ଯିଶାୟ ଓଡ଼ୋଃ ଇନିୟାଃ ହନ୍କଆଃ ଚିହ୍ନା
1 ପ୍ରାଭୁ ଆଇଙ୍ଗ୍କେ କାଜିକେଦିୟାଁ, "ମିଆଦ୍ ମାରାଙ୍ଗ୍ ତାକ୍ତା8:1 ସିଲେଟ୍ ଲେକ୍ନାଃ ଇଦିକେଦ୍ତେ ଏନାରେ ମିଆଦ୍ କାଲାମ୍ତେ, ମାପ୍ରାଙ୍ଗ୍ ଆକ୍ଷାର୍ରେ ସବେନ୍କ ପାଢ଼ାଅ ଦାଡ଼ିଲେକା ଅଲେମେ, ମହେର୍-ଶାଲଲ୍ହାଶ୍-ବସ୍। ନେଆଁରାଃ ମୁଣ୍ଡି ହବାଅଃତାନା, ରେରେଃନିଃ ଜାଲ୍ଦି ହିଜୁଃତାନାଏ, ରେଜାକାନ୍ ଜିନିଷ୍ ଜାଲ୍ଦି ସେନଃତାନା।" 2 ଆଇଙ୍ଗ୍ ଉରିୟ ଯାଜାକ୍କେ ଓଡ଼ୋଃ ଯିବୋରିଖିୟରାଃ ହନ୍ତେକଡ଼ା ଯିଖରିୟକେ କେଡ଼ାକେଦ୍ତେ ଆଇଁୟାଃ ପାତିୟାର୍ରଃ ଲେକାନ୍ ଗାୱା ଦହକିୟାଇଙ୍ଗ୍।
3 ଏନ୍ତେ ଆଇଙ୍ଗ୍ କୁଡ଼ିନାବୀଲଃ ହଡ଼୍ମରାଃ ନାତା ଦହକେଦ୍ ହରାତେ ହାମ୍ବାଲ୍ ରୋୱାୟାନାଏ ଓଡ଼ୋଃ ମିଆଦ୍ କଡ଼ାହନ୍ ଜାନାମ୍କିୟାଏ। ଏନ୍ତେ ପ୍ରାଭୁ ଆଇଙ୍ଗ୍କେ କାଜିକେଦିୟାଁ, "ଇନିୟାଃ ନୁତୁମ୍ ମହେର୍-ଶାଲଲ୍ହାଶ୍-ବସ୍8:3 ରେରେଃନିଃ ହିଜୁଃତାନାଏ, ଜାଲ୍ଦିଗି ଇନିଃ ଏନା ରେଃକ୍ ଇଦିୟା ଦହଏମେ। 4 ଏନ୍ ସିଟିୟା ଆଇଁୟାଃ ଆପୁ ଓଡ଼ୋଃ ଏଙ୍ଗା ମେନ୍ତେ କାଜି ନାଙ୍ଗ୍ ସେଣାଁ ନାମେ ସିଦାରେ ଆସେରିୟାରେନ୍ ରାଜା ହିଜୁଃକେଦ୍ତେ ଦମାସ୍କସ୍ରାଃ ଖୁର୍ଜି ଓଡ଼ୋଃ ଶାମରିୟାରାଃ ଖୁର୍ଜି ରେଃକ୍କେଦ୍ତେ ଆୟାଃ ଦିଶୁମ୍ତେ ଇଦିୟା।"
ଆସେରିୟାରାଃ ଆକ୍ତେୟାର୍ ହିଜୁଃତାନା
