1 ବାତ୍‌ତେଇଲ୍‌ୱେ ନୁ ସିମ୍‌ସାମ୍‌ ପଡ଼୍‌ୟେ ୱେଡ଼୍‌କିତ୍‌; ମେଣ୍ଡେ, ଉସ୍କନେଲ୍‌ ୱେଡ଼୍‌କେ ଆସ୍‌ ଗଲାପ୍‌ ଲେକାମ୍‌ ପୁୟିତ୍‌ତା।

2 ଆଦ୍‌ ଲେକେତ୍‌ ଅଦିକ୍‌ ଆଦ୍‌ତା, ମେଣ୍ଡେ, ସାର୍‌ଦେ ନୁ ପାଟାପାରି ୱେଡ଼୍‌କେ ଆଦ୍‌ତେ;ଲିବାନୋନ୍‌ତେ କାମ୍‌କେ, କର୍ମିଲ୍‌ ନୁ ଶାରୋଣତେ ଗୌରବ୍‌ ଆଦିଙ୍କ୍‌ ନର୍‌ସ୍‌ ଆଦ୍‌ତେ; ଅଡ଼୍‌ ସଦାପ୍ରବୁନ୍‌ କାମ୍‌ତେ ନୁ ମାନ୍‌ ପରମେଶ୍ୱର୍‌ଦେ ଗୌରବ୍‌ ଉଡ଼ିତଡ଼୍‌।

3 ମିଡ଼୍‌ ଦୁର୍ବଲ୍‌ କାଇଦିଙ୍କ୍‌ ସୁସ୍ଥ ମାଡ଼େ ନୁ ୱାଡ଼୍‌କି ୱାଡ଼୍‌କି ବଟ୍‌ମିଣ୍ଡାଙ୍କ୍‌ ଲେକେତ୍‌ ମାଡ଼ାଟ୍‌। 4 ୱେର୍‌ସମାନ୍ଦାନଡ଼୍‌କିଙ୍କ୍‌ କେଲ୍‌ମୁଟ୍‌, ସାହାସ୍‌ତଡ଼ି ଆୟ୍‌ମୁଟ୍‌, ୱେର୍‌ମାଟ୍‌; ଉଡ଼୍‌, ମି ପରମେଶ୍ୱର ବଦ୍‌ଲାତଡ଼୍‌, ପରମେଶ୍ୱର୍‌ତେ ମାଡ଼୍‌ତେ କାମ୍‌ତଡ଼୍‌ ୱାଦ୍‌ତଣ୍ଡ୍‌; ଅଣ୍ଡ୍‌ ୱାସ୍‌ ମିୟାଦ୍‌ ପରିତ୍ରାଣ ମାଡ଼ିତଣ୍ଡ୍‌। 5 ଆସୁଙ୍କ୍ କାନାନଡ଼୍‌ କଣ୍ଡା ତେର୍ସାଦ୍‌ତା ନୁ ବୟ୍‌ରାଲଡ଼୍‌ କେୱୁକ୍‌ ସାୟେ ଆଦ୍‌ତା। 6 ଆସୁଙ୍କ୍‌ କୁଟାନାରୁଡ଼୍‌ କଡ଼୍‌ମାୱୁ ଲେକାମ୍‌ ଲାଙ୍ଗିତଣ୍ଡ୍‌ ନୁ କନ୍ଦାଲଡ଼୍‌ ୱେଞ୍ଜେର୍‌ ପାଟାପାରିତା; ବାତେଙ୍କ୍‌ଇତ୍କେ ବାତ୍‌ତେଇଲ୍‌ୱାଗ୍‌ ଏର୍‌ ନୁ ଉସ୍କନେଲ୍‌ତାଗ୍‌ ଇଡ଼୍‌ପାମ୍‌ ପେଇତିତା। 7 ମେଣ୍ଡେ, ନିଡ଼୍‌ତାନ୍‌ ଉସ୍କ ଏର୍‌ଗୁଇନ୍ଦେ ଆଦ୍‌ତା ନୁ ୱାସ୍‌ତେ ବୁମ୍‌ ଇଡ଼୍‌ପାମ୍‌ ଏର୍ ପେଇତିତ୍‌; କଇଲାକିନ୍‌ ମାନ୍ଦାନାଗ୍‌, ଆୱିନାଦ୍‌ ଉଞ୍ଜାନ୍‌ ପଡ଼ିୟେତାଗ୍‌ ଗାଡ଼୍‌, ନାଡ଼ା ନୁ ଗୁବାଲ୍‌ ମେଟେ ଆଦ୍‌ତେ। 8 ମେଣ୍ଡେ, ଆଗେ ଅଣ୍ଡୟ ରାଜାଲ୍‌ ମାନ୍ଦାନାଦ୍‌ ନୁ ଆର୍‌ ଆଦ୍‌ତେ, ଆଦ୍‌ ପବିତ୍ରତାଦ୍‌ ଆର୍‌ଇଞ୍ଜ କେତାନଙ୍କ୍‌ ଆତ୍‌ତେ; ଆଦ୍‌ ମାତର୍‌ ଅଡ଼୍‌ ମାଇଦିଙ୍କ୍‌ ଆଦ୍‌ତେ, ମାତର୍‌ ବେନେବା ପାପି ନାରୁଣ୍ଡ୍‌ ଆଦିନ୍‌ ପର ତାକେପାର୍‌ୱଣ୍ଡ୍‌; ମିସ୍‌ତେନଡ଼୍‌ ନୁ ବୁଦ୍ଦ୍‌ଇଲ୍‌ୱେନଡ଼୍‌ ମିକା ଆଗେ ଆର୍‌ବୁଲ୍‌କା ଆୟଡ଼୍‌। 9 ଆଗେ ବେନେମିକା ସିଂହଡୁୱ୍‌ ମାନନ୍‌, କି ଆୱୁକି ତିନ୍ଦାନ୍‌ ଜିୱାକ୍‌ ଆଦିନ୍‌ ପରୁ ଆଦ୍‌ତେ ପାର୍‌ୱ, ଆୱୁ ଆଗେ ତନ୍ଦ; ମାତର୍‌ ଉଦ୍ଦାର୍‌ ପାଏମ୍‌ଆତ୍‌ତେ ନାରୁଡ଼୍‌ ଆଗେ ତାକେପାର୍‌ତଡ଼୍‌; 10 ମେଣ୍ଡେ, ସଦାପ୍ରବୁନ୍‌ ନିସ୍ତାରିତ ନାରୁଡ଼୍‌ ମାଲ୍‌ସ୍‌ ୱାଦ୍‌ତଡ଼୍‌ ନୁ ପାଟା ପାର ପାର ସିୟୋନ୍‌ତା ୱାଦ୍‌ତଡ଼୍‌ ନୁ ସାରେଦାମ୍‌ ୱେଡ଼୍‌କେ ଅଡ଼୍‌ ତାଲେତେ ମୁସି ଆଦ୍‌ତଡ଼୍‌; ଅଡ଼୍‌ ୱେଡ଼୍‌କେ ନୁ ସାରେଦା ଆଦ୍‌ତଡ଼୍‌, ମେଣ୍ଡେ, ଦୁଃକାମ୍‌ ନୁ କଷ୍ଟ ଜେକେ ଆଦ୍‌ତେ।