ଇସ୍ରାଏଲତିଙ୍କ୍ ଇଶ୍ୱର୍ତାଦ୍ ଶାନ୍ତି
1 "ହୋ ସମୁଦ୍ରତେ ନାଡ଼୍ମେ ୱାସ୍ତାଦ୍ ଗପ୍, ମା ଗଟ୍ କେଞ୍ଜାଟ୍; ନାରୁଡ଼୍ ପୁଃନା ପୁଃନା ଶକ୍ତିପାହେମ୍ ଆୟିଡ଼୍; ଅଡ଼୍ ଗାରେ ୱାଡ଼ିଡ଼୍; ଆସୁଙ୍କ୍ ଗଟି କେଲିଡ଼୍; ମାମେ ଅଣ୍ଡୟ୍ତାଗ୍ ଆସ୍ ବିଚାର୍ ମାଡ଼ିକାଡ଼୍। 2 ଅଣ୍ଡ୍ ଦାର୍ମିକ୍ତେ ବେନଙ୍କ୍ ନିଜେତ୍ ଡେକାନାଗ୍ କାର୍ଙ୍ଗିତଣ୍ଡ୍, ଇଦ୍ଲେକାମ୍ ୱେରଙ୍କ୍ ପୂର୍ବ ଦିଗ୍ତାଗାଙ୍କ୍ ବେନ ତିଆର୍ ମାଡ଼୍ତଣ୍ଡ୍ ? ଅଣ୍ଡ୍ ୱେରେ ଦେଶ୍କିନ୍ ନାରୁଡ଼୍ ତାନ୍ ମୁନେ ୱାଟିତଣ୍ଡ୍ ନୁ ରାଜାନଡ଼୍ ପରୁ ଆଦିଙ୍କ୍ ଶାସନ୍ ମାଡ଼ିତଣ୍ଡ୍; ଅଣ୍ଡ୍ ତାନ୍ ଚୁର୍ତେ ମୁନେ ଅଙ୍କ୍ ଦୁମ୍ଲେକାମ୍ ନୁ ଅନାଦ୍ ୱିଲ୍କିନ୍ ମୁନେ ତୁଃସ୍ ଅଦାନ୍ ପଲେ ଲେକାମ୍ ସମର୍ପି ଆଦ୍ତଣ୍ଡ୍। 3 ଅଣ୍ଡ୍ ଅଡ଼୍ପେର୍କେ ତଲିତଣ୍ଡ୍, ବେନ୍ ଆର୍ଦାଗ୍ ଅଣ୍ଡ୍ ତାଃଆକଣ୍ଡ୍, ଆଦ୍ ଆର୍ଦାଗ୍ ଅଣ୍ଡ୍ ଆଦ୍ ଆର୍ଦାଗେ ୱେର୍ୱକଟ୍ ଆଦ୍ତଣ୍ଡ୍। 4 ମୁନେଙ୍କ୍କଞ୍ଜ୍ ମାନେଇତିଙ୍କ୍ ମାନେଇ ଇଞ୍ଜ କାର୍ଙ୍ଗି ବେନ ଇଦ୍ କାମ୍ ମାଡ଼ିମିନ୍ଦେଣ୍ଡ୍ ? ମାମେ ସଦାପ୍ରବୁ ଆରାମ୍, ମେଣ୍ଡେ ଶେଷ କାଲାମ୍ତେ ନାରୁଡ଼୍ତଡ଼୍ ମାମେ ଆଦ୍ଦେ ଆଦ୍ତମ୍। 5 ସମୁଦ୍ରତେ ନାଡ଼୍ମେତ୍ ଗପ୍କ୍ ଉଡ଼ି ୱେର୍ୟିତା; ପୃତିବୀତେ ଦୂରାମ୍ ଦେଶ୍କ୍ ୱାଡ଼୍କ୍ତା; ଅଡ଼୍ ଗାରେହେଉସ୍ ୱାତ୍ତଡ଼୍। 6 ଅଡ଼୍ ସାରେତଡ଼୍ ନିଜେତ୍ ଗାରେତଡ଼୍ ସାହାଯ୍ୟ ମାଡ଼୍ତଡ଼୍ ନୁ ସାହାସ୍ତଡ଼ି ଆୟ୍ମୁଟ୍ ଇଞ୍ଜ ସାରେତଡ଼୍ ନିଜେତ୍ ଦାଦାଙ୍କ୍ କେତ୍ତଡ଼୍। 