1 un Shefatyah der zun fun Mattanen, un Gedalyahu der zun fun Pashchurn, un Yuchal der zun fun Shelemyahuen, un Pashchur der zun fun Malkiyahn, hobn gehert di verter vos Yirmeyah hot geredt tsum gantsn folk, azoi tsu zogn: 2 azoi hot Hashem gezogt: der vos blaibt zitsn in der doziker shtot vet shtarbn fun der shverd, fun dem hunger, un fun der pest, un der vos geit arois tsu di Kasdim, vet blaibn lebn; zain nefesh vet im zain tsum gevins, un er vet blaibn lebn. 3 azoi hot Hashem gezogt: ibergegebn vet ibergegebn vern di dozike shtot in der hant fun dem cheil fun dem melech fun Bavel, un er vet zi batsvingen. 4 hobn di harn gezogt tsum melech: zol geteit vern, ich bet dich, der doziker man, vorem er shloft doch op di hent fun di hamilchomelait vos zainen ibergebliben in der doziker shtot, un di hent fun dem gantsn folk, az der redt tsu zei azoi vi di dozike reid; vorem der doziker man zucht nisht frid far dem dozikn folk nor bloiz a roe. 5 hot der melech Tsidkiyah gezogt: ot iz er in aier hant; vorem der melech ken mit aich gornisht oisfirn. 6 hobn zei genumen Yirmeyahun, un hobn im araingevorfn in der grub fun Malkiyah dem zun fun melech, vos in hoif fun der vach; un zei hobn aropgelozt Yirmeyahun mit shtrik. un in der grub iz kein vaser nisht geven, nor bloiz leim; un Yirmeyah iz araingezunken in dem leim.

7 hot gehert Eved-Melech der Kushi, a man a hoifdiner vos iz geven in hoiz fun melech, az me hot Yirmeyahun araingeton in der grub; un der melech iz gezesn in toier fun Binyamin. 8 iz Eved-Melech aroisgegangen fun melechs hoiz, un hot geredt tsum melech, azoi tsu zogn: 9 main har melech, shlecht bagangen hobn zich di dozike lait mit alts vos zei hobn geton tsu Yirmeyah hanovi, vos zei hobn im araingevorfn in grub; un er shtarbt oif zain ort far hunger; vorem nishto kein broit mer in shtot. 10 hot der melech bafoiln Eved-Melech dem Kushi, azoi tsu zogn: nem mit dir fun danen draisik man, un zolst aroifbrengen Yirmeyah henvin fun der grub eider er vet shtarbn. 11 hot Eved-Melech genumen di mentshn mit zich, un er iz gekumen in hoiz fun melech unter der shatskamer, un hot fun dortn genumen alte koders un alte shmates, un er hot zei aropgelozt tsu Yirmeyahun in grub mit shtrik. 12 un Eved-Melech der Kushi hot gezogt tsu Yirmeyahun: tu, ich bet dich, di alte kodres un di shmates unter daine orems unter di shtrik. un Yirmeyah hot azoi geton. 13 un zei hobn getsoign Yirmeyahun mit shtrik, un hobn im aroifgebracht fun der grub. un Yirmeyah iz gezesn in hoif fun der vach.

14 hot der melech Tsidkiyah geshikt un genumen Yirmeyah henvin tsu zich, tsum dritn aingang vos in hoiz fun Hashem; un der melech hot gezogt tsu Yirmeyahun: ich vel dich fregn a zach; zolst nisht farleikenen fun mir a vort. 15 hot Yirmeyah gezogt tsu Tsidkiyahun: az ich vel dir zogn vestu doch teitn mich teitn, un az ich vel dir gebn an etsh, vestu nisht tsuhern tsu mir. 16 hot der melech Tsidkiyah geshvorn Yirmeyahun in farborgenish, azoi tsu zogn: azoi vi es lebt Hashem vos hot undz bashafn di dozike zel, oib ich vel dich teitn, un oib ich vel dich ibergebn in der hant fun di dozike lait vos zuchn dain lebn!

17 hot Yirmeyah gezogt tsu Tsidkiyahun: azoi hot gezogt Hashem Elokei Tseva'ot, Elokei Yisroel: oib aroisgein vestu aroisgein tsu di harn fun dem melech fun Bavel, vet dain nefesh blaibn lebn, un di dozike shtot vet nisht farbrent vern in faier; i du vest blaibn lebn, i dain hoizgezint. 18 oib ober vest nisht aroisgein tsu di harn fun dem melech fun Bavel, vet di dozike shtot ibergegebn vern in der hant fun di Kasdim, un zei veln zi farbrenen in faier, un du vest nisht antrunen vern fun zeyer hant. 19 hot der melech Tsidkiyah gezogt tsu Yirmeyahun: ich hob moire far di Yidn vos zainen tsugefaln tsu di Kasdim, me zol mich nisht ibergebn in zeyer hant, un zei veln zich onton on mir. 20 hot Yirmeyah gezogt: me vet dich nisht ibergebn. her tsu, ich bet dich, tsu dem kol fun Hashem in vos ich red tsu dir, un es vet zain gut far dir, un dain nefesh vet blaibn lebn. 21 oib ober du vilst nisht aroisgein, iz dos dos vort vos Hashem hot mir gevizn: 22 ersht ale vaiber vos zainen geblibn in hoiz fun dem melech fun Yehudah, vern aroisgefirt tsu di harn fun dem melech fun Bavel, un zei zogn:

dich aingeredt un dich baigekumen

hobn di gute fraint daine;

aingezunken in a zump zainen daine fis –

zainen zei opgetretn ahinter.

23 un ale daine vaiber un daine kinder firt men arois tsu di Kasdim, un du vest nisht antrunen vern fun zeyer hant, naiert in der hant fun dem melech fun Bavel vestu gechapt vern, un vest machn farbrenen di dozike shtot in faier.

24 hot Tsidkiyah gezogt tsu Yirmeyahun: zol kein mentsh nisht visen fun di dozike verter, un vest nisht shtarbn. 25 un az di harn veln hern az ich hob geredt mit dir, un zei veln kumen tsu dir un zogn tsu dir: zog undz akorsht, vos hostu geredt tsum melech; zolst nisht farleikenen fun undz un mir veln dich nisht teitn; un vos hot geredt tsu dir der melech? 26 zolstu zogn tsu zei: ich hob gelozt faln main gebet faran melech, mich nisht umtsukeren in Yehonatans hoiz, tsu shtarbn dortn. 27 zainen gekumen ale harn tsu Yirmeyahun, un hobn im gefregt, un er hot zei gezogt azoi vi ale di dozike verter vos der melech hot bafoiln, un zei hobn im tsu ru gelozt, vorem dos gereid iz nisht gehert gevorn. 28 un Yirmeyah iz gezesn in hoif fun der vach biz dem tog vos Yerushalayim iz batsvungen gevorn. un er iz dort geven ven Yerushalayim iz batsvungen gevorn.