ସୋର ସୀଦୋନ ପର ବାବବାଣୀ
1 ସୋର ବିଷୟତେ ବାବବାଣୀ ହୋ ତର୍ଶୀଶ୍ତେ ଜାହାଜସାରେ, ମିଡ଼୍ ଦୁଃକାମ୍ ମାଡ଼ାଟ୍, ବାତେଙ୍କ୍ଇତ୍କେ ଆଦ୍ ଇଦ୍ଲେକାମ୍ ତେଦି ଆତ୍ତା ଯେ, ଆଦିନ୍ ତାଗାଙ୍କ୍ ବେଗେ ମିକା ଲନ୍ ଇଲା, କି ନେଙ୍ଗାନାଦ୍ ଆର୍ ଇଲା; କିତ୍ତୀମ ଦେଶ୍କଞ୍ଜ୍ ଇଦ୍ ଅଡ଼୍ ପର ପ୍ରକାଶ ଆଦ୍ତେ। 2 ହୋ ଦୀପତେ ନାରୁଡ଼୍, ମିଡ଼୍ କଟ ମାନୁଟ୍; ସମୁଦ୍ର ଆପାକେତେ ସୀଦନୀୟ ବେପାରିଡ଼୍ ମିଡ଼୍ ଦେଶ୍ତିଙ୍କ୍ ସାୱୁକାର୍ ମାଡ଼ିତିଡ଼୍। 3 ମେଣ୍ଡେ, ନାର୍ଗେ ଏର୍ଦାଗ୍ ଷୀୟର୍ତେ ୱିଜ୍ ନୁ ନିଲବେଡ଼େମ୍ ଶସ୍ୟ ଅନାଦ୍ ଲାବ୍ ମାତ୍ତା; ମେଣ୍ଡେ ଆଦ୍ ୱେରେ ୱେରେ ଦେଶ୍ତେନଡ଼୍ ବେପାର୍ ମାଡ଼ାନ୍ ପଡ଼ିୟେ ମାତ୍ତା।
4 ହୋ ସୀଦୋନ, ମିଡ଼୍ ସିଗ୍ ଆୟମୁଟ୍, ବାତେଙ୍କ୍ଇତ୍କେ ସମୁଦ୍ର, ସମୁଦ୍ରତେ ନାର୍ଗେ ଗୁଇନ୍ଦେ ଇଦ୍ ଗଟ୍ କେସ୍ମିନ୍ଦେଣ୍ଡ୍, ମାନାଡ଼୍ ଜନମ୍ ମାଡ଼ାନ୍ କଷ୍ଟ ପାହେମ୍ ଆୟ୍ୱିଡ଼୍, ଜନମ୍ ମାଡ଼ମ୍ କି ଲେୟଡ଼୍କିଙ୍କ୍ ପଡ଼୍ପମ୍, କି ଲେୟ ପିକିକିଙ୍କ୍ ପଡ଼୍ପମ୍।
5 ଇଦ୍ କାବୁର୍ ମିସର୍ତାଗ୍ ଆତ୍ତା, ନାରୁଡ଼୍ ସୋର ବିଷୟକିନ୍ କବର୍ତେ ଅଦିକ୍ ନାର୍ଗେ ଦାନ୍ଦେ ମାତ୍ତଡ଼୍।
6 ମିଡ଼୍ ପାର୍ ଆସ୍ ତର୍ଶୀଶ୍ତାଗ୍ ଆନ୍; ହୋ ସମୁଦ୍ର ମି ନାରୁଡ଼୍, ଦୁଃକାମ୍ ମାଡାଟ୍। 7 ଇଦ୍ କି ମି ମାଇନ୍ଦିଙ୍କ୍ ୱେଡ଼୍କେ ମାଡ଼ାନ୍ ନାର୍ ? ଇଦ୍ ମୁନେତ୍ ଦିନାମ୍ତେ ହୋ ମୁନେଙ୍କ୍ତେ ଲେକାମ୍ ମାତ୍ତେ; ଇନାଦ୍ ଡେକା ଜେକ୍ ଦେଶ୍ତାଗ୍ ନେଙ୍ଗାନ୍ ମାଇଦିଙ୍ଗ୍ ଇଦିଙ୍କ୍ ଅତ୍ତଣ୍ଡ୍। 