1 ଏନ୍ ହୁଲାଙ୍ଗ୍‌ରେ ଆମ୍‌ କାଜିୟାମ୍‌,

"ହେ ପ୍ରାଭୁ, ଆଇଙ୍ଗ୍‌ ଆମାଃ ସାହାରାଅ ରିକାୟାଇଙ୍ଗ୍‌,

ଆମାଃ ଖିସ୍‌ ଆଇଁୟାଃ ଚେତାନ୍‌ରେ ତାଇନ୍‌କେନା,

ମେନ୍‌ଦ ନାହାଁଃ ଆମାଃ ଖିସ୍‌ ହବାକାନା

ଓଡ଼ୋଃ ଆମ୍‌ ଆଇଙ୍ଗ୍‌କେ ଜୀଉରାଡ଼େଃ ଏମାକାଦିୟାଁମ୍‌।"

2 ନେଲେମେ, ପାର୍‌ମେଶ୍ୱାର୍‌ ଆଇଁୟାଃ ଜୀଉ ବାଞ୍ଚାଅ ଏମଃନିଃ ତାନିଃ,

ଆଇଙ୍ଗ୍‌ ଇନିଃତାଃରେ ବିଶ୍ୱାସ୍‌କାଦାଇଙ୍ଗ୍‌ ଓଡ଼ୋଃ କାଇଙ୍ଗ୍‌ ବରଏୟା।

ଚିୟାଃଚି ପ୍ରାଭୁ ଆଇଁୟାଃ ପେଡ଼େଃ, ଦୁରାଙ୍ଗ୍‌,

ଓଡ଼ୋଃ ଆଇଁୟାଃ ଜୀଉବାଞ୍ଚାଅନିଃ ହବାକାନାଏ।

3 ଏନାତେ ଆପେ ରାସ୍‌କାତେ ଜୀଉବାଞ୍ଚାଅଃରାଃ କୁଆଁଏତେ

ଦାଆଃ ବୁରାଃ ଅଡଙ୍ଗ୍‌ୟେଁଆପେ।

4 ଏନ୍‌ ହୁଲାଙ୍ଗ୍‌ ଆମ୍‌ କାଜିୟାମ୍‌,

"ପ୍ରାଭୁଆଃ ସାହାରାଅ ରିକାଏପେ, ଇନିୟାଃ ନୁତୁମ୍‌ରେ ବିନ୍ତିପେ।

ସବେନ୍‌ ହଡ଼କକେ ଇନିୟାଃ କାମିକ ଉଦୁବାକପେ

ଓଡ଼ୋଃ ଇନିୟାଃ ନୁତୁମ୍‌ ପୁରାଃଗି ମାରାଙ୍ଗ୍‌ ମେନ୍ତେ ଉଦୁବେପେ।

5 ପ୍ରାଭୁଆଃ ନାଗେନ୍ତେ ଦୁରାଙ୍ଗ୍‌ୟେଁପେ,

ଚିୟାଃଚି ଇନିଃ ପୁରାଃ ଆକ୍‌ଦାନ୍ଦାଅ କାମିକ ରିକାକାଦା, ଏନା ସବେନ୍‌ ଅତେଦିଶୁମ୍‌ ସାରିକାଏ।

6 ହେ ସିୟୋନ୍‌ରେନ୍‌ ହଡ଼କ, ପୁରାଃଗି ରାସ୍‌କାତେ କାଉରିପେ।

ଚିୟାଃଚି ଇନିଃ ଆୟାଃ ହଡ଼କ ଥାଲାରେ ମେନାଇୟା, ଇନିଃ ଇସ୍ରାଏଲ୍‌ରେନ୍‌ ପାବିତାର୍‌ ହଡ଼ ତାନିଃ।"