ସିୟୋନ୍ରାଃ ନାୱା ନୁତୁମ୍
1 ଚିମିନ୍ ଜାକେଦ୍ ସିୟୋନ୍ରାଃ ଧାର୍ମାନ୍ ସେତାଃ ଦିପିଲି ରେୟା ମାସ୍କାଲ୍ ଲେକା
ଓଡ଼ୋଃ ଇନିୟାଃ ପାରିତ୍ରାଣ୍ ଜୁଲଃତାନ୍ ସେଙ୍ଗେଲ୍ ହୁକା ଲେକା କା ନେଲଃଆ,
ଏନ୍ ଦିପିଲି ଜାକେଦ୍ ଆଇଙ୍ଗ୍ ସିୟୋନ୍ ନାଗେନ୍ତେ ହାପାକେଦ୍ତେ କାଇଙ୍ଗ୍ ତାଇନା
ଓଡ଼ୋଃ ଯୀରୁଶାଲେମ୍ ନାଗେନ୍ତେ କାଇଙ୍ଗ୍ ରୁଡ଼ୁନା।
2 ଏଟାଃ ଦିଶୁମ୍ରେନ୍ କିଲିକ ଆମାଃ ଧାରାମ୍
ଓଡ଼ୋଃ ସବେନ୍ ରାଜାକ ଆମାଃ ମାନାରାଙ୍ଗ୍ ନେଲେୟା।
ଓଡ଼ୋଃ ଆପେ ପ୍ରାଭୁଆଃ ମଚା ହରାତେ ମିଆଦ୍ ନାୱା ନୁତୁମ୍ତେ ନୁତୁମଃଆ।
3 ଆଡଃଗି ଆପେ ପ୍ରାଭୁଆଃ ତିଃଇରେ ମିଆଦ୍ ସୁଗାଡ଼ାନ୍ ମୁକୁଟ୍ ଲେକା
ଓଡ଼ୋଃ ଆପେୟାଃ ପାର୍ମେଶ୍ୱାର୍ଆଃ ତିଃଇରେ ମିଆଦ୍ ଝାକ୍ମାକାଅଃତାନ୍ ମୁକୁଟ୍ ଲେକାପେ ହବାଅଃଆ।
4 ଆପେ ବାଗିକାନାପେ ମେନ୍ତେ କାପେ ନୁତୁମଃଆ
ଚାଏ ଆପେୟାଃ ଦିଶୁମ୍ ଟୁଆର୍କାନା ମେନ୍ତେ କା କାଜିୟଃଆ।
ମେନ୍ଦ ହିପ୍ସିବା62:4 ପ୍ରାଭୁ ସୁକୁକାନ୍ନିଃଆପେୟାଃ ଦିଶୁମ୍ ବିୟଲା62:4 ଆଣ୍ଦିକାନ୍ନିଃ ମେନ୍ତେ କାଜିୟଃଆ।
ଚିୟାଃଚି ପ୍ରାଭୁ ଆପେତାଃରେ ସୁକୁଇଚି କାନା
ଓଡ଼ୋଃ ଆପେୟା ଦିଶୁମ୍ ଆଣ୍ଦିୟାକାନ୍ ଲେକାନ୍ନିଃ ହୁଇନାଃ।
5 ଡିଣ୍ଡା କଡ଼ା ଚିଲ୍କା ଡିଣ୍ଡା କୁଡ଼ିକେ ଆଣ୍ଦିୟଃତାନା, ଏନ୍ଲେକା ଆମାଃ ହନ୍କ ଆମ୍କେ ଆଣ୍ଦିୟଃଆ।
ଓଡ଼ୋଃ ଦୁହ୍ଲାକଡ଼ା ଚିଲ୍କା ଆୟାଃ ଆଣ୍ଦି କୁଡ଼ିତାଃରେ ରାସ୍କା ରିକା,
ଏନ୍ଲେକା ଆପେୟାଃ ପାର୍ମେଶ୍ୱାର୍ ଆପେତାଃରେ ରାସ୍କା ରିକାୟା।
6 ପ୍ରାଭୁ କାଜିତାନା, ହେ ଯୀରୁଶାଲେମ୍, ଆମାଃ ପାଚ୍ରି ଚେତାନ୍ରେ ହରତାନ୍କକେ ସାଲାକାଦ୍କଆ,
ଇନ୍କୁ ନିଦାସିଙ୍ଗି ହାପାକେଦ୍ତେ କାକ ତାଇନାଃ।
7 ହେ ପ୍ରାଭୁକେ ପାହାମିତାନ୍କ, ଚିମିନ୍ ଦିପିଲି ଜାକେଦ୍ ଯୀରୁଶାଲେମ୍କେ ଠାହାରାଅ କେଦ୍ତେ
