1 dos vort vos iz geven tsu Yirmeyahun oif dem gantsn folk fun Yehudah in firtn yor fun Yhoyakim dem zun fun Yoshiyahun, dem melech fun Yehudah – dos iz dos ershte yor fun Nevuchadretsar dem melech fun Bavel – 2 vos Yirmeyah hanovi hot geredt tsu dem gantsn folk fun Yehudah, un tsu ale bavoiner fun Yerushalayim, azoi tsu zogn: 3 fun draitsntn yor fun Yoshiyah dem zun fun Amonen, dem melech fun Yehudah, un biz oif haintikn tog, shoin drai un tsvantsik yor iz dos vort fun Hashem tsu mir, un ich hob geredt tsu aich, nochanand un nochanand geredt, un ir hot nisht tsugehert. 4 un Hashem hot tsu aich geshikt ale zaine knecht di neviim, nochanand un nochanand geshikt – ober ir hot nisht tsugehert un nisht tsugenaigt aier oier tsu hern – 5 azoi tsu zogn: kert aich um fort itlecher fun zain shlechtn veg, un fun aiere shlechte meisim, un blaibt zitsn oif der erd vos Hashem hot gegebn aich un aiere eltern fun eibik un biz eibik, 6 un ir zolt nisht gein noch fremde g‑ter zei tsu dinen, un zich tsu bukn tsu zei, un ir zolt mich nisht dertserenen mit dem verk fun aiere hent, un ich vel aich nisht beiz ton. 7 ober ir hot nisht tsugehert tsu mir, zogt Hashem, kedei mich tsu dertserenen mit dem verk fun aiere hent, tsu aier eigener roe.

8 derum hot Hashem Tseva'ot azoi gezogt: vail ir hot nisht tsugehert maine verter, 9 ot shik ich un vel nemen ale mishpoches fun tsofn, zogt Hashem, un tsu Nevuchadretsar dem melech fun Bavel, main knecht; un ich vel zei brengen oif dem dozikn land, un oif ire bavoiner, un oif ale di dozike felker rund arum, un ich vel zei farvistn, un vel zei machn far a shrek un far a shmutserung, un far eibike churves. 10 un ich vel fartiliken fun zei dem kol fun lustikeit un dem kol fun freid, dem kol fun a chosen un dem kol fun a kale, dos kol fun a hantmil, un dem licht fun a lomp. 11 un dos dozike gantse land vet vern a farvistung un a vistenish, un di dozike felker veln dinen dem melech fun Bavel zibetsik yor. 12 un es vet zain, az di zibetsik yor vern ful, vel ich zich rechenen mit dem melech fun Bavel, un mit yenem folk, zogt Hashem, far zeyer zind, un mit dem land fun di Kasdim; un ich vel es machn far eibike vistenishn. 13 un ich vel brengen oif yenem land ale maine verter vos ich hob geredt deroif, alts vos shteit geshribn in dem dozikn buch, vos Yirmeyah hot nevies gezogt oif ale felker. 14 vorem fil felker un groise mlochim veln oich zei farknechtn; un ich vel zei batsoln loit zeyer tuung un loit dem verk fun zeyere hent.

15 vorem azoi hot gezogt Hashem Elokei Yisroel tsu mir: nem dem dozikn kos mit vain fun grimtsorn, fun main hant, un zolst im gebn trinken ale felker vos ich shik dich tsu zei. 16 un zei veln trinken, un zich vaklen, un meshuge vern, fun vegen der shverd vos ich shik tsvishn zei.

17 un ich hob genumen dem kos fun G-ts hant, un hob gegebn trinken ale felker vos Hashem hot mich tsu zei geshikt: 18 Yerushalayim, un di shtet fun Yehudah, un ire mlochim, ire harn, kedei zei tsu machn far a farvistung, far a shrek, far a shmutserung, un far a klole, azoi vi haintikn tog; 19 Pharaoh dem melech fun Mitsrayim, un zaine knecht, un zaine harn, un zain gantsn folk; 20 un ale gemishte felker, un ale mlochim fun land Uts, un ale mlochim fun land Pelishtim, un Ashkelon, un Azah, un Ekron, un dem iberblaib fun Ashdod; 21 Edom, un Moav, un di kinder fun Amon; 22 un ale mlochim fun Tsor, un ale mlochim fun Tsidon, un di mlochim fun dem indzel vos oif yener zait fun dem yam; 23 Dedan, un Tema, un Buz, un ale mit opgehakte peyes; 24 un ale Arabish mlochim, un ale mlochim fun di gemishte felker, vos voinen in midber; 25 un ale mlochim fun Zimri, un ale mlochim fun Eilam, un ale mlochim fun Madai; 26 un ale mlochim fun tsofn, di nonte un di vaite, einem nochn andern, un ale kinigraichn fun der velt vos oifn gezicht fun der erd. un der melech fun Sheshach zol trinken noch zei.

27 un zolst zogn tsu zei: azoi hot gezogt Hashem Tseva'ot, Elokei Yisroel: trinkt un vert shikur, un brecht, un falt un shteit nisht oif, fun vegen der shverd vos ich shik tsvishn aich.

28 un es vet zain, az zei veln nisht veln nemen dem kos fun dain hant, tsu trinken, zolstu zogn tsu zei: azoi hot gezogt Hashem Tseva'ot: trinken muzt ir trinken! 29 vorem zet, mit der shtot vos main nomen vert gerufn oif ir, heib ich on beiz tsu ton, un ir zolt shoinen farshoint vern? ir vet nisht farshoint vern, vorem ich ruf a shverd oif ale bavoiner fun der erd, zogt Hashem Tseva'ot.

30 un du zolst nevies zogn oif zei ale di dozike verter, un zogn tsu zei:

Hashem brilt fun der heich,

un fun zain heiliker voinung lozt er arois zain kol:

briln brilt er iber zain fiterplats,

heidad! vi vaintreter shrait er

oif ale bavoiner fun der erd.

31 der liarem greicht biz ek erd,

vorem Hashem hot a krig mit di felker,

er mishpot zich mit ale laiber;

di reshoim, zei git er iber tsum shverd,

zogt Hashem.

32 azoi hot gezogt Hashem Tseva'ot:

ze, an umglik geit arois fun folk tsu folk,

un a groiser shturem vet zich dervekn

in di ekn fun der erd.

33 un di dershlogene fun Hashem veln zain in yenem tog fun ek erd biz ek erd; zei veln nisht baklogt, un nisht aingezamlt un nisht bagrobn vern; tsu mist oifn gezicht fun der erd veln zei zain.

34 iomert, ir pastucher, un shrait,

un kaiklt aich in shtoib, ir harn fun di shof,

vorem aiere teg zainen ful tsum shechtn

un aiere goles;

un ich vel aich tsebrechn,

un ir vet faln vi a keile a taiere.

35 un kein antloifung vet nisht zain far di pastucher,

un kein antrinung far di harn fun di shof.

36 a kol fun geshrei fun di pastucher,

un a yelole fun di harn fun di shof!

vorem Hashem farvist zeyer fiterung.

37 un farshnitn veln vern di fridleche fiter peletser,

fun vegen dem grimtsorn fun Hashem.

38 er hot farlozen vi a yungleib zain baheltenish;

zeyer land iz gevorfn tsu vist fun vegen dem geirem fun der fartilikerin,

un fun vegen dem geirem fun zain tsorn.