକେ ସଃର୍ଦାୟି ଦଃୟିଦ୍, ଆର୍ ଗଃରିବ୍ ଲକେ ନିଜାର୍ ଆତ୍ ଲାମାୟିଦ୍।
21 ସେ କାକର୍ ଅୟ୍ଲେକ୍ ନିଜାର୍ ଗଃର୍କୁଟୁମାର୍ ଗିନେ ନଃଡିରେ ; କାୟିତାକ୍ବଃଲେକ୍ ତାର୍ ଗଃରାର୍ ଲକ୍ମଃନ୍ ଉସୁମ୍ ବଃସ୍ତର୍ ହିନ୍ଦ୍ତି।
22 ସେ ନିଜାର୍ ଗିନେ ଡାହିଅଃଉତାର୍ ଚିତ୍ରାକାବ୍ରା ମଃସ୍ଣି ହାତୁଳ୍ ବଃସ୍ତର୍ ତିଆର୍ କଃରେଦ୍, ଆର୍ କଃଳ୍ୟାଜାମ୍ ରଃଙ୍ଗାର୍ ବଃସ୍ତର୍ ହିନ୍ଦେଦ୍।
23 ତାର୍ ଡକ୍ରାସି ପାରାଚିନ୍ମଃନାର୍ ସଃଙ୍ଗ୍ ଗଃଳ୍ ଦୁଆରେ ବଃସ୍ଲାବଃଳ୍ ଚିନାହଃଳେଦ୍।
24 ସେ ହାତୁଳ୍ ବଃସ୍ତର୍ ତିଆର୍କଃରି ବିକେଦ୍, ଆର୍ ଅଃଟାବାନ୍ଦୁଣ୍ ତିଆର୍ କଃରି ବେପାରିମଃନ୍କେ ବିକେଦ୍।
25 ବଃଳ୍ ଆର୍ ମାୟିନ୍ ତାର୍ ବଃସ୍ତର୍ ହର୍; ଆର୍ ଆସୁଲା ଦିନାର୍ ଗିନେ ନଃଡିରେ।
26 ସେ ଗିଆନେ ନିଜାର୍ ଟଣ୍ଡ୍ ହୁଟାୟିଦ୍; ତାର୍ ଜିବେ ଦଃୟାର୍ ବିଦି ରଃୟିଦ୍।
27 ସେ ଗଃରାର୍ ଲକାର୍ ଗିନେ ମଃନ୍ଦିଆନ୍ ଦଃୟିଦ୍, ଆରେକ୍ ଅଃଳ୍ସେ ନଃରେୟ୍ କାମ୍କଃରି ହଃକା କାୟିଦ୍।
28 ତାର୍ ହିଲାମଃନ୍ ଉଟି ତାର୍ଗିନେ ବେସି ସଃର୍ଦା ଅଃଉତି, ଆର୍ ତାର୍ ଡକ୍ରାସି ହେଁ ତାକେ ଦନ୍ୟ ବଃଲି କୟିଦ୍।
29 ଅଃନେକ୍ ମାୟିଜିମଃନ୍ ନିଜାର୍ ଗୁଣ୍ ଦଃକାୟ୍ ଆଚ୍ତି, ମଃତର୍ ତୁୟ୍ ସେମଃନାର୍ ବିତ୍ରେହୁଣି ସଃବ୍କେ ଉଟ୍ୟା।
30 ସୁନ୍ଦୁରେ ହୁର୍ନ୍ଅୟ୍ ଦଃକାୟ୍ଅଃଉତା ମାୟ୍ଜି ଗୁର୍ନାର୍ ବିସୟ୍ ଆର୍ ମଲ୍ନୟ୍ଲାର୍; ମଃତର୍ ଜୁୟ୍ ମାୟ୍ଜି ଇସ୍ୱର୍କେ ମାନେଦ୍ ସେ ଦନ୍ୟ।
31 ତାର୍ କଃଲା କାମ୍ ତାକେ ମାୟିନ୍ ଦଃୟିଦ୍ ଆର୍ ତାର୍ କଃଲା କାମ୍ ହଃର୍କାରେ ଗୁଣ୍ଗାନ୍ କଃରତ୍।
/images/a/6c03efee-c76a-4ab8-fe2e-555683f90900)
/images/a/9ec55bb8-7dc5-47b9-c32a-98aea1c00300)