1 dos vort vos iz geven tsu Yirmeyahun fun Hashem in di teg fun Yhoyakim dem zun fun Yoshiyahun, dem melech fun Yehudah, azoi tsu zogn: 2 gei tsu dem hoiz fun di Rechavim, un zolst redn tsu zei, un zei brengen in hoiz fun Hashem, in einer fun di kamern, un zei gebn trinken vain. 3 hob ich genumen Yaazanyah dem zun fun Yirmeyah dem zun fun Chabatsinyahn, un zaine brider, un ale zaine zin, un dos gantse hoiz fun di Rechavim. 4 un ich hob zei gebracht in hoiz fun Hashem, in der kamer fun di zin fun Chanan dem zun fun Yigdalyahu dem man fun G-t, vos lebn der kamer fun di harn, vos iber der kamer fun Maaseiyah dem zun fun Shallum dem shvelhiter. 5 un ich hob derlangt far di kinder fun dem hoiz fun di Rechavim kriglech ful mit vain un bechers, un ich hob tsu zei gezogt: trinkt vain. 6 hobn zei gezogt: mir trinken nisht kein vain, vorem Yehonadav der zun fun Rechavn, undzer foter, hot undz bafoiln, azoi tsu zogn: ir zolt nisht trinken kein vain, ir, un aiere kinder biz eibik; 7 un kein hoiz zolt ir nisht boien, un kein zomen zolt ir nisht zeyen, un kein vaingorten zolt ir nisht flantsn, un nisht hobn; naiert in getseltn zolt ir zitsn ale aiere teg, kedei ir zolt lebn fil teg oifn gezicht fun der erd vos ir voint dortn. 8 un mir hobn tsugehert tsu dem kol fun Yehonadav dem zun fun Rechavn, undzer foter, in alts vos er hot undz bafoiln, nisht tsu trinken kein vain ale undzere teg, mir, undzere vaiber, undzere zin, un undzere techter; 9 un nisht tsu boien kein haizer far undz tsum voinen, un kein vaingorten, un kein feld, un kein zomen, zol bai undz nisht zain. 10 un mir zainen gezesn in getseltn, un mir hobn gehorcht un geton azoi vi alts vos undzer foter Yehonadav hot undz bafoiln. 11 un es iz geven, az Nevuchadretsar der melech fun Bavel iz aroifgekumen oifn land, hobn mir gezogt: kumt, un lomir araingein in Yerushalayim fun vegen dem cheil fun di Kasdim, un fun vegen dem cheil fun Aram; un mir hobn zich bazetst in Yerushalayim.

12 iz dos vort fun Hashem geven tsu Yirmeyahun, azoi tsu zogn: 13 azoi hot gezogt Hashem Tseva'ot, Elokei Yisroel: gei, un zolst zogn tsu di mener fun Yehudah, un tsu di bavoiner fun Yerushalayim: vilt ir nisht a musar aropnemen tsutsuhern tsu maine verter? zogt Hashem. 14 gehaltn vern di verter fun Yehonadav dem zun fun Rechavn, vos hot bafoiln zaine kinder nisht tsu trinken kein vain, un zei trinken nisht biz oif haintikn tog, vail zei gehorchn dem bafel fun zeyer foter, un ich hob geredt tsu aich, nochanand un nochanand geredt, un ir hot nisht tsugehert tsu mir. 15 un ich hob geshikt tsu aich ale maine knecht di neviim, nochanand un nochanand geshikt, azoi tsu zogn: kert aich um itlecher fun zain shlechtn veg, un besert aiere meisim, un ir zolt nisht gein noch fremde g‑ter zei tsu dinen, un blaibt zitsn oif der erd vos ich hob gegebn aich un aiere eltern; ober ir hot nisht tsugenaigt aier oier, un nisht tsugehert tsu mir. 16 iz, vail di kinder fun Yehonadav dem zun fun Rechavn hobn mekayem geven dem bafel fun zeyer foter, vos er hot zei bafoiln, un dos dozike folk hot nisht tsugehert tsu mir, 17 derum hot azoi gezogt Hashem Elokei Tseva'ot, Elokei Yisroel: ze, ich breng oif Yehudah un oif ale bavoiner fun Yerushalayim dos gantse beiz vos ich hob ongezogt oif zei; vail ich hob geredt tsu zei, un zei hobn nisht tsugehert, un ich hob gerufn tsu zei un zei hobn zich nisht opgerufn.

18 un tsu dem hoiz fun di Rechavim hot Yirmeyah gezogt: azoi hot gezogt Hashem Tseva'ot, Elokei Yisroel: vail ir hot tsugehert tsu dem bafel fun Yehonadav aier foter, un ir hot opgehit ale zaine bafeln, un ir hot geton azoi vi alts vos er hot aich bafoiln, 19 derum hot azoi gezogt Hashem Tseva'ot, Elokei Yisroel: es vet nisht farshnitn vern fun Yehonadav dem zun fun Rechavn a man tsu shtein far mir ale teg.