1 in naintn yor fun Tsidkiyah dem melech fun Yehudah, in tsentn choidesh, iz gekumen Nevuchadretsar der melech fun Bavel un zain gantser cheil oif Yerushalayim, un zei hobn gelegert oif ir; 2 in elftn yor fun Tsidkiyahun, in firtn choidesh, in naintn tog fun choidesh, iz aingebrochn gevorn di shtot. – 3 zainen gekumen ale harn fun dem melech fun Bavel, un hobn zich gezetst in mitlstn toier: Nergal Sar-Etser, Samgar-Nevo, Sar-Sechim rab-saris, Nergal Sar-Etser, Rav-Mag, un ale iberike harn fun dem melech fun Bavel. 4 un es iz geven, vi Tsidkiyah der melech fun Yehudah un ale milchome-lait hobn zei derzen, azoi zainen zei antlofn, un zainen aroisgegangen bai nacht fun shtot durch dem melechs gortn, durch es, toier tsvishn di tsvei moiern; un er iz aroisgegangen oifn veg fun ploin. 5 hot der cheil fun di Kasdim zei nochgeyogt, un zei hobn ongeyogt Tsidkiyahun in di ploinen fun Yericho; un zei hobn im genumen un im aroifgebracht tsu Nevuchadretsar dem melech fun Bavel kein Rivlah in land Chammat, un er hot aroisgezogt a mishpot oif im. 6 un der melech fun Bavel hot geshochtn di zin fun Tsidkiyahun in Rivlah far zaine oign; oich ale adllait fun Yehudah hot der melech fun Bavel geshochtn. 7 un di oign fun Tsidkiyahun hot er blind gemacht, un er hot im geshmidt in kuperne keitn, im tsu brengen kein Bavel. 8 un dos hoiz fun dem melech, un dos hoiz fun folk, hobn di Kasdim farbrent in faier, un di moiern fun Yerushalayim hobn zei aingevorfn. 9 un dem resht fun folk vos zainen geblibn in der shtot, un di tsugefalene vos zainen tsugefaln tsu im, un dem resht fun folk vos zainen geblibn, hot Nevuzaradan der hoipt fun dem laib-cheil fartriben kein Bavel. 10 ober fun dem orimen folk vos hobn gornisht gehat, hot Nevuzaradan der hoipt fun dem laib-cheil ibergelozt in land Yehudah, un er hot zei gegebn vaingertner un felder in yenem tog.

11 un Nevuchadretsar der melech fun Bavel hot bafoiln durch Nevuzaradan dem hoipt fun dem laib-cheil vegen Yirmeyahun, azoi tsu zogn: 12 nem im, un tu daine oign oif im, un zolst im nisht ton kein shum beiz; naiert azoi vi er vet dir zogn, azoi tu mit im. 13 hot geshikt Nevuzaradan der hoipt fun dem laib-cheil, un Nevushazban rab-saris, un Nergal-saretser Rav-Mag, un ale groise lait fun dem melech fun Bavel – 14 hobn zei geshikt, un hobn aroisgenumen Yirmeyahun fun hoif fun der vach, un hobn im ibergegebn tsu Gedalyahu dem zun fun Achikam dem zun fun Shafanen, im aroistsunemen aheim. un er iz gezesn tsvishn folk.

15 un dos vort fun Hashem iz geven tsu Yirmeyahun, ven er iz geven aingeshpart in hoif fun der vach, azoi tsu zogn: 16 gei, un zolst zogn tsu Eved-Melech dem Kushi, azoi tsu zogn: azoi hot gezogt Hashem Tseva'ot, Elokei Yisroel: ze, ich breng maine verter oif der doziker shtot tsum beizn, un nisht tsum gutn; un zei veln geshen far dir in yenem tog. 17 ober ich vel dich matsl zain in yenem tog, zogt Hashem, un vest nisht ibergegebn vern in der hant fun di mentshn vos du shrekst zich far zei. 18 vorem antrinen vel ich dich machn antrinen, un durchn shverd vestu nisht faln, un dain nefesh vet dir zain tsum gevins, vail du host zich farzichert oif mir, zogt Hashem.