1 gerecht vestu blaibn, Hashem,

ven ich zol zich krign mit dir;

ober gerechtikeit vil ich redn tsu dir:

far vos iz der veg fun reshoim metslich?

far vos lebn ruik ale felsher falshe?

2 flantst zei, un zei vortselen zich ain,

zei geyen oif un trogn fruchtn;

nont bistu in zeyer moil,

un vait fun zeyere nirn.

3 un du, Hashem, kenst mich,

zest mich, un host gepruvet main harts tsu dir;

shlep zei avek vi shof tsu der shechite,

un gib zei op tsum tog fun teitung.

4 biz vanen vet troiern dos land,

un dos groz fun gantsn feld vet zain fartriknt?

fun vegen der shlechtikeit fun di voiner in ir.

zainen umgekumen beheimes un foiglen;

vail zei hobn gezogt: er zet nisht undzer sof.

5 oib mit fusgeyer bistu gelofn,

un zei hobn dich mid gemacht,

hint vi vilstu zich mit ferd farmestn?

un bistu zicher in land fun frid,

vi vestu ober ton in dem geveld fun Yarden?

6 vorem afile daine brider in dain foters hoiz,

afile zei hobn gefelsht on dir,

afile zei hobn dir nochgeshrien mit a fuler kel;

nisht gloib zei ven zei redn gut tsu dir.

7 ich hob farlozen main hoiz,

ich hob avekgevorfen main arav;

ich hob ibergegebn di gelibte fun main zel

in der hant fun ire faint.

8 main arav iz mir gevorn vi a leib in vald,

zi hot oifgehoibn ir kol oif mir,

derum hob ich zi faint gekrogn.

9 iz a kloiiker roibfoigl main arav mir?

di roibfoiglen zainen rund arum ir?

geit zamlt ale chayes fun feld,

brengt zei aher tsu esen.

10 fil pastucher hobn fardorben main vaingorten,

tsetretn main feld;

zei hobn gemacht main flustik feld

far a midber a vister.

11 me hot es gemacht far a vistenish,

es troiert tsu mir visterheit;

farvist iz dos gantse land,

vorem kein mentsh nemt nisht tsum hartsn.

12 oif ale hoiche erter in midber

zainen farvister gekumen,

vorem Hashems shverd fartsert fun ek land biz ek land,

nishto kein frid far kein laib.

13 zei hobn gezeit veits, un derner geshnitn,

zich geplogt – kein nuts nisht gebracht;

derum shemt aich mit aiere tvues,

fun vegen dem grimtsorn fun Hashem.

14 azoi hot Hashem gezogt – oif ale maine beize shecheynim, vos rirn on di arav vos ich hob gemacht arben main folk Yisroel: ze, ich rais zei ois fun zeyer erd, un dos hoiz fun Yehudah vel ich oisraisn fun tsvishn zei. 15 un es vet zain, nochdem vi ich rais zei ois vel ich zei vider derbaremen, un vel zei umkeren itlechn tsu zain nachle, un itlechn tsu zain land. 16 un es vet zain, oib lernen veln zei lernen di vegen fun main folk, tsu shvern bai main nomen: azoi vi Hashem lebt! azoi vi zei hobn gelernt main folk tsu shvern bai Baal, azoi veln zei geboit vern tsvishn main folk. 17 oib ober zei veln nisht tsuhern, vel ich oisraisn yene ume, oisraisn un unterbrengen, zogt Hashem.