5 ଏନ୍ତେ ପ୍ରାଭୁ ଆଡଃମିସା କାଜିକେଦିୟାଁ, 6 "ନେ ହଡ଼କ ଶିଲୋହରେ ମାଡ଼ିତେ ଲିଙ୍ଗିୟଃତାନ୍ ଦାଆଃକେ ବାଗିକେଦ୍ତେ, ରେଜିନ୍ ଓଡ଼ୋଃ ରେମାଲିୟରାଃ ହନ୍ତେକଡ଼ା ପେକ୍କାତାଃରେ ରାସ୍କାଅଃତାନାକ। 7 ଏନାତେ ନେଲେପେ, ପ୍ରାଭୁ ଇଉଫ୍ରେଟିସ୍ ଗାଡ଼ାରାଃ ପୁରାଃ ଟୁଡା ଦାଆଃ ଲେକା ଆସେରିୟାରେନ୍ ରାଜାକେ ଓଡ଼ୋଃ ଆୟାଃ ସବେନ୍ ପେଡ଼େୟାନ୍ ତେୟାଃକେ ଯିହୁଦାରାଃ ବିରୁଧ୍ରେ ଆଉଇୟା। ଏନା ପୁରାଃତେ ହିଜୁଃଆ ଓଡ଼ୋଃ ଆକଆଃ ଗାଡା ଡଡାକ ପେରେଃକେଦ୍ତେ ଆତୁ ଇଦିୟା। 8 ଓଡ଼ୋଃ ଏନା ଆତୁଃତାନ୍ଲଃ ଯିହୁଦା ରାଇଜ୍ ଭିତାର୍ ଜାକେଦ୍ ସେଟେରା। ଏନ୍ତେ ଏନା ଚାରିଓସାଃ ଜାକେଦ୍ ପାସ୍ରାଅ ଇଦିୟଃଆ ଓଡ଼ୋଃ ହଟଃ ଜାକେଦ୍ ଦାଆଃ ପେରେଜଃଆ।"
ହେ ଇମ୍ମାନୁୟେଲ୍, ଇନିୟାଃ ଆପ୍ରବ୍ରାଃ ପାସ୍ରାଅ ହରାତେ ଆମାଃ ଦିଶୁମ୍କେ ବାଞ୍ଚାଅୟାଏ।
9 ହେ ସବେନ୍ ରାଇଜ୍ରେନ୍ ହଡ଼କ, "ଆପେ ପୁରାଃଗି ହାଲାଗୁଲା ରିକାଏ ରେୟ ଜିୟନ୍ ରିକାଅଃଆପେ। ହେ ସାଙ୍ଗିନ୍ ଦିଶୁମ୍ରେନ୍ ସବେନ୍ ହଡ଼କ ଆୟୁମେପେ, ଲାଡ଼ାଇ ନାଗେନ୍ତେ ସେକାଡ଼ାକାନ୍ ତାଇନ୍ ରେୟ ଆପେ ଜିୟନଃଆପେ।" 10 ଆପେ ପୁରାଃଗି ଉହାଟ୍ କେଦ୍ତେ ରଜୋଟ ରିକାଏ ରେୟ, ଏନା କା ପୁରାଅଃଆ। ଆପେ ଅକଆଃ ଜାଗାର୍ ରିକାୟାପେ, ଏନ୍ ଜାଗାର୍ ଲେକାତେ ଜେତାନ୍ କାମି କା ହବାଅଃଆ। ଚିୟାଃଚି ପାର୍ମେଶ୍ୱାର୍ ଆବୁଲଃ ମେନାଇୟା।
ପ୍ରାଭୁଆଃ ଆନାଚୁ
11 ପ୍ରାଭୁ ଆୟାଃ ପେଡ଼େୟାନ୍ ତିଃଇତେ ଆଇଙ୍ଗ୍କେ ସାବ୍କେଦ୍ତେ କାଜିକେଦିୟାଁ, "ନେ ହଡ଼କ ସେସେନ୍ତାନ୍ ହରାରେ ଆଲମ୍ ସେସେନ୍ ରିକାଏ ମେନ୍ତେ ଚେତାଅ କେଦ୍ତେ ହୁକୁମ୍ ଏମ୍କେଦା।" 