ଯିଶାଇୟ ନୁ ତାନ୍ ପିଲାକିନ୍ ଚିହ୍ନେ
1 ମେଣ୍ଡେ, ସଦାପ୍ରବୁ ନାକିଙ୍କ୍ କେତ୍ତଣ୍ଡ୍, ମିଡ଼୍ ୱେରଡ଼୍ ଦୁଡ଼େ ବେଡ଼ିୟାଦ୍ କାଲ୍ଅସ୍ ବେଡ଼ିୟା ଅକ୍ଷର୍ତେ ଆଦିନ୍ ପରୁ ଇଦ୍ ଗଟ୍ ଲେକାଟ୍, ମହେର ଶାଲଲହାଲ୍ ବସ୍ ଡଙ୍ଗି ମାନ୍ଦାନ୍ ଜିନିଷ୍ ଯାପେ ୱାସମିନ୍ଦେ, ଡଙ୍ଗ୍ତେ ଜିନିଷ୍ ଯାପେ ଆଞ୍ଜମିନ୍ଦେ 2 ମେଣ୍ଡେ, ନାନେ ପ୍ରମାନ୍ ସେଙ୍ଗେ ଊରୀୟ ଯାଜକ୍ ନୁ ଯିବୋରିଖୀୟର୍ତେ ମାର୍ ଜିକରୀୟଙ୍କ୍ ନିଜେତ୍ ବିଶ୍ୱାସ୍ତେ ସାକ୍ଷି ମାଡ଼ିତାନ୍। 3 ତାନ୍ପେର୍କେ ନାନେ ବବିଷ୍ୟଦ୍ବକ୍ତାଲ୍ତଡ଼୍ ଉଞ୍ଜ୍କେ, ଆଦ୍ ଡଙ୍କେତ୍ଆସ୍ ୱେରଣ୍ଡ୍ ମାର୍ ଜନ୍ମମାଡ଼୍କେ। ଆଲେକେ ସଦାପ୍ରବୁ ନାକିଙ୍କ୍ କେତ୍ତଣ୍ଡ୍, "ଅନ୍ ପେଦେର୍ ମହେର ଶାଲଲହାଶ୍ ବସ୍ ୱାଟାଟ୍। 4 ବାତେଙ୍କ୍ଇତ୍କେ ପେକାଲ୍ ନା ବାବାଲ୍ ନୁ ନା ୟାୟ ଇଞ୍ଜ କାର୍ଙ୍ଗାନଙ୍କ୍ ଜ୍ଞାନ୍ ପାହେମ୍ ଆଦାନ୍ ମୁନେ ଦମ୍ମେଶକ ଦନ୍ ନୁ ଶମରୀୟାର୍ତେ ଡଙ୍ଗ୍ତେ ଅଶୂର ରାଜାନ୍ ମୁନେ ମୁନେ କାଞ୍ଜି ଅଦ୍ତଡ଼୍।"
ଅଶୂର ରାଜାନ୍ ଯୁଦ୍ଦ
5 ତାନ୍ପେର୍କେ ସଦାପ୍ରବୁ ନାକିଙ୍କ୍ ମେଣ୍ଡେ କେତ୍ତଣ୍ଡ୍, 6 "ଇ ନାରୁଡ଼୍ ଶୀଲୋହର୍ତେ ଜାମ୍ ଜାମେ ପଙ୍ଗାନ୍ ଏର୍ ଲେକାମ୍ ୱିଡ଼୍ସିମିକା ରତ୍ସୀନ ନୁ ରମଲୀୟତେ ମାରିନାଗେ ୱେଡ଼୍କେ ମାଡ଼ମିନ୍ଦେ; 7 ତାନ୍ପେର୍କେ ଉଡ଼ାଟ୍, ପ୍ରବୁ ଇଞ୍ଜେ ବେଡ଼େମ୍ତେ ନାର୍ଗେ, କୁଇଙ୍କ୍ ଏର୍ ଲେକାମ୍ ଅଶୂର୍ତେ ରାଜାଙ୍କ୍ ନୁ ତାନ୍ ସାରେ ଶକ୍ତିତିଙ୍କ୍ ଅଡ଼୍ ପରୁ ତାସମିନ୍ଦେଡ଼୍; ଆଗାଙ୍କ୍ ଅଣ୍ଡ୍ ତାନ୍ ସାରେ ଏର୍ଦାଗ୍ ଜିୱାକିନ୍ ପରୁ ମିଡ଼୍ୟି ନିଜେତ୍ ଏର୍ୱୁ ପରୁ ଇସ୍ ଆଦ୍ତେ; 8 ମେଣ୍ଡେ, ଅଣ୍ଡ୍ ନାର୍ଗେ ଲେକାମ୍ ମୁନେ ଆଞ୍ଜ୍ ଯିହୁଦା ଯାକ ଆଦ୍ତଡ଼୍; ଅଣ୍ଡ୍ ମିଡ଼୍ୟି ଆଞ୍ଜ୍ ଏକାମ୍ ଆଦ୍ତେ; ଅଣ୍ଡ୍ ଲେଙ୍ଗ୍ ଇକି ତେଦିତଣ୍ଡ୍; ମେଣ୍ଡେ, ହୋ ଇମ୍ମାନୁୟେଲ୍, ଅନ୍ ଇମାନୁୟେଲ୍ ମି ଦେଶ୍ତିଙ୍କ୍ ରକ୍ଷା ମାଡ଼ିତଣ୍ଡ୍।" 