7 ଇଦ୍ଲେକାମ୍ କାମାର୍ ସୁନାରିଙ୍କ୍ ସାହାସ୍ ଇତ୍ତେ ନୁ ମୁଟିୟେତଡ଼୍ ସାମାମ୍ ମାଡ଼ାନ୍ ନାରୁଣ୍ଡ୍ ଯୋଡ଼ାକାମ୍ ଲେକେତ୍ ଆସ୍ମିନ୍ଦେଇଞ୍ଜ କେସ୍, କମାର୍ତିଙ୍କ୍ ସାହାସ୍ ଇତ୍ତଣ୍ଡ୍; ମେଣ୍ଡେ, ମାନ୍ଦାନ୍ ମାଣ୍ଡୁଲ୍ ବେଲାନ୍ ଉଙ୍ଗ୍ମା କି, ଆଦିନ୍ ସେଙ୍ଗେ ଅଣ୍ଡ୍ କୁଟ୍ତଡ଼୍ ଆଦିଙ୍କ୍ ଡ଼ୁଟାଙ୍କ୍ ମାଡ଼୍ତଣ୍ଡ୍। 8 ମାତର୍ ହୋ ମା ଦାସ ଇସ୍ରାଏଲ୍, ମାମେ ହେଞ୍ଚିମାନ୍ଦାନ୍ ଯାକୁବ୍, ମା ପ୍ରେମ୍ତେ ସାଙ୍ଗ ଅବ୍ରାହାମ୍ତେ ବଂଶ; 9 ମାମେ ମିକିଙ୍କ୍ ପୟିସ୍ ପୃତିବୀତେ ଜାଗେତାଗ୍ ତାସ୍ମିନ୍ଦେମ୍ ନୁ ପୃତିବୀତେ ଚାନ୍ଦ୍ତାଗାଙ୍କ୍ ମିକିଙ୍କ୍ କାର୍ଙ୍ଗିମିକା କେସ୍ମିନ୍ଦେମ୍, ମିଡ଼୍ ମା ଦାସ, ମାମେ ମିକିଙ୍କ୍ ହେଞ୍ଚିମିନ୍ଦେମ୍ ନୁ ଦୂରାମ୍ ମାଡ଼ମ୍; 10 ମିଡ଼୍ ୱେର୍ମାଟ୍, ବାତେଙ୍କ୍ଇତ୍କେ ମାମେ ମି ତଡ଼୍ ମିନ୍ଦେମ୍; ମୁର୍ମୁରା ଆୟିମାଟ୍, ବାତେଙ୍କ୍ଇତ୍କେ ମାମେ ମି ପରମେଶ୍ୱର୍; ମାମେ ମିକିଙ୍କ୍ ଡ଼ୁଟାଙ୍କ୍ ମାଡ଼ିତମ୍; ହଁ, ମାମେ ମିକିଙ୍କ୍ ସାହାଯ୍ୟ ମାଡ଼ିକାଡ଼୍; ହଁ ମାମେ ମା ଦର୍ମଲେକାମ୍ ତିନ୍ଦେ କାଇଦେ ମିକିଙ୍କ୍ ପୟିସ୍ ନେଃତିକାଡ଼୍। 11 ଉଡ଼େ, ବେନଡ଼୍ ମି ପରୁ କପାମ୍ତେ ମିନ୍ଦେଡ଼୍, ଅଡ଼୍ ସାରେତଡ଼୍ ସିଗ୍ ନୁ ଦାନ୍ଦେ ଆଦ୍ତଡ଼୍; ବେନଡ଼୍ ମି ତଡ଼୍ ରାମ୍କ ମାଡ଼ିତଡ଼୍, ଅଡ଼୍ କାରାପ୍ ସାମାନ୍ ଲେକାମ୍ ଆସ୍ ଦଂସ ଆଦ୍ତଡ଼୍। 12 ବେନଡ଼୍ ମି ତଡ଼୍ ରାମ୍କ ମାଡ଼ିତଡ଼୍, ମିଡ଼୍ ଅଡ଼୍ ପେର୍କେ ଆଦ୍ତିଡ଼୍, ମାତର୍ ଅଡ଼କ୍ ପାହେମ୍ ପାହେମ୍ ଆୟ୍ୱିଡ଼୍; ବେନଡ଼୍ ମି ତଡ଼୍ ଯୁଦ୍ଦ୍ ମାଡ଼ିତଡ଼୍, ଅଡ଼୍ କାରାପ୍ ଜିନିଷ୍ ଲେକାମ୍ ନୁ ମାୟି ଆଦ୍ତଡ଼୍। 