8 ସଜ୍ ୱାମାନଡ଼୍ ସୋରତେ ବେପାରିଡ଼୍ ରାଜାନ୍ ଲେକାମ୍, ତାନ୍ ବେଡ଼ିୟେ ନାରୁଡ଼୍ ପୃତିବିତେ ମହାନ୍ ମାନେଇ; ତାନାଦ୍ ଉଲ୍ଟା ଇଦ୍ ମନ୍ତର୍ ବେନ ମାଡ଼ି ମିନ୍ଦେଣ୍ଡ୍ ? 9 ସାରେତିଙ୍କ୍ ବେଡ଼ିୟେ ସଦାପ୍ରବୁ ତାନାଦ୍ ପୃତିବିତେ ବେଡ଼ିୟେ ନାରୁଡ଼୍କିଙ୍କ୍ ମଦଲ୍ ମାଡ଼ିତଣ୍ଡ୍ ନୁ ପୃତିବି ବେଡ଼ିୟେ ନାରୁଡ଼୍କିଙ୍କ୍ ପାସ୍କାନ୍ ମାଇଦିଙ୍ଗ୍ ଇଦ୍ ମନ୍ତ୍ରନା ମାଡ଼ିମିନ୍ଦେଣ୍ଡ୍।
10 ହୋ ତର୍ଶୀଶ୍ତେ ପିକିର୍, ମିଡ଼୍ ନିଲବେଡେମ୍ ଲେକାମ୍ ନିଜର୍ ଦେଶ୍କଞ୍ଜ୍ ଆନୁଟ୍, ମିକିଙ୍କ୍ ବେନ ମେଣ୍ଡେ ମନା ମାଡ଼ାନଣ୍ଡ୍ ଇଲାଣ୍ଡ୍। 11 ଅଣ୍ଡ୍ ସମୁଦ୍ର ପର ନିଜର୍ କାଇ ଆସ୍ ମିନ୍ଦେଣ୍ଡ୍, ଅଣ୍ଡ୍ ରାଜ୍ୟସାରେ ଉଃସ୍ମିନ୍ଦେଣ୍ଡ୍; ସଦାପ୍ରବୁ କିଣାନ୍ତେ ଦୁର୍ଗସାରେ ବିନାଶ୍ ମାଡ଼ାନ୍ ମାଇଦିଙ୍ଗ୍ ତାନ୍ ବିରୁଦ୍ଦ୍ତେ ଗଟ୍ କେସ୍ମିନ୍ଦେଣ୍ଡ୍। 12 ମେଣ୍ଡେ, ଅଣ୍ଡ୍ କେତ୍ତଣ୍ଡ୍, ମୁନେତ୍ ସିଦୋତାଗ୍ ନଷ୍ଟ ଆସ୍ ମାନ୍ଦାନ୍, ଲେୟ୍ ପିକିର୍, ମିଡ଼୍ ମେଣ୍ଡେ ୱେଡ଼୍କେ ମାଡ଼ିୱିଡ଼୍, ତେଦା, ୱେଇସ୍ ଆସ୍ କିତ୍ତୀମତାଗ୍ ଆନ୍; ଆଗେ ନିମ୍ ସୁଦୁର୍ ମିକା ରମାଙ୍କ୍ ପାର୍ୱିନ୍।
13 କଲଦୀୟତାଦ୍ ଦେଶ୍ତିଙ୍କ୍ ଉଡ଼ାଟ୍; ଇଦ୍ ନାରୁନ୍ ଇଞ୍ଜେ ଇଲଣ୍ଡ୍; ମେଟେତ୍ ଜିୱାକିନ୍ ମାଇଦିଙ୍କ୍ ଅଶୂରିୟ ଆଦ୍ ତିଆର୍ ମାଡ଼ିମିନ୍ଦେଣ୍ଡ୍; ଅଡ଼୍ ନେଟେମାଡ଼ି ଅନାଦ୍ ଲକ୍ ଆୱୁସାରେ ତିଆର୍ ମାଡ଼୍କେ; ଅଣ୍ଡ୍ ଆଦ୍ ଉଃସ୍ ଦୁଡ଼୍ ଦୁଡ଼୍ ମାଡ଼୍ତଣ୍ଡ୍।