ଇନିୟାଃ ମାଇନ୍ ଅତେରେ କାମ୍ ପାସ୍ରାଅ କାଦା, ଏନ୍ ଦିପିଲି ଜାକେଦ୍ ଇନିଃକେ ହାପାକେଦ୍ତେ ଆଲପେ ତାଇନ୍ ଇଚି।
8 ପ୍ରାଭୁ ଆୟାଃ ଜମ୍ସାଃ ତିଃଇତେ ଓଡ଼ୋଃ ପେଡ଼େୟାନ୍ ସୁପୁତେ ବାନାର୍ସା ରିକାକାଦା,
ସାର୍ତିଗି ଆମାଃ ହିତା ଜ ଆମାଃ ବାଇରିକକେ ଜଜମ୍ ନାଗେନ୍ତେ କାଇଙ୍ଗ୍ ଏମ୍କଆ।
ଓଡ଼ୋଃ ଅକଆଃ ନାଗେନ୍ତେ ଆମ୍ କେଟେଦ୍ କାମିକାଦା,
ଏନ୍ ଆମାଃ ଦାଖ୍ରାସିକେ ଏଟାଃ ଦିଶୁମ୍ରେନ୍ ହଡ଼କ କାକ ନୁଁଇୟା।
9 ମେନ୍ଦ ଅକଏକ ଏନାକେ ହୁଣ୍ଡିକେଦ୍ତେ ଦହାକାଦା,
ଇନ୍କୁ ଏନା ଜମ୍କେଦ୍ତେ ପ୍ରାଭୁଆଃ ସାହାରାଅ ରିକାଏୟାକ।
ଅକନ୍କ ଏନା ହୁଣ୍ଡିକାଦାକ, ଇନ୍କୁ ପାବିତାର୍ ଠାୟାଦ୍ରେୟାଃ ରାଚା ଥାଲାରେ ଏନା ନୁଁଇୟାକ।
10 ଆପେ ଆୟାର୍ତେ ସେସେନ୍ପେ, ନାଗାର୍ରେୟାଃ ଥାଲା ଏତେଗି ସେସେନ୍ ଆୟାର୍ ରିକାଏପେ,
ହଡ଼କ ନାଗେନ୍ତେ ହରା ବାଇୟେପେ, ସାଲାଙ୍ଗି ରିକାଏପେ,
ମାରାଙ୍ଗ୍ ହରା ଚାକାର୍ ରିକାଏପେ, ଦିରିକ ମିଦ୍ତାଃରେ ହୁଣ୍ଡିପେ
ଓଡ଼ୋଃ ଏନ୍ ପୁରାଃ କିଲିକ ନାଗେନ୍ତେ ମିଆଦ୍ ଝାଣ୍ଡା ରିମେପେ।
11 ନେଲେପେ ପ୍ରାଭୁ ଅତେ ଦିଶୁମ୍ ରେୟା ଟୁଣ୍ଡୁ ଜାକେଦ୍ ନେଆଁ କାଜିୟାକାଦା,
"ଆମ୍ ସିୟୋନ୍ରେନ୍ କୁଡ଼ିକେ କାଜିମେ,
ନେଲେମେ, ଆମ୍କେ ପାରିତ୍ରାଣ୍ ଏମଃନିଃ ଆମାଃତାଃରେ ହିଜୁଃତାନାଏ,
ନେଲେମେ, ଇନିୟାଃ ନାଲାରେୟାଃ ଜ, ଆୟାଃତାଃରେ ମେନାଃ
ଓଡ଼ୋଃ ମାରାଙ୍ଗ୍ ନାଲା ହଁଗି ଆୟାଃ ଆୟାର୍ରେ ମେନାଃ।"
12 ଓଡ଼ୋଃ ଆପେ ପାର୍ମେଶ୍ୱାର୍ଆଃ ପାବିତାର୍ ହଡ଼,
ପ୍ରାଭୁଆଃ ରାଡ଼ାକାନ୍ ହଡ଼କ ମେନ୍ତେପେ କାଜିୟଃଆ।
ଓଡ଼ୋଃ ପାର୍ମେଶ୍ୱାର୍ ଦୁଲାଡ଼୍ତାନ୍ ସାହାର୍,
ଓଡ଼ୋଃ ବାଗିୟାକାନ୍ ନାଗାର୍ ମେନ୍ତେପେ କାଜିୟଃଆ।
/images/a/b7d72741-6189-4a89-94c2-43952d9f2700)
/images/a/6c03efee-c76a-4ab8-fe2e-555683f90900)