ଯିରୂଶାଲେମ୍ ପରୁ ଇଶ୍ୱର୍ତେ ସାନ୍ୱନା
1 ହୋ ଦର୍ମତେ ପେର୍କେ ଆଦାନ୍ ନାରୁଡ଼ି, ହୋ ସଦାପ୍ରବୁଙ୍କ୍ ମେଃହେକମାନ୍ଦାନଡ଼ି, ମିଡ଼୍ ମା ଗଟି କେଞ୍ଜାଟ୍; ମିଡ଼୍ ବେନ୍ କାଲ୍ତାଗାଙ୍କ୍ କଇସ୍ ଆସ୍ମାତ୍ତିନ୍ ନୁ ବେନ୍ ଗୁଇନ୍ଦେତ୍ ପରୁ କଲେମ୍ ଆସ୍ମାତ୍ତିନ୍, ଆଦିନ୍ ପରୁ କଣ୍ଡେ ୱାଟାଟ୍। 2 ମି ମୁନେତେ ଅବ୍ରାହାମ୍ ପରୁ ନୁ ମି ଜନ୍ମମାଡ଼୍ତେ ସାରାନ୍ ପରୁ କଣ୍ଡେ ୱାଟାଟ୍; ବାତେଙ୍କ୍ଇତ୍କେ ଆଦ୍ ୱେରଡ଼େ ମାନ୍ଦାନ୍ ୱେଲେ ମାମେ ତାଂକିଙ୍କ୍ କାର୍ଙ୍ଗ୍ତମ୍ ନୁ ମାମେ ଆଶିର୍ବାଦ୍ ମାଡ଼ି ଆଦିଙ୍କ୍ ନାର୍ଗେ ପିଲୁଡ଼୍ ମାଡ଼୍ତମ୍। 3 ବାତେଙ୍କ୍ଇତ୍କେ ସଦାପ୍ରବୁ ସିୟୋନ୍ତିଙ୍କ୍ ସ୍ୱାନ୍ତନା ମାଡ଼ିମିନ୍ଦେଣ୍ଡ୍; ଅଣ୍ଡ୍ ଆଦିନ୍ ପରୁତ୍ ପଡ଼ିୟେସାରେ ସ୍ୱାନ୍ତନା ମାଡ଼ିମିନ୍ଦେଣ୍ଡ୍; ଅଣ୍ଡ୍ ଆଦ୍ ବୂମ୍ତାଗ୍ ଏଦନ ଲେକାମ୍ ନୁ ଆଦିନ୍ ଉସ୍କ ବୁମ୍ଦାଗ୍ ସଦାପ୍ରବୁନ୍ ଉଦ୍ୟାନ୍ ଲେକାମ୍ ମାଡ଼ିମିନ୍ଦେଣ୍ଡ୍; ୱେଡ଼୍କେ ନୁ ୱେଡ଼୍କେ, ଦନ୍ୟବାଦ୍ ନୁ ପାଟେତ୍ ଲେଙ୍ଗ୍ ଆଦିନାଗ୍ ଆଦ୍ତେ। 4 "ହୋ ମା ନାରୁଡ଼ି, ମା ବାକ୍ୟତାଗ୍ ମାନ୍ ୱାଟାଟ୍; ହୋ ମା ଦେଶ୍ତେ ନାରୁଡ଼ି, ମା ଗଟ୍ତାଗ୍ କେୱୁତାରାଟ୍; ବାତେଙ୍କ୍ଇତ୍କେ ମାୟାଗାଙ୍କ୍ ୱେରଡ୍ ନିୟମ୍ ପେୟିତିତ୍ ନୁ ମାମେ ନାରୁଡ଼୍ ୱେୟିସ୍ ସେଙ୍ଗେ ମାୟାଦ୍ ବିଚାର୍ ତିଆର୍ ମାଡ଼ିକାଡ଼୍। 