14 ହୋ ତର୍ଶୀଶ୍ତେ ଜାହାଜ୍ସାରେ, ଦୁଃକାମ୍ ମାଡ଼ାଟ୍, ବାତେଙ୍କ୍ଇତ୍କେ ମିୟାଦ୍ ଦୁଟାଙ୍କ୍ତେ ଦୁର୍ଗ ନଷ୍ଟ ଆଦ୍ତା।
15 ଆ ଦିନାମ୍ ଇଦ୍ ଲେକାମ୍ ଗଟେମ୍ଆଦ୍ତା ଯେ, ଅଣ୍ଡୟ ରାଜା ଅଦିକାର୍ ସମୟତେ ସୋର ସତୁରି ୱାଡ଼୍ସାମ୍ ହେଉନା ମାର୍ଙ୍ଗିଦ୍ତେ; ସତୁରି ୱାଡ଼୍ସାମ୍ ତେର୍ତେ ପେର୍କେ କଜାନ୍ ପାଟା ଇଞ୍ଜ୍ ସୋର ପର ଗଟେମ୍ଆଦ୍ତା।
16 ହୋ ଉଡାନ୍ କଜା, ଡୁମିର୍ ଅସ୍ ନାର୍ସାରେ ଉଡା; ମିଡ଼୍ ବେଲାକି ଏର୍କେ ୱାଟି, ଆଦିନ୍ ମାଇଦିଙ୍କ୍ ଲେକେତ୍ ଲେଙ୍ଗ୍ତେ କାଇ ପେଞ୍ଜି, ସାରେ ପାଟା ପାରାଟ୍।
17 ମେଣ୍ଡେ, ସତୁରି ୱାଡ଼୍ସାମ୍ ତେର୍ତା ପେର୍କେ ସଦାପ୍ରବୁ ସୋର ବିଷୟତିଙ୍କ୍ ମେଃକିତଣ୍ଡ୍, ମେଣ୍ଡେ ଅଣ୍ଡ୍ ନିଜେ ପେର୍କେ ବେଲାନ୍ ମାଡ଼ ମାତ୍ତଣ୍ଡ୍ ଆଦ୍ ଲେକାମ୍ ଆତ୍ତଣ୍ଡ୍, ମେଣ୍ଡେ ଜଗତ୍ ତାଦ୍ ସାରେ ପୃତିବି ସାରେ ରାଜ୍ୟତଡ଼୍ କଜା କାମ୍ ମାଡ଼ିତଡ଼୍। 18 ଅନ୍ ବେପାର୍ ନୁ ବାଡ଼ା ସଦାପ୍ରବୁନ୍ ଲେକାମ୍ ପବିତ୍ର ଆଦ୍ତେ; ଆଦ୍ ଗୁଡ଼ୁସାତାଗ୍ ନେଃତାନଙ୍କ୍ ଆୟ କି ଗୁଡ଼୍ପାନଙ୍କ୍ ଆୟ; ବାତେଙ୍କ୍ଇତ୍କେ ବେନଡ଼୍ ସଦାପ୍ରବୁଙ୍କ୍ ମୁନେ ବାସେ ମାଡ଼ିତଡ଼୍, ଅଡ଼୍ ନାର୍ଗେ କାଦି ନୁ ସାରେଦିନାତାୱୁ ଚକାସେଙ୍ଗେ ତାମ୍ ବେପାର୍ ଆଦ୍ତା।
/images/a/WG5FS9VaSWVnVmV3VI8yP)
/images/a/a0208299-6f37-40a0-66e1-2576b9435f00)