15 ମେଣ୍ଡେ, ମିଡ଼୍ ମିୟାୱୁ କାଇକ୍ ଆତାନ୍ ୱେଲେ ମାମେ ମିୟାଗାଙ୍କ୍ ମାୟାଦ୍ କଣ୍ଡା ମୁସିତମ୍; ମେଣ୍ଡେ, ମିଡ଼୍ ନାର୍ଗେ ପ୍ରାତନା ମାଡ଼ାନ୍ ୱେଲେ ମାମେ କେଞ୍ଜମ୍। ମିୟାୱୁ କାଇକ୍ ନେତୁର୍ତେ ନିଣ୍ଡିମିନ୍ଦେ। 16 ମିଡ଼୍ ନିଜେତିଙ୍କ୍ ନର୍ମୁଟ୍, ନିଜେତିଙ୍କ୍ ପବିତ୍ର ମାଡ଼ାଟ୍; ମା କଣ୍ଡେତାଗାଙ୍କ୍ ନିଜେତାୱୁ ମାଡ଼ିମାନ୍ଦାନ୍ କାରାପ୍ କାମ୍ ଦୁର୍ ମାଡ଼ାଟ୍; ମୁନେ କାରାପ୍ କାମ୍ ମାଡ଼ାନାଦ୍ ୱିଡ଼୍ସାଟ୍ ; 17 ସାୟେତ୍ କାମ୍ ମାଡ଼ାନଙ୍କ୍ ନାଡ଼୍ସାଟ୍; ସାୟେତ୍ ବିଚାର୍ ମାଡ଼ାଟ୍, ଅବାବ୍ତେ ମାନ୍ଦାନଡ଼୍କିଙ୍କ୍ ସାହାଯ୍ୟ ମାଡ଼ାଟ୍, ମୁନେଙ୍କ୍ତଡ଼୍କିଙ୍କ୍ ନ୍ୟାୟ ବିଚାର୍ ମାଡ଼ାଟ୍, ରାଣ୍ଡିକିନ୍ ପାକେ ନିଲ୍ମୁଟ୍।" 18 ସଦାପ୍ରବୁ କେତିତଣ୍ଡ୍, ୱାଡ଼ାଟ୍, ମାନାଡ଼୍ ଉତ୍ତର୍ ସାରେତାୱିନାୱୁ ଇଦିକାଡ଼୍; ମିୟାୱ ଅପରାଦ୍ ସାରେ ସିନ୍ଦୁର୍ରଙ୍ଗ୍ ଲେକାମ୍ ଆତ୍କେ କେ ବରପ୍ଲେକାମ୍ ପାଣ୍ଡ୍ରି କଲର୍ ଆଦ୍ତେ; ଆୱୁସାରେ କେସ୍ରରଙ୍ଗ୍ ଲେକାମ୍ ରଙ୍ଗ୍ ଆତ୍କେ କେ ମେଣ୍ଢେତେ କେଲେକ୍ ଲେକାମ୍ ଆଦ୍ତେ।
Publicidade