12 "ନେ ସବେନ୍ ହଡ଼କ ଅକ କାଜିକେ ରଜୋଟ କାଜି ମେନ୍ତେକ କାଜିୟାଃ, ଏନାକେ ଆମ୍ ରଜୋଟ କାଜିକ ମେନ୍ତେ ଆଲମ୍ କାଜିୟା। ଚାଏ ଇନ୍କୁ ଅକ କାଜିକକେ ବରଆଃ ଏନାକେ ଆମ୍ ଆଲମ୍ ବରୟାଃ ଚାଏ ଏନ୍ ବିଷାଏରେ ଆଲମ୍ ଆଡ଼ାଃଉଡ଼ୁଃ ରିକାନାଃ। 13 ସବେନାଃତେ ପେଡ଼େୟାନ୍ ପ୍ରାଭୁକେ ପାବିତାର୍ ଲେକା ମାଇନ୍ ରିକାଇପେ, ଓଡ଼ୋଃ ଇନିଃତାଃରେ ଆପେୟାଃ ବର ତାଇନ୍କା ଓଡ଼ୋଃ ଇନିଃତାଃରେ ଆପେୟାଃ ଉଡ଼ୁଃ ପାହାମ୍ ତାଇନ୍କା। 14 ଏନ୍ରେ ଇନିଃ ଆପେୟାଃ ପାବିତାର୍ ଆସ୍ରା ଲେକାନ୍ନିଃ ହବାଅଃକାଏ। ମେନ୍ଦ ଇସ୍ରାଏଲ୍ରେନ୍ ବାରାନ୍ କିଲିକ ନାଗେନ୍ତେ ଇନିଃ ମିଆଁଦ୍ ତହଦଃ ଲେକାନ୍ ଦିରି ଓଡ଼ୋଃ ମିଆଁଦ୍ ସେରେଙ୍ଗ୍ ଲେକାନ୍ନିଃ ହବାଅଃଆଏ, ଇନିଃ ଯୀରୁଶାଲେମ୍ ରେନ୍ ହଡ଼କ ନାଗେନ୍ତେ ଫାଁସ୍ରିରେ ଉୟୁଗାକାନ୍ ଲେକାଏ ହବାଅଃଆ। 15 ପୁରାଃ ହଡ଼କ ଏନାରେ ତହଦଃଆକ। ଇନ୍କୁ ଉୟୁଃକେଦ୍ତେ ଗୁଣ୍ଡାକଆଃକ ଓଡ଼ୋଃ ଏନ୍ ଫାଁସ୍ରିରେ ଉୟୁଃକେଦ୍ତେ ସାନାବ୍କଆଃକ।"
16 ନେ ସାର୍ତି କାଜି ତଲ୍କେଦ୍ତେ ଦହେମେ ଓଡ଼ୋଃ ହିଜୁଃ ଦିପିଲି ନାଗେନ୍ତେ ଆଇଁୟାଃ ଚେଲାକଆଃ ଥାଲାରେ ନେ ଇନିତୁକେ ମୋହର୍ କେଦ୍ତେ ଦହେମେ। 17 ଅକଏ ଯାକୁବ୍ଆଃ କିଲିତାଃଏତେ ଆପ୍ନାଃ ମେଦ୍ମୁହାଁଡ଼୍ ଉକୁକାଦାଏ। ଆଇଙ୍ଗ୍ ଏନ୍ ପ୍ରାଭୁକେ ତାଙ୍ଗିୟାଇଙ୍ଗ୍। ଇନିଃତାଃରେ ଆଇଁୟାଃ ବିଶ୍ୱାସାଇଙ୍ଗ୍ ଦହେୟା।