5 ମାନାଦ୍ ଦର୍ମ ଗାରେମିନ୍ଦେ, ମାନାଦ୍ ପରିତ୍ରାଣ ପେୟିସ୍ ମିନ୍ଦେ ନୁ ମାନାଦ୍ ଶକ୍ତି ନାରୁଡ଼୍ତେ ବିଚାର୍ ମାଡ଼ିକାଡ଼୍; ୱେୟିସ୍ସାରେ ମାନାଙ୍କ୍ କେପି ମିନ୍ଦେ ନୁ ମାନ୍ କାଇତାଗ୍ ସାରେତଡ଼୍ ଆଶେ ନେଃତିତଡ଼୍। 6 ମିଡ଼୍ ମାବ୍ମୟଲ୍ ପରୁ ଉଡ଼ାଟ୍ ନୁ ମଦଲ୍ ବୁମ୍ଦାଗ୍ ଉଡ଼ାଟ୍; ବାତେଙ୍କ୍ଇତ୍କେ ମାବ୍ମୟଲ୍ ଉମ୍ ଲେକାମ୍ ମାୟି ଆଦ୍ତେ ନୁ ବୁମ୍ଦେ ସାରେତଡ଼୍ ଚକା ଲେକାମ୍ ଆର୍ୟି ଆଦ୍ତେ, ମେଣ୍ଡେ ଆଗେ ମାନ୍ଦାନ୍ ସାରେତଡ଼୍ ନାରୁଡ଼୍ ୱିସିନ୍ ଲେକାମ୍ ଡଲିଆଦ୍ତଡ଼୍; ମାତର୍ ମାନ୍ ପରିତ୍ରାଣ ଅନନ୍ତ କାଲାମ୍ ଆଦ୍ତେ ନୁ ମାନ୍ ଦାର୍ମିକ ବେସୁଙ୍କ୍ ମାୟ। 7 ହୋ ଦର୍ମତେ ନାରୁଡ଼ି, ମି ହୃଦୟତାଗ୍ ମାୟାଦ୍ ନିୟମ୍ ମିନ୍ଦେ, ମିଡ଼୍ ମାୟାଦ୍ ଗଟ୍ କେଞ୍ଜାଟ୍; ମିଡ଼୍ ନାରୁଡ଼୍ ଅପମାନ୍ତେ ୱେର୍ମାଟ୍, କି ଅଡ଼୍ ଲିନ୍ଦ୍ତେ ୱେଦ୍ୱେଦା ଆୟିମାଟ୍। 8 ବାତେଙ୍କ୍ଇତ୍କେ ପୁଡ଼୍ୟି ଅଡ଼୍କିଙ୍କ୍ ଚକେ ଲେକାମ୍ ତିନ୍ଦ୍ତା ନୁ ପୁଡ଼୍ୟିକ୍ ଅଡ଼୍କିଙ୍କ୍ ତଲ୍କେ ଲେକାମ୍ ତିନ୍ଦ୍ତା; ମାତର୍ ମାୟାଦ୍ ଦର୍ମ ବେସୁଙ୍କ୍ ତେର ନୁ ମାୟାଦ୍ ପରିତ୍ରାଣ ପିଲୁଡ଼୍ତେ ପିଲୁଡ଼୍ ମାନ୍ତେ।" 9 ହୋ ସଦାପ୍ରବୁନ୍ ବପୁ, ତେଦା, ତେଦା, ଶକ୍ତି କେର୍ମୁଟ୍, ବେଲାନ୍ ମୁନେତ୍ କାଲାମ୍ତେ, ମୁନେତ୍ କାଲାମ୍ତେ ପିଲୁଡ଼୍ମାଡ଼ାନ୍ ସମୟ୍ତେ, ଆଦ୍ଲେକାମ୍ କେପାଟ୍। ବେନ ରାହବ୍ତିଙ୍କ୍51:9 ରାହବ ଇତ୍କେ ଅଣ୍ଡୟ ବେଡ଼୍ୟାଦ୍ ସମୁଦ୍ରତେ ଜନ୍ତୁ ଦୁଡ଼ା ଦୁଡ଼ା ମାଡ଼ି ନାଡ଼୍କ୍ତଡ଼୍, ସମୁଦ୍ରତେ ଜିୱାକ୍ତିଙ୍କ୍ ଆୱୁକ୍ତଡ଼୍, ଅଣ୍ଡ୍ କି ନିମେ ଆୟ ? 