1 azoi hot Hashem gezogt: nider arop tsum hoiz fun dem melech fun Yehudah, un zolst redn dortn dos dozike vort, 2 un zogn: her dos vort fun Hashem, du melech fun Yehudah vos zitsst oifn tron fun Dovid, du, un daine knecht, un dain folk, vos kumen in di dozike toiern. 3 azoi hot Hashem gezogt: tut recht un gerechtikeit, un zait matsl dem bagzltn fun dem drikers hant; un a fremdn, a yosem, un an almone, zolt ir nisht krivden, nisht baroibn, un umshuldik blut zolt ir nisht fargisen in dem dozikn ort. 4 vorem oib ton vet ir ton di dozike zach, veln kumen in di toiern fun dem dozikn hoiz mlochim vos zitsn oifn tron fun Dovid, vos raitn oif raitvegn un oif ferd, er, un zaine knecht, un zain folk. 5 oib ober ir et nisht tsuhern di dozike verter, shver ich bai mir, zogt Hashem, az tsu vist vet vern dos dozike hoiz. 6 vorem azoi hot Hashem gezogt oif dem hoiz fun dem melech fun Yehudah:

Gilad bistu mir geven,

der shpits fun Levanon;

oib ich vel dich nisht machn far a midber,

far shtet nisht bavointe!

7 un ich vel onbreitn oif dir tseshterer,

itlechn mit zain getsaig,

un zei veln ophakn daine geklibene tsedern,

un arainvarfen in faier.

8 un fil felker veln farbaigein farbai der doziker shtot, un zei veln zogn einer tsum andern: far vos hot Hashem azoi geton tsu der doziker groiser shtot? 9 un me vet zogn: far vos zei hobn farlozen dem bris fun Hashem zeyer G-t, un hobn zich gebukt tsu fremde g‑ter, un zei gedint.

10 ir zol nisht veinen oifn toitn,

un ir badoyern oif im;

veinen veint oif dem vos geit avek,

vorem er vet zich mer nisht umkeren

un zen dos land fun zain geburt.

11 vorem azoi hot Hashem gezogt oif Shallum dem zun fun Yoshiyah dem melech fun Yehudah, vos hot gekinigt oif dem ort fun zain foter Yoshiyahun, un vos iz avekgegangen fun dem dozikn ort: er vet zich mer nisht umkeren ahin. 12 naiert in dem ort vuhin me hot im fartriben, dortn vet er shtarbn, un dos dozike land vet er mer nisht onzen.

13 vei, der vos boit zain hoiz mit umerlechkeit,

un zaine eibershtubn mit umrecht;

vos arbet mit zain chever umzist,

un git im nisht zain loin;

14 vos zogt: ich vel mir oifboien a grois hoiz,

un eibershtubn gerame;

un er shnaidt zich ois fentster;

un er badekt es mit tseder,

un bashmirt es mit farb!

15 vilstu kinign, vail du machst zich grois mit tsederholts?

dain foter, far vor, hot gegesn un getrunken,

ober er hot geton recht un gerechtikeit,

derum iz im gut geven.

16 er hot gemishpet dem mishpot fun oreman un evyon,

derum iz geven gut.

far vor, dos iz derkenen mich,

zogt Hashem.

17 ober daine oign un dain harts zainen nisht mer

vi nor oif dain gevin,

un oif umshuldik blut tsu fargisen,

un oif roib un oif drikung tsu bagein.

18 derum hot Hashem azoi gezogt oif Yhoyakim dem zun fun Yoshiyahun dem melech fun Yehudah:

me vet nisht klogn oif im:

vei main bruder! un: vei shvester!

me vet nisht klogn oif im:

vei har! un: vei zain glants!

19 di bagrebenish fun an eizl vet er bagrobn vern,

geshlept un avekgevorfen, avek fun di toiern fun Yerushalayim.

20 gei aroif tsum Levanon un shrai,

un in Bashan loz arois dain kol,

un shrai fun Avarim,

vorem tsebrochn zainen ale daine libhober.

21 ich hob geredt tsu dir in dain shalve,

hostu gezogt: ich vel nisht hern;

dos iz dain veg fun dain yugnt on,

az du herst nisht tsu main kol.

22 der vint vet pastuchen ale daine pastucher,

un daine libhober veln in gefangenshaft gein;

ersht dentsmol vestu zich shemen un tsu shand vern

fun vegen al dain shlechtikeit.

23 vos zitsst in Levanon,

un nestest in di tsedern,

vi vestu krechtsn ven es veln dir kumen veyen,

shmertsn vi a gevinerin!

24 azoi vi ich leb, zogt Hashem, ven Konyahu der zun fun Yhoyakimen, der melech fun Yehudah, zol zain der ziglring oif main rechter hant, vel ich dich fun dortn aropraisn! 25 un ich vel dich gebn in der hant fun di vos zuchn dain lebn, un in der hant fun di vos du shrekst zich far zei, un in der hant fun Nevuchadretsar dem melech fun Bavel, un in er hant fun di Kasdim. 26 un ich vel farvorfen dich, un dain muter vos hot dich geborn, in an ander land, vos ir zait dortn nisht geborn gevorn; un dortn vet ir shtarbn. 27 un in dem land vos zeyer harts tsit zei zich umtsukeren ahin, ahin veln zei zich nisht umkeren.

28 iz a faracht gefes a tsebrochn

der doziker man Konyahu?

iz er a keile a nishtvertike?

far vos zainen zei farvorfen gevorn, er un zain zomen,

un farshlaidert in dem land vos zei kenen nisht?

29 oi land, land, land,

her dos vort fun Hashem!

30 azoi hot Hashem gezogt:

farshraibt dem dozikn mentshn on kinder,

a man vos baglikt nisht in zaine teg,

vorem keiner fun zain zomen vet nisht baglikn,

tsu zitsn oifn tron fun Dovid,

un vaiter geveltikn oif Yehudah.