Edwɛndolɛ 3

Nana Nyamenle le Devidi ye Boavolɛ

1 Menli dɔɔnwo ne ala ko tia me, O Nana Nyamenle; dodo ne ala kakyi bɛ nzi si me! 2 Bɛkeha me nwo edwɛkɛ ɛtane ɛtane na bɛse kɛ, "Nana Nyamenle ɛnrɛhola ɛnrɛboa me." 3 Noko akee O Nana Nyamenle, wɔmɔ a dahuu ɛsinza me ɛfi munzule nu a. Wɔmɔ yɛɛ ɛmaa me konimlilɛ, na eza ɛmaa me akɛnrazilɛ a.

4 Mesu mefɛlɛ Nana Nyamenle kɛ ɔraboa me; na ɔtie me ɔfi ye boka nwuanzanwuanza Zayɔn azo. 5 Meto me nwo aze meda anzondwolɛ nu; na Nana Nyamenle sinza me aledwolɛ ne amuala. 6 Ɛhye ati saa kanzɛ bɔbɔ kpɔvolɛma apenle bulu bɔ me nwo mgbɔlɛka yia a, menzulo.