1 in onheib fun der meluche fun Yhoyakim dem zun fun Yoshiyahun, dem melech fun Yehudah, iz geven dos dozike vort fun Hashem, azoi tsu zogn: 2 azoi hot Hashem gezogt: shtel zich in hoif fun Hashems hoiz, un zolst redn tsu ale shtet fun Yehudah vos kumen zich bukn in hoiz fun Hashem, ale verter vos ich hob dir bafoiln tsu redn tsu zei; zolst nisht minern a vort. 3 efsher veln zei hern, un zei veln zich umkeren itlecher fun zei shlechtn veg, un ich vel charote hobn oif dem beiz vos ich tracht zei tsu ton, fun vegen zeyere shlechte meisim. 4 un zolst zogn tsu zei: azoi hot Hashem gezogt: oib ir vet nisht tsuhern tsu mir, tsu gein in main toyre vos ich hob geleigt far aich, 5 tsutsuhern tsu di verter fun maine knecht di neviim, vos ich shik tsu aich, un shik nochanand un nochanand, un ir hot nisht tsugehert, 6 vel ich machn dos dozike hoiz azoi vi Shiloh, un di dozike shtot vel ich machn far a klole bai ale felker fun der erd.

7 un di koyanim un di neviim un dos gantse folk hobn gehert Yirmeyahun redn di dozike verter in hoiz fun Hashem. 8 un es iz geven, vi Yirmeyah hot geendikt redn alts vos Hashem hot im bafoiln tsu redn tsum gantsn folk, azoi hobn di koyanim un di neviim un dos gantse folk im ongechapt, azoi tsu zogn: shtarbn muztu shtarbn! 9 lemai hostu nevies gezogt in nomen fun Hashem, azoi tsu zogn: azoi vi Shiloh vet vern dos dozike hoiz, un di dozike shtot vet zain vist on a bavoiner? un dos gantse folk hot zich aingezamlt kegen Yirmeyahun in hoiz fun Hashem.

10 un di harn fun Yehudah hobn gehert di dozike verter, un zei zainen aroifgekumen fun dem melechs hoiz in hoiz fun Hashem, un hobn zich gezetst in aingang fun dem naiem toier fun Hashem. 11 un di koyanim un di neviim hobn gezogt tsu di harn un tsum gantsn folk, azoi tsu zogn: toitshtrof kumt dem dozikn man, vail er hot nevies gezogt oif der doziker shtot, azoi vi ir hot gehert mit aiere oiern.

12 hot Yirmeyah gezogt tsu ale harn un tsum gantsn folk, azoi tsu zogn: Hashem hot mich geshikt nevies tsu zogn oif dem dozikn hoiz un oif der doziker shtot ale verter vos ir hot gehert. 13 un atsund besert aiere vegen un aiere meisim, un hert tsu dem kol fun Hashem Elokeichem, un Hashem vet charote hobn oif dem beiz vos er hot ongezogt oif aich. 14 un ich, ot bin ich in aiere hent, tut mit mir azoi vi es iz voil un vi es iz rechtfartik in aiere oign. 15 ober visen zolt ir visen zain, az oib ir teit mich, brengt ir umshuldik blut oif aich, un oif der doziker shtot, un oif ire bavoiner, vorem Hashem hot mich be'emes geshikt tsu aich, tsu redn in aiere oiern ale di dozike verter.

16 hobn di harn un dos gantse folk gezogt tsu di koyanim un tsu di neviim: dem dozikn man kumt nisht toitshtrof, vorem in nomen fun Hashem Elokeinu hot er geredt tsu undz. 17 un mener fun di eltste fun land zainen oifgeshtanen, un hobn gezogt tsu der gantser ainzamlung fun folk, azoi tsu zogn: 18 Michah fun Moreshet flegt nevies zogn in di teg fun Chizkiyah dem melech fun Yehudah, un hot gezogt tsum gantsn folk fun Yehudah azoi tsu zogn:

azoi hot gezogt Hashem Tseva'ot:

Tsiyon vet vi a feld tseakert vern,

un Yerushalayim vet hoifns vern,

un der barg fun Hashems hoiz tsu valdike heichn.

19 hobn im den teitn geteit Chizkiyah der melech fun Yehudah un gants Yehudah? far vor, er hot moire gehat far Hashem, un er hot gebetn bai Hashem, un G-t hot charote gehat oif dem beiz vos er hot ongezogt oif zei; un mir tuen zich alein a grois beiz.

20 un noch a man flegt nevies zogn in nomen fun Hashem, Uriyah der zun fun Shemayahuen, fun Kiryat-Yearim; un er hot nevies gezogt oif der doziker shtot un oif dem dozikn land, azoi vi ale verter fun Yirmeyah. 21 un der melech Yhoyakim, un ale zaine giborim, un ale harn, hobn gehert zaine verter, un der melech hot im gezucht tsu teitn; ober Uriyah hot gehert derfun, un er hot moire gekrign, un iz antlofn un gekumen kein Mitsrayim. 22 hot der melech Yhoyakim geshikt mentshn kein Mitsrayim, Elnatan dem zun fun Achborn, un noch mentshn mit im, kein Mitsrayim. 23 un zei hobn aroisgetsoign Uriyahun fun Mitsrayim, un hobn im gebracht tsum melech Yhoyakim, un er hot im dershlogn mitn shverd, un avekgevorfen zain toit laib tsvishn di kvorim fun di kinder fun folk.

24 ober di hant fun Achikam dem zun fun Shafanen iz geven mit Yirmeyahun, az me zol im nisht gebn in der hant fun folk im tsu teitn.