10 ବେନ ସମୁଦ୍ରତିଙ୍କ୍, ନିଣ୍ଡିମାନ୍ଦାନ୍ ଏର୍ସାରେତିଙ୍କ୍ ଇଡ଼ିସ୍କ୍ତନ୍, ବେନ ମୁକ୍ତ ପାହେମ୍ ଆତ୍ତେ ନାରୁଡ଼୍ ୱେଇଦାନ୍ ସେଙ୍ଗେ ସମୁଦ୍ରତେ କୁଇଙ୍କ୍ ପଡ଼ିୟେତାଗ୍ ଆର୍ ମାଡ଼୍ତିନ୍, ଅଣ୍ଡ୍ କି ନିମେ ଆୟ ? 11 ମେଣ୍ଡେ, ସଦାପ୍ରବୁନ୍ ହେଞ୍ଚିମାନ୍ଦାନ୍ ନାରୁଡ଼୍ ମାଲ୍ସ୍ ୱାଦ୍ତଡ଼୍ ନୁ ୱେଡ଼୍କେତେ ପାଟେ ପାର ପାର ସିୟୋନ୍ତାଗ୍ ୱାଦ୍ତଡ଼୍; ସାରେଦିନା ୱେଡ଼୍କେ ନୁ ୱେଡ଼୍କେ ପାହେମ୍ ଆଦ୍ତଡ଼୍, ମେଣ୍ଡେ ଚିନ୍ତେ ନୁ ଦୁକାମ୍ ଜେକେ ମିରିତେ। 12 ବେନ ମିକିଙ୍କ୍ ସାନ୍ୱନା ମାଡ଼ିତଣ୍ଡ୍, ଅଣ୍ଡ୍ ମାମେ, ମାମେ କେ ଆଦ୍ତମ୍; ଡଲ୍ତେ ଲେକେତ୍ ନାରୁଡ଼୍କ୍ ନୁ ବେନ ଗାଡ୍ ଲେକାମ୍ ମାଡ଼ିତଡ଼୍, ଇଦ୍ଲେକାନ୍ ନାରୁଡ଼୍ ପିଲାକିଙ୍କ୍ ୱେର୍ସ ମିନ୍ଦେଡ଼ି, 13 ମେଣ୍ଡେ ମାବ୍ମୟଲ୍ ଏକାମ୍ ନୁ ପୃତିବିତ୍କଙ୍କ୍ ତିଆର୍ ମାଡ଼୍ତେନଣ୍ଡ୍ ମିକ୍ ତିଆର୍ ମାଡ଼୍ତେ କର୍ତ୍ତାଙ୍କ୍ ସଦାପ୍ରବୁଙ୍କ୍ ମାର୍ଙ୍ଗିମିନ୍ଦେଡ଼ି ନୁ ଦଂସ ମାଡ଼ାନଙ୍କ୍ ତିଆର୍ ଆଦାନ୍ ୱେଲେ ଅନ୍ କପାମ୍ତେ ସେଙ୍ଗେ ପାୟାଲ୍ ପଡ଼୍ଗିନ୍ ବେନ ଇଲ୍ୱାଗ୍ ୱେର୍ସ ମିନ୍ଦେଡ଼ି ମିଡ଼୍, ନିମେ ତ ବେନ ? ମେଣ୍ଡେ, ଅନାଦ୍ ରାମ୍କ୍ କପାମ୍ ବେକେ ? 