13 ବାତେଙ୍କ୍ଇତ୍କେ ମାମେ ସଦାପ୍ରବୁ ମି ପରମେଶ୍ୱର୍, ମି ତିନ୍ଦେକାଇ ପୟିସ୍ ମିକିଙ୍କ୍ କେତିକାଡ଼୍, ୱେର୍ମାଟ୍; ମାମେ ମିୟାଦ୍ ସାହାଯ୍ୟ ମାଡ଼ିକାଡ଼୍। 14 ହୋ ପୁଡ଼ିକ୍ ଲେକେତ୍ ଯାକୁବ୍ ନୁ ହୋ ଇସ୍ରାଏଲ୍ତେ ନାରୁନଡ଼ି, ୱେର୍ମାଟ୍; ସଦାପ୍ରବୁ କେତିତଣ୍ଡ୍, ମାମେ ମିକିଙ୍କ୍ ସାହାଯ୍ୟ ମାଡ଼ିତମ୍" ନୁ ଇସ୍ରାଏଲ୍ତେ ଦର୍ମଲେକାମ୍ ମି ମୁକ୍ତିଦାତାଲ୍ ଆଦ୍ତଣ୍ଡ୍। 15 "ଉଡ଼େ, ମାମେ ମିକିଙ୍କ୍ ସୁଜେ ଲୟିକଡ଼୍ତେ ୱେରଡ଼୍ ପୁଃନେ ଶସ୍ୟ ନୁ ଗୁଣ୍ଡାଲ୍ ୱେରେ ମାଡ଼ିତିଡ଼୍; ମିଡ଼୍ ମେଟାକିନା ଉସି ଗୁଣ୍ଡାଲ୍ ମାଡ଼ିତିଡ଼୍ ନୁ ବେଡିୟେ ମେଟାକିଙ୍କ୍ ପଲେ ଲେକାମ୍ ମାଡ଼ିତିଡ଼୍। 16 ମିଡ଼୍ ଅଡ଼୍କିଙ୍କ୍ ହେତ୍ତଡ଼୍ ତୁଉକେ, ଗାଲ୍ ଅଡ଼୍କିଙ୍କ୍ ତୁଃସ୍ ଅଦ୍ତେ ନୁ ଉର୍ଗାଲ୍ ଅଡ଼୍କିଙ୍କ୍ ୱେରେ ୱେରେ ମାଡ଼ିଦ୍ତେ; ମେଣ୍ଡେ, ମିଡ଼୍ ସଦାପ୍ରବୁନାଗେ ୱେଡ଼୍କେ ମାଡ଼ିତିଡ଼୍ ନୁ ଇସ୍ରାଏଲ୍ତେ ଦର୍ମଲେକାତଡ଼୍ ଲେକାମ୍ ଗୌରବ୍ ମାଡ଼ିତିଡ଼୍। 17 ଗରିବ୍ନଡ଼୍କ୍ ନୁ ବାତ୍ତେ ଇଲ୍ୱେନଡ଼୍ ଏର୍ଦିଙ୍କ୍ ମେଃକିତଡ଼୍, ମାତର୍ ଏର୍ ଇଲେ, ଆସୁଙ୍କ୍ ଅଡ଼ାଦ୍ ୱାଞ୍ଜେର୍ ଏର୍ଉନ୍ଦେ ୱାତ୍ତେ ୱାସ୍ତ୍ତେ; ମାମେ ସଦାପ୍ରବୁ ଅଡ଼୍କିଙ୍କ୍ ଉତ୍ତର୍ ଇଦିକାଡ଼୍, ମାମେ ଇସ୍ରାଏଲ୍ତେ ପରମେଶ୍ୱର୍ ଅଡ଼୍କିଙ୍କ୍ ବେସୁଙ୍କ୍ ୱିଡ଼୍ସ୍ୱାଡ଼୍। 18 ମାମେ ମାଡ଼ାକିନ୍ ଡେଙ୍ଗ୍ ପଡ଼ିୟେତାଗ୍ ଇଲ୍କା ମାଡ଼ିକାଡ଼୍ ନୁ ସାମାନ୍ ନେଲ୍ଦାଗ୍ ବାତ୍ତେ ଇଲ୍ୱାଦ୍ ମାଡ଼ିକାଡ଼୍; ମାମେ ବୁମ୍ଦାଗ୍ ଏର୍ ମାନ୍ଦାନାଦ୍ ନୁ ୱାସ୍ତେ ବୁମ୍ଦାଗ୍ ଏର୍ ପଙ୍କ୍ସିକାଡ଼୍। 