9 ହୋ ଗୋଷ୍ଟିସାରେତଡ଼ି, ମିଡ଼୍ ମର୍ରେ ମାଡ଼ାଟ୍, ମେଣ୍ଡେ ମିଡ଼୍ ଉର୍ଙ୍ଗିଆଦ୍ତିଡ଼୍; ହୋ ଯେକେମାନ୍ଦାନ୍ ନାରୁଡ଼୍ ସାରେତଡ଼ି, ମିଡ଼୍ କେୱୁ ତାରାଟ୍; ମିଡ଼୍ ପାଡ଼୍ତାଗ୍ ତହମୁଟ୍, ଆସୁଙ୍କ୍ ନଷ୍ଟ ଆଦ୍ତିଡ଼୍। 10 ଅଣ୍ଡୟ୍ଦାମ୍ ଯଜନା ମାଡ଼ାଟ୍, ମେଣ୍ଡେ ଆଦ୍ ପୁରା ଆଦ୍ତେ; ଗଟି କେଲ୍ମୁଟ୍, ମେଣ୍ଡେ ଆଦ୍ କଟ ମାନ; ବେଲାନ୍ କି ପରମେଶ୍ୱର୍ ମାନ୍ତଡ଼୍ ମିନ୍ଦେଣ୍ଡ୍।
ପରମେଶ୍ୱର୍ତେ ଆଦେଶ୍
11 ବାତେଙ୍କ୍ଇତ୍କେ ସଦାପ୍ରବୁ ଶକ୍ତିତଡ଼୍ କାଇଦେ ପୟିସ୍ ନାକିଙ୍କ୍ ଇଦ୍ରକମ୍ କେତ୍ତଣ୍ଡ୍ ନୁ ନାନେ ବେଲାନ୍ ଇ ନାରୁଡ଼୍ ଆର୍ଦାଗ୍ ଆନନ୍, ଆଦିନ୍ ସେଙ୍ଗେ ନାକିଙ୍କ୍ ଆଦେଶ୍ଇସ୍ କେତ୍ତଣ୍ଡ୍, 12 ଇ ନାରୁଡ଼୍ ବେନ୍ ସାରେ ବିଷୟକିଙ୍କ୍ ପାଲାନ୍ ଇଞ୍ଜ କେଲ୍ମାଟ୍; କି ଅଡ଼୍ ୱେର୍ଦାନ୍ ବିଷୟ୍ତିଙ୍କ୍ ମିଡ଼୍ ୱେର୍ମାଟ୍, କି ଆଦିନ୍ ବିଷୟ୍ତେ ଦାନ୍ଦେ ଆୟିମାଟ୍। 13 ସୈନ୍ୟାଦିପତି ସଦାପ୍ରବୁଙ୍କ୍ କେ ମିଡ଼୍ ପବିତ୍ର ଲେକାମ୍ ମାନ୍ୟ ମାଡ଼ିତିଡ଼୍, ମେଣ୍ଡେ, ଅଣ୍ଡ୍ ମି ୱେର୍ଦାନ୍ ପଡ଼୍ୟେ ଆୟିଣ୍ଡ୍ ନୁ ଅଣ୍ଡ୍ ମି ତ୍ରାସବୁମ୍ ଲେକାମ୍ ଆୟିଣ୍ଡ୍। 14 ଆସୁଙ୍କ୍ ଆଦ୍ ପବିତ୍ର ପଡ଼ିୟେ ଲେକାମ୍ ଆଦ୍ତେ, ମାତର୍ ଇସ୍ରାଏଲ୍ତେ ରେଣ୍ଡେଆସ ପିଲୁଡ଼୍ ପରୁ ବେଡ଼ିୟାଦ୍ ନେଟେ ନୁ ଅସୁବିଦା ପାଷାଣ ଆଦ୍ତେ, ଯିରୁଶାଲେମ୍ ନାରୁଡ଼୍ ପରୁ ନଡମ୍ ନୁ ଉଡ଼ିୟି ଲେକାମ୍ ଆଦ୍ତେ। 15 ମେଣ୍ଡେ, ନାର୍ଗେ ନାରୁଡ଼୍ ଆଦିନ୍ତଡ଼୍ ତାଲ୍ଗି ରାଲିତଡ଼୍ ନୁ ଉର୍ଙ୍ଗି ଆଦ୍ତଡ଼୍ ନୁ ଉଡ଼ିୟିଦାଗ୍ ଆର୍ସ୍ ପଇସ୍ ଆଦ୍ତଡ଼୍। 