14 ତିଆର୍ ଆତ୍ତେ ବନ୍ଦୀ ଯାପେ ମୁକ୍ତ ଆଦ୍ତେ; ମେଣ୍ଡେ, ଅଣ୍ଡ୍ ଡଲି ଗୁୟିନ୍ଦେତାଗ୍ ଆନଣ୍ଡ୍, କି ଅନ୍ କାଦିତେ ଅବାବ୍ ଆୟ। 15 ବାତେଙ୍କ୍ଇତ୍କେ ତଲ୍କଡ଼୍ ଲେଙ୍ଗେ ମାଡ଼ାନ୍ ସେଙ୍ଗେ ବେନ ସମୁଦ୍ରତିଙ୍କ୍ ଉତିତଣ୍ଡ୍, ମାମେ ଆଦ୍ ସଦାପ୍ରବୁ ମି ପରମେଶ୍ୱର୍ ଆଦ୍ତମ୍; ଅନ୍ ପେଦେର୍ ସାରେକେ ବେଡ଼୍ୟେ ସଦାପ୍ରବୁ। 16 ମେଣ୍ଡେ, ମାବ୍ମୟଲ୍ ଏକାମ୍ ମାଡ଼୍ତାନ୍, ପୃତିବିତେ ମୁଲେକଞ୍ଜ୍ ତିଆର୍ ମାଡ଼ାନାଦ୍ ନୁ ମିଡ଼୍ ମା ନାରୁଡ଼ି, ଇଦ୍ ସିୟୋନ୍ତିଙ୍କ୍ କେତାନ୍ ସେଙ୍ଗେ ମାମେ ମି ମକମ୍ତାଗ୍ ମାୟାଦ୍ ବାକ୍ୟ ନେଃସ୍ ମିନ୍ଦେମ୍ ନୁ ମାୟାଦ୍ କାଇଦେ ନିଡ଼୍କେତେ ମିକିଙ୍କ୍ ରକ୍ଷା ମାଡ଼ିତମ୍।
ଯିରୂଶାଲେମ୍ ଦୁକାମ୍ତେ ତେରାନାଦ୍
17 ହୋ ଯିରୂଶାଲେମ୍, ତେଦା, ତେଦା, ତେଦି ନିଲ୍ମୁଟ୍, ମିଡ଼୍ ସଦାପ୍ରବୁନ୍ କାଇଦାଗାଙ୍କ୍ ଅନ୍ କପାମ୍ତେ ତିନ୍ଦାନ୍ ସାମାନ୍ ଅସ୍ ତିଞ୍ଜ୍ ମିନ୍ଦେଡ଼ି; ମିଡ଼୍ ଡଲ୍ତେ ନାରୁଡ଼୍ ବେଡ଼ିୟାଦ୍ କୁଣ୍ଡେକଞ୍ଜ୍ ତିଞ୍ଜ୍ ଆଦ୍ ମିଡ଼୍ ତେର୍ସି ମିନ୍ଦେଡ଼ି। 18 ଅଣ୍ଡ୍ ବେନ୍ ମାର୍କିଡ଼୍କ୍ ଜନ୍ମ ମାଡ଼ି ମିନ୍ଦେଣ୍ଡ୍, ଅଣ୍ଡ୍ ସାରେତଡ଼୍ ଆଗାଙ୍କ୍ ଆଦିଙ୍କ୍ କାର୍ଙ୍ଗି ଅଦାନଙ୍କ୍ ବେନ ଇଲାଣ୍ଡ୍; କି ଅଣ୍ଡ୍ ବେନ୍ ମାର୍କିଡ଼୍କ୍ ଶିକ୍ଷା ଇସ୍ମିନ୍ଦେଣ୍ଡ୍, ଅଣ୍ଡ୍ ସାରେତଡ଼୍ ଆଗାଙ୍କ୍ ଅନ୍ କାଇ ପୟିସ୍ ଅଦାନ୍ ସେଙ୍ଗେ ବେନ ଇଲାଣ୍ଡ୍। 