1 un es iz geven in firtn yor fun Yhoyakim dem zun fun Yoshiyahun, dem melech fun Yehudah, iz geven dos dozike vort tsu Yirmeyahun fun Hashem, azoi tsu zogn: 2 nem dir a megile, un zolst onshraibn oif ir ale verter vos ich hob geredt tsu dir oif Yisroel, un oif Yehudah, un oif ale felker, fun dem tog vos ich red tsu dir, fun di teg fun Yoshiyahun un biz oif haintikn tog. 3 efsher vet dos hoiz fun Yehudah hern dos gantse beiz vos ich tracht zei tsu ton; kedei zei zoln zich umkeren itlecher fun zain shlechtn veg, un ich zol fargebn zeyer farbrech un zeyer zind.

4 hot Yirmeyah gerufn Baruch dem zun fun Neriyahn, un Baruch hot oifgeshribn fun Yirmeyahs moil ale verter fun Hashem, vos er hot tsu im geredt, oif a megile. 5 un Yirmeyah hot bafoiln Baruchn, azoi tsu zogn: ich bin farhaltn, ich ken nisht kumen in hoiz fun Hashem; 6 derum zolst du gein, un leyenen fun der megile vos du host oifgeshribn fun main moil, di verter fun Hashem, in di oiern fun folk, in hoiz fun Hashem in a fasttog; un oich in di oiern fun gants Yehudah vos kumen fun zeyere shtet, zolstu zei leyenen. 7 efsher vet faln zeyer gebet far Hashem, un zei veln zich umkeren itlecher fun zain shlechtn veg; vorem grois iz der kaas un der grimtsorn vos Hashem hot geredt oif dem dozikn folk.

8 hot Baruch der zun fun Neriyahn geton azoi vi alts vos Yirmeyah hanovi hot im bafoiln – tsu leyenen fun dem buch di verter fun Hashem in Hashems hoiz.

9 un es iz geven in finftn yor fun Yhoyakim dem zun fun Yoshiyahun dem melech fun Yehudah, in naintn choidesh, hobn oisgerufn a taanis far Hashem dos gantse folk in Yerushalayim, un dos gantse folk vos iz gekumen fun di shtet fun Yehudah in Yerushalayim. 10 un Baruch hot geleyent fun dem buch di verter fun Yirmeyahun in hoiz fun Hashem, in der kamer fun Gemaryah dem zun fun Shafan dem shraiber, in dem oibershtn hoif, in aingang fun dem naiem toier fun Hashems hoiz, in di oiern fun gantsn folk.

11 hot Michayah der zun fun Gemaryah dem zun fun Shafanen gehert fun buch ale verter fun Hashem, 12 un er hot aropgenidert tsum hoiz fun melech, in dem shraibers kamer; ersht dortn zitsn ale harn, Elishama der shraiber, un Delayahu der zun fun Shemayahuen, un Elnatan der zun fun Achborn, un Gemaryah der zun fun Shafanen, un Tsidkiyah der zun fun Chananyahuen, un ale harn. 13 hot zei Michayah dertseilt ale verter vos er hot gehert, ven Baruch hot geleyent fun buch in di oier fun folk. 14 un ale harn hot geshikt tsu Baruchn Yehudi dem zun fun Netanyah dem zun fun Shelemyah dem zun fun Kushien, azoi tsu zogn: di megile vos du host fun ir geleyent in di oiern fun folk, nem zi in dain hant, un kum aher. hot Baruch der zun fun Neriyahun genumen di megile in zain hant, un iz gekumen tsu zei. 15 hobn zei gezogt tsu im: zets akorsht, un leyen zi in undzere oiern; un Baruch hot geleyent in zeyere oiern. 16 un es iz geven, vi zei hobn gehert ale verter, azoi hobn zei einer dem andern ongekukt in angst, un zei hobn gezogt tsu Baruchn: dertseilt muzn mir dertseiln dem melech ale di dozike verter. 17 un Baruchn hobn zei gefregt, azoi tsu zogn: zog undz akorsht, vi azoi hostu oifgeshribn di ale verter fun zain moil? 18 hot Baruch tsu zei gezogt: er flegt oisrufn tsu mir mit zain moil ale di dozike verter, un ich fleg oifshraibn oifn buch mit tint. 19 hobn di harn gezogt tsu Baruchn: gei bahalt zich, du, un Yirmeyah, un keiner zol nisht visen vu ir zait.

20 un zei zainen gegangen tsum melech in hoif; un di megile hobn zei avekgeleigt in der kamer fun Elishama dem shraiber; un zei hobn dertseilt in di oiern fun melech ale verter. 21 hot der melech geshikt Yehudin tsu brengen di megile, un er hot zi gebracht fun der kamer fun Elishama dem shraiber; un Yehudi hot zi geleyent in di oiern fun melech, un in di oiern fun di harn vos zainen geshtanen lebn melech. 22 un der melech iz gezesn in dem vinterhoiz – dos iz geven in naintn choidesh – un der faiertop iz geven ongetsundn far im. 23 iz vi Yehudi hot opgeleyent drai amudim oder fir, azoi hot er es opgeshnitn mitn shraibermeser, un aroifgevorfn oifn faier vos in faiertop, biz di gantse megile iz farlendt gevorn oif dem faier vos in faiertop. 24 un zei hobn zich nisht dershrokn, un nisht tserisn zeyere kleider, der melech un ale zaine knecht vos hobn gehert ale di dozike verter. 25 un hagam Elnatan un Delayahu un Gemaryah hobn zich gebetn baim melech nisht tsu farbrenen di megile, hot er doch nisht tsugehert tsu zei. 26 un der melech hot bafoiln Yerachmeel dem zun fun melech, un Serayah dem zun fun Azrieln, un Shelemyah dem zun fun Avdeeln, tsu brengen Baruch dem shraiber un Yirmeyah hanovi, ober Hashem hot zei bahaltn.

27 un dos vort fun Hashem iz geven tsu Yirmeyahun, nochdem vi der melech hot farbrent di megile mit di verter vos Baruch hot oifgeshribn fun Yirmeyahs moil – azoi tsu zogn: 28 nem dir vider an ander megile, un shraib on oif ir ale frierdike verter vos zainen geven oif der ershter megile, vos Yhoyakim der melech fun Yehudah hot farbrent. 29 un oif Yhoyakim dem melech fun Yehudah zolstu zogn: azoi hot Hashem gezogt: du host farbrent di dozike megile, azoi tsu zogn: lemai hostu geshribn oif ir, azoi tsu zogn: kumen vet kumen der melech fun Bavel, un er vet tseshtern dos dozike land, un vet fartiliken fun ir mentshn un beheimes? 30 derum hot Hashem azoi gezogt oif Yhoyakim dem melech fun Yehudah: keiner fun im vet nisht zitsn oifn tron fun Dovid, un zain toiter laib vet zich valgern oif der hits bai tog, un oif der kelt bai nacht. 31 un ich vel zich oprechenen mit im, un mit zain zomen, un mit zaine knecht, far zeyere zind, un ich vel brengen oif zei, un oif di bavoiner fun Yerushalayim, un oif di mener fun Yehudah, dos gantse beiz vos ich hob ongezogt oif zei, un zei hobn nisht tsugehert.

32 un Yirmeyah hot genumen an ander megile, un hot zi gegebn tsu Baruch dem zun fun Neriyahun, dem shraiber un er hot oifgeshribn oif ir fun Yirmeyahs moil ale verter fun dem buch vos Yhoyakim der melech fun Yehudah hot farbrent in faier; un tsu zei zainen tsugeleigt gevorn noch fil verter azoi vi zei.