19 ମାନାଡ଼୍ ବୂମ୍ତାଗ୍ ଏରସ୍, ଶିଟୀମ୍ ନୁ ମେହେନ୍ଦି ନୁ ନିୟ୍ମାଡ଼ାକ୍ ଉର୍ସ୍କିକାଡ଼୍; ମାନାଡ଼୍ ଉସ୍କନେଲ୍ଦାଗ୍ ଦେବଦାରୁ, ତିଦର ନୁ ତାଶୂର ମାଡ଼ାକ୍ ଅଣ୍ଡୟ୍ତାଗ୍ ଉର୍ସ୍କିକାଡ଼୍; 20 ଆସୁଙ୍କ୍ ସଦାପ୍ରବୁନ୍ କାଇ ଇଦ୍ କାମ୍ ମାଡ଼ିମିନ୍ଦେଣ୍ଡ୍ ନୁ ଇସ୍ରାଏଲ୍ତେ ଦର୍ମଲେକାମ୍ ଇଦ୍ ତିଆର୍ ମାଡ଼ିମିନ୍ଦେଣ୍ଡ୍ ଇଞ୍ଜ ନାରୁଡ଼୍ ଅଣ୍ଡୟ୍ଦାମ୍ ଉଡ଼ିତଡ଼୍ ନୁ ଏର୍କେ ମାଡ଼ି ବୁଜେମ୍ ଆୟିମ୍।"
ମିଚ୍ ଦେୟାକିଙ୍କ୍ ସଦାପ୍ରବୁ ଜିଦ୍ ମାଡ଼ାନାଦ୍
21 ସଦାପ୍ରବୁ କେତିତଣ୍ଡ୍, "ମିଡ଼୍ ନିଜେତାଦ୍ ରାମ୍କ୍ ବିଷୟ୍ ପେସ୍ପାଟ୍," ଯାକୁବ୍ ରାଜାଲ୍ କେତିତଣ୍ଡ୍, ମିଡ଼୍ ମିୟାଦ୍ ଢ଼ାଟୁଙ୍କ୍ ସାକ୍ଷିସାରେ ପେସ୍ପାଟ୍। 22 ଅଡ଼୍ ଆୱୁସାରେ ପେସ୍ପିମିକା ବାତେ ବାତେ ଗଟେମ୍ ଆଦ୍ତେ, ଆଦ୍ ମା ପାକେ କେଲ୍ମୁଟ୍; ମୁନେଙ୍କ୍ତେ ବିଷୟକି ବାତେ, ଆୱୁ ମିଡ଼୍ କେଲ୍ମୁଟ୍, ଆଲାନ୍ ମାଡ଼୍କେ, ମାନାଡ଼୍ ଏର୍କେମାଡ଼ି ଆଦିନ୍ ଶେଷ ବିଷୟ୍ ପୁନ୍ଦେପାର୍ତାଡ଼୍; ଇଲୁକ୍ ୱାଦାନ୍ ଗଟନା ମାକିଙ୍କ୍ ତଃମୁଟ୍। 23 ତାନ୍ପେର୍କେ ବାତେ ବାତେ ଗଟେମ୍ଆଦ୍ତେ, ଆଦ୍ କେଲ୍ମୁଟ୍, ଆସୁଙ୍କ୍ ମିଡ଼୍ ଯେ ପରମେଶ୍ୱର୍ତେ ନାରୁଡ଼ି, ଇଦ୍ ମାମେ ପୁନ୍ଦ୍ତମ୍; ହଁ, ସାୟେ ମାଡ଼ାଟ୍, ଇଲୁକ୍ ପିନ୍ଦ ମାଡ଼ାଟ୍, ଆସୁଙ୍କ୍ ମାମେ କଟ ଆସ୍ ଅଣ୍ଡୟ୍ତାଗ୍ ଆଦ୍ ଉଡ଼ିତମ୍। 24 ଉଡ଼ାଟ୍, ମିଡ଼୍ ମଣ୍ଡିଡ଼ି ନୁ ମିୟାଦ୍ କାମ୍ ବାତେ କେ ଇଲେ; ବେନ୍ ନାରୁଡ଼୍ ମିକିଙ୍କ୍ ଏଞ୍ଚିତଣ୍ଡ୍, ଅଣ୍ଡ୍ ପାସ୍କାନଣ୍ଡ୍। 