1 ପ୍ରବୁ ସଦାପ୍ରବୁନ୍ ‌ଆତ୍ମା ନାୟାଗେ ୱାସ୍‌ ମିନ୍ଦେ; ବାତେଙ୍କ୍‌ଇତ୍କେ ନମ୍ର ନାରୁଡ଼୍‌ ପାକେ ସୁସମାଚାର୍‌ ପ୍ରଚାର୍‌ ମାଡ଼ାନ୍‌ ସେଙ୍ଗେ ସଦାପ୍ରବୁ ନାକିଙ୍କ୍‌ ହେଞ୍ଚିମିନ୍ଦେଣ୍ଡ୍‌; ଅଣ୍ଡ୍‌ ଉର୍ଙ୍ଗ୍‌ତେ ଲେକେତ୍‌ ନାରୁଡ଼୍‌ ପୁଣ୍ଡ୍‌ତିଙ୍କ୍‌ ତଃସିଦ୍‌ତଣ୍ଡ୍‌, ବନ୍ଦୀ ନାରୁଡ଼୍‌ ପରୁ ମୁକ୍ତି ନୁ ଜିଲ୍‌ତାଗ୍‌ ମାନ୍ଦାନ୍‌ ନାରୁଡ଼୍‌କିଙ୍କ୍‌ ପରୁ ଜଇଲ୍‌ତାଗ୍‌ ମୁକ୍ତ ଆଦାନ୍‌ ଗଟ୍‌ ପ୍ରଚାର୍‌ ମାଡ଼ାନଙ୍କ୍‌; 2 ସଦାପ୍ରବୁନ୍‌ ୱିଡ଼୍‌ସ୍ତେ ବର୍ଷ ନୁ ମାନ୍‌ ପରମେଶ୍ୱର୍‌ତେ ବଦ୍‌ଲା ଦିନାମ୍‌ କେତାନଙ୍କ୍‌; ଦୁଃକାମ୍‌ତେ ନାରୁଡ଼୍‌କିଙ୍କ୍‌ ସାନ୍ୱନା ମାଡ଼ାନଙ୍କ୍‌; 3 ସିୟୋନତେ ଦୁଃକାମ୍‌ ନାରୁଡ଼୍‌ ସେଙ୍ଗେ ତିଆର୍‌ ମାଡ଼ାନଙ୍କ୍‌, ଇତ୍କେ, ନିର୍‌ଦେ ବାଦୁଲ୍‌ତେ ସଜ୍‌ ଆଦ୍‌ତେ, ଦୁଃକାମ୍‌ତେ ବାଦୁଲ୍‌ ସୁକତେ ଲେକେତ୍‌ ନିୟ୍‌, ଦୁର୍ବଲ୍‌ ଆତ୍ମା ବାଦୁଲ୍‌ତେ ପ୍ରଶଂସାଲେକାତ୍‌ ଚକା କେର୍‌ଦାନଙ୍କ୍‌ ଅଣ୍ଡ୍‌ ନାକିଙ୍କ୍‌ ରସ୍‌ମିନ୍ଦେଣ୍ଡ୍‌; ଆସୁଙ୍ଗ୍ ସଦାପ୍ରବୁ ବେଲାନ୍‌ ଗୌରବ୍‌ ଆଦ୍‌ତଣ୍ଡ୍‌, ଆଦିଙ୍କ୍‌ ଅଡ଼୍‌ ଅଲୋନ୍‌ ମାଡ଼େ ଲେକାତ୍‌ ନୁ ତାନ୍‌ ବଗିଚା ଇଞ୍ଜ କେତାନଙ୍କ୍‌ ଆଦ୍‌ତେ।