19 ଇୱୁ ରେଣ୍ଡ୍ ବିଷୟ ମି ପରୁ ଗଟେମ୍ ଆତ୍ତେ; ମି ସେଙ୍ଗେ ବେନ ନିଜେତ୍ ଗୁଣ୍ଡେ ରେଃସ୍ କେୟିତଣ୍ଡ୍ ? ସିମ୍ ସାମ୍ ନୁ ଦଂସ, ମେଣ୍ଡେ ମରୁଡ଼ି ନୁ ଚୁର୍ ମାମେ ବେଲାନ୍ ମିକିଙ୍କ୍ ସାନ୍ୱନା ମାଡ଼ିତମ୍ ? 20 ୱାଲେତାଗ୍ ଆର୍ତେ କଡ଼୍ମାୱୁ ଲେକାମ୍ ସାରେ ମି ମାର୍କ୍ ସିମ୍କ୍ ଆସ୍ମିନ୍ଦେଡ଼୍, ଅଡ଼୍ ସାରେତଡ଼୍ ରଟିନ୍ ନାଡ଼୍ମେ ରାଲି ମିନ୍ଦେଡ଼୍; ଅଡ଼୍ ସଦାପ୍ରବୁନ୍ କପାମ୍ତେ, ମି ପରମେଶ୍ୱର୍ ଦମକ୍ତେ ନିଣ୍ଡିମିନ୍ଦେଡ଼୍। 21 ଆଦିନ୍ ମାଇଦିଙ୍କ୍ ହୋ ଦୁଃକାମ୍ତଡ଼ି ନୁ ଆସାମ୍ ଅଙ୍ଗୁର୍ରସ୍ତେ ଅସିତିଡ଼୍ ଯେ ମିଡ଼୍, ମିଡ଼୍ ଇଞ୍ଜେ ଇଦ୍ କେଞ୍ଜାଟ୍; 22 ନିମେ ପ୍ରବୁ, ସଦାପ୍ରବୁ ନୁ ନିଜେତ୍ ନାରୁଡ଼୍ ପାକେ ମିଇ ପରମେଶ୍ୱର୍ ଇଦ୍ ଗଟ୍ କେତିତଣ୍ଡ୍, "ଉଡ଼େ, ମାମେ ସାରେତମ୍ ଉତ୍ତେ ତିପାଲ୍, ଇତ୍କେ, ମାମେ କପାମ୍ତେ ବର୍ତିଆତ୍ତେ ବେଡ଼ିୟାଦ୍ ଉନ୍ଦାନ୍ଗିନେ ମି କାଇଦେ ତରି ଅସ୍ମିନ୍ଦେମ୍; ମିଡ଼୍ ମେଣ୍ଡେ ଆଦ୍ ଉନ୍ୱିଡ଼୍; 23 ମେଣ୍ଡେ, ବେନଡ଼୍ ମିକିଙ୍କ୍ ତିପାଲ୍ ଇଦ୍ତଡ଼୍, ଅଡ଼୍ କାଇଦେ ମାନାଡ଼୍ ଆଦ୍ ଇଦିକାଡ଼୍; ଅଡ଼୍ ମି ଜିଊତିଙ୍କ୍ କେସ୍ମିନ୍ଦେଡ଼୍, ଆଡ଼୍କାଟ୍, ମାମେ ମି ପରୁଙ୍କ୍କଞ୍ଜ୍ ଆଦ୍ତମ୍; ମେଣ୍ଡେ, ମିଡ଼୍ ବୁମ୍ ନୁ ରଟ୍ ଲେକାମ୍ ଆଦାନଡ଼୍ ମାଇଦିଙ୍କ୍ ମିୟାଦ୍ ମେନ୍ଦୁଲ୍ ତାରିସ୍ ମିନ୍ଦେଡ଼ି।"
/images/a/WG5FS9VaSWVnVmV3VI8yP)
/images/a/a0208299-6f37-40a0-66e1-2576b9435f00)