25 ମାମେ ଉତ୍ତର୍ ଦିଗ୍ତାଗାଙ୍କ୍ ୱେରଙ୍କ୍ ନାରୁଙ୍କ୍ ପେସ୍ପିମିନ୍ଦେମ୍ ନୁ ଅଣ୍ଡ୍ ମିନ୍ଦେଣ୍ଡ୍; ଅଣ୍ଡ୍ ପଡ଼ଦ୍ ପେଇତାନାକାଙ୍କ୍ ମାନ୍ ପେଦେରି କାର୍ଙ୍ଗିତଣ୍ଡ୍; ଅଣ୍ଡ୍ ନେଟେତାଗ୍ ମେତାନ୍ ମଶଲା ନୁ କୁଣ୍ଡେତାଗ୍ ଉସ୍ତେ ମୃର୍ତ୍ତିଲେକାମ୍ ଦେଶ୍କେପାନଡ଼୍କ୍ ଡେକେତେ ୱିକିତଡ଼୍। 26 ମାମେ ବେଲାନ୍ ପୁନ୍ଦେ ପାର୍ତାଡ଼୍, ଆଦିନ୍ ସେଙ୍ଗେ ମୁନେଙ୍କ୍କଞ୍ଚ୍ ବେନ ଇଦ୍ କେସ୍ମିନ୍ଦେଣ୍ଡ୍ ? ମେଣ୍ଡେ, ଅଣ୍ଡ୍ ଦାର୍ମିକ୍ ଇଞ୍ଜ ବେଲାନ୍ ମାମେ କେତ୍ତେ ପାର୍ଦତାଡ଼୍, ଆଦିନ୍ ସେଙ୍ଗେ ମୁନେଙ୍କ୍କଞ୍ଚ୍ ବେନ ଇଦ୍ କେସ୍ମିନ୍ଦେଣ୍ଡ୍ ? ହଁ, କେତାନଣ୍ଡ୍ ବେନ ଇଲାଣ୍ଡ୍, ହଁ, ତଃତାନ୍ ନାରୁଣ୍ଡ୍ ବେନ ଇଲାଣ୍ଡ୍, ମିୟାୱୁ ଗଟି କେଞ୍ଜାନ୍ ନାରୁଣ୍ଡ୍ ବେନ ଇଲାଣ୍ଡ୍। 27 ମାମେ ମୁନେଙ୍କ୍ତେ ସିୟୋନ୍ତିଙ୍କ୍ କେତିକାଡ଼୍, "ଉଡ଼େ, ଅଡ଼୍କିଙ୍କ୍ ଉଡ଼ାଟ୍, ମେଣ୍ଡେ ମାମେ ଯିରୂଶାଲେମ୍ତାକ୍ ସୁସମାଚାର୍ ତାତାନାଦ୍ ୱେରନ୍ ନାରୁଙ୍କ୍ ଇଦିକାଡ଼୍।" 28 ମାନାଡ଼୍ ଉଡ଼ାନ୍ୱେଲେ ବେନ ଇଲାଣ୍ଡ୍; ମାନାଡ଼୍ ପାଚ୍ରିଞ୍ଚାନ୍ ୱେଲେ ବେନ୍ ପଦ୍ଦେଣ୍ଡ୍ ଉତ୍ତର୍ ଇଦ୍ପାର୍ତଣ୍ଡ୍, ଅଡ଼୍ ଲୋପେଙ୍କ୍ ଇଦ୍ଲେକାମ୍ ଗଟ୍ କେତାନଣ୍ଡ୍ ବେନ ମିକା ଇଲ୍ୱେ ମାତ୍ତଣ୍ଡ୍। 29 ଉଡ଼ାଟ୍, ଆଦ୍ ସାରେ, ସାରେତଡ଼ାଦ୍ କାମ୍ସାରେ ଦାମ୍ ଇଲ୍ୱାଦ୍ ନୁ ଇଲ୍ୱେ ସାମାନ୍ ମାତର୍; ଅଡ଼୍ ପେଟେତାଗ୍ ତଃସ୍ତେ ମୁର୍ତ୍ତି ଲେକ୍ତାଦିନାଗ୍ ଗାଲ୍ ନୁ ଆସାମ୍ ମାତର୍।
/images/a/WG5FS9VaSWVnVmV3VI8yP)
/images/a/a0208299-6f37-40a0-66e1-2576b9435f00)