16 ମିଡ଼୍ ଏର୍କେ ଚେତେନା ବାକ୍ୟ ତହଃମୁଟ୍, ନା' ଶିଷ୍ୟନଡ଼୍ ପାକେ ନିୟମ୍ ଲେକାଟ୍ । 17 ମେଣ୍ଡେ, ବେନ ଯାକୁବ୍ ପିଲୁଡ଼୍ତାଗାଙ୍କ୍ ନିଜେତ୍ ମକମ୍ ମୁସିତାନ୍, ନାନେ ଆ ସଦାପ୍ରବୁଙ୍କ୍ କେପିତାନ୍ ନୁ ଅନ୍ ସେଙ୍ଗେ କେପିମାନ୍ତାନ୍। 18 ଉଡ଼େ, ନାନେ ନୁ ସଦାପ୍ରବୁନ୍ ତଡ଼୍ ନାକିଙ୍କ୍ ଏଞ୍ଚି ମାନ୍ଦାନ୍ ପିଲାକି ସିୟୋନ୍ ମେଟେତାଗ୍ ମାନ୍ଦାନ୍ ନାରୁଡ଼୍ ସାରେତିଙ୍କ୍ ବେଡ଼୍ୟନ୍ ସଦାପ୍ରବୁନାଗାଙ୍କ୍ ଇସ୍ରାଏଲ୍ ତାଗ୍ ଚିହ୍ନେ ନୁ କାବା କାମ୍ ଉଡ଼ାନ୍ ଲେକା ଆଦ୍ତେ। 19 ମେଣ୍ଡେ, ବେସୁଙ୍କ୍ ଅଡ଼୍ ମିକିଙ୍କ୍ କେତିତଡ଼୍, ବେନ୍ ବୁତୁଡ଼ିଆ ନୁ ୱାଡ଼୍ୱେନଡ଼୍ ନେସ୍କି ନେସ୍କି ନୁ ଜାମେ ଜାମେ କେତିତଡ଼୍, ଅଡ଼୍କିଂଙ୍କ୍ ମେଃକାଟ୍; ମିଡ଼୍ କେଲ୍ମୁଟ୍ ନାରୁଡ଼୍ ବାତେ ନିଜେତ୍ ପରମେଶ୍ୱର୍ ଆତ୍ମାତିଙ୍କ୍ ମେଃକଡ଼୍ ? ଅଡ଼୍ ବାତେ ଜିୱେମାନ୍ଦାନଡ଼୍ ପାକେ ଡଲ୍ତେନଡ଼୍ ମେଃକିତଡ଼୍ ? 20 ନିୟମ ନୁ ପ୍ରାମାନ୍ ବାକ୍ୟତେ ପେର୍କେ ଆନୁଟ୍। ଯଦି ଅଡ଼୍ ଇଦ୍ ବାକ୍ୟଲେକାମ୍ ଗଟ୍ କେଲଡ଼୍, ଆଲେକେ ନିଜାମ୍ ଅଡ଼୍ ସେଙ୍ଗେ ୱେସ୍ ଇଲେ।
କଷ୍ଟତେ ସମୟ୍
21 ମେଣ୍ଡେ, ଅଡ଼୍ ଗାଟି କଷ୍ଟ ନୁ କାର୍ୱିନେ ଦେଶ୍ମିକା ଇସ୍ ଆଦ୍ତଡ଼୍, ମେଣ୍ଡେ କାର୍ୱିନ୍ ଆତ୍କେ, ଅଡ଼୍ କପାମ୍ ଆସ୍ ତାମ୍ ରାଜାନ୍ ତଡ଼୍ ନୁ ତାମ୍ ପରମେଶ୍ୱର୍ ତଡ଼୍ ଅବିଶାପ୍ ଇସ୍ ପରୁ ପାକେ ନିଜେ ନିଜେତ୍ ମକମ୍ ମାଡ଼ିତଡ଼୍; 22 ମେଣ୍ଡେ, ଅଡ଼୍ ବୁମ୍ଦେ ପାକେ ମେହ୍କିତଡ଼୍, ମେଣ୍ଡେ ଉଡ଼ାଟ୍,ତିପାଲ୍ ନୁ ଇକାଡ଼୍, ଯାତନା ଲେକାମ୍ ଗାଟି ନାର୍କା; ମେଣ୍ଡେ, ଅଡ଼୍ ଗାଟି ଇକାଡ଼୍ତିଙ୍କ୍ ତଲିଦ୍ତଡ଼୍।
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)