ዛማረታ ሀላቃስ ፃፈትዳ ዳዊታ ማዝሙረ

ሱሱልኤን የፀትያ ማዝሙረ

1 አቤት ጎዳዉ ኑ ፆሳዉ፥

ነ ሱንይ ቢታ ኡባን ዋንድ ቦንቸትደ!

ኔኒ ነ ቦንቹዋ ሳሎፐ ቦላራ

ቁ ቁ ኦዳሳ።

2 ኔኒ ነ ሞርከታ ግሾ

ነ ሞርክያነ ነና ማንደይሳ ስእ ኦናዉ፥

ጉ ናይታ ዶናን

ምያ ናይታ ዶናን ጋላታ*8:2 ጋላታ፦ እብራወ ዶናን ጉ ናይታ ጋላታን ምኖተ ሺሻሳ ጉሱ። ኩንዳሳ።

3 ኔኒ ነ ብራን መዳ ነ ሳሎታ፥

እያ በሳን በሳን ኔኒ ዎዳ አጌናነ

ፆልንቶታ ታኒ በእያ ዎደ፥

4 ኔኒ አሳባ ቆፓናዉ አስ አይቤ?

ዎይኮ ኔኒ እያ ፆሞሳናዉ እ አይቤ?

5 እያ ነ ኔፐ ጉራ ጉዳሳ፤

ቦንቾነ ግታተ ካላቻ

እያ ሁጰን ዎዳሳ።

6 ነ መዳ መተ ኡባ፥

ሃራና መላ ነ እያ ሹማዳሳ፤

ኡባ እያ ቶሁዋፐ ጋርሳራ ዎዳሳ።

7 ዶርሳታነ መሄታ፥

ዎራ ዶአታ ኡባ፥

8 ሳሎ ካፎታ፥ አባ ሞሎታነ

ሃ ጋርሳን ቃፅያ ኡባ

እያዉ ሃርሳዳሳ።

9 አቤት ጎዳዉ ኑ ፆሳዉ፥

ነ ሱንይ ቢታ ኡባን ዋንድ ቦንቸትደ!