18 ନେଲେପେ, ପ୍ରାଭୁ ଆଇଙ୍ଗ୍କେ ଅକନ୍ ହନ୍କକେ ଏମାକାଦିୟାଁ, ଇନ୍କୁ ଓଡ଼ୋଃ ଆଇଙ୍ଗ୍ ସବେନ୍କ ନେତାଃରେ ମେନାଲେୟା। ଓଡ଼ୋଃ ସିୟୋନ୍ ବୁରୁରେ ତାଇନ୍ତାନ୍ ସବେନାଃତେ ପେଡ଼େୟାନ୍ ପ୍ରାଭୁ ଆଲେକେ, ଇସ୍ରାଏଲ୍ ନାଗେନ୍ତେ ଚିହ୍ନା ଓଡ଼ୋଃ ଆକ୍ଦାନ୍ଦାଅ କାମି ରିକାତାନ୍ ଲେକା ତାନ୍ଲେ।
19 ହଡ଼କ ଚିମ୍ତା ଆପେକେ କାଜିପେୟାକ, "ଅକନ୍ ବଙ୍ଗା ଓଡ଼ୋଃ ଦେଅଁଣା ହଡ଼କ ହାପା ହାପା ଲୁତୁର୍ରେ ମାଡ଼ିତେ କାଜିକ କାଜିୟାଃ, ଇନ୍କୁତାଃ ଏତେ ଚେନେତାଅ କାଜିକ ତେଲାଏପେ," ଇମ୍ତା ଇନ୍କୁକେ କାଜି ରୁହାଡ଼୍କପେ, ପାର୍ମେଶ୍ୱାର୍ତାଃ ଏତେ ହଡ଼କକେ ଚିନାଃ ଚେନେତାଅ କାଜି କା ଲାଗାତିୟାଁ ? ଜିନିଦ୍ ହଡ଼ ଚିନାଃମେନ୍ତେ ଗୟାକାନ୍ ହଡ଼ରାଃ ଚେତାଅ କାଜିକେ ଆୟୁମେୟା ?
20 ଇନିତୁ ଓଡ଼ୋଃ ସାର୍ତି ବାଚାନ୍ରେୟାଃ କାଜିଲଃ ମେସାକେଦ୍ତେ ନେଲେପେ। ଇନ୍କୁ ନେ ସାର୍ତି ବାଚାନ୍ରେୟାଃ କାଜି ଲେକାତେ କାକ ଜାଗାର୍ତାନ୍ ରେଦ, ଇନ୍କୁତାଃରେ ମାସ୍କାଲ୍ ବାନଆଃ।
ସାଙ୍କାଟ୍ରାଃ ଦିପିଲି
21 ଇନ୍କୁ ସିଗିଦ୍ ଓଡ଼ୋଃ ରେଙ୍ଗେଃତେ ଦିଶୁମ୍ରେକ ହନର୍ରେୟା। ଇନ୍କୁ ରେଙ୍ଗେଃ ତାଇନ୍ ହରାତେ ପୁରାଃଗି ଖିସ୍ଅଃଆକ ଓଡ଼ୋଃ ଚେତାନ୍ତେ ସାଙ୍ଗିଲ୍କେଦ୍ଲଃ ଆକଆଃ ରାଜାକେ ଓଡ଼ୋଃ ପାର୍ମେଶ୍ୱାର୍କେ ସାର୍ପାଅ ରିକାଇୟାକ। 22 ଇନ୍କୁ ଅତେଦିଶୁମ୍କେ ନେଲ୍କେଦ୍ତେ ସାଙ୍କାଟ୍, ନୁବାଃ ଓଡ଼ୋଃ ବରୱାନ୍ ସିଗିଦ୍ ନେଲେୟାକ। ଓଡ଼ୋଃ ଇନ୍କୁ ପୁରାଃଗି ନୁବାଃରେୟାଃ ଠାୟାଦ୍ତେକ ହୁରାଙ୍ଗ୍ଅଃଆ।
/images/a/WG5FS9VaSWVnVmV3VI8yP)
/images/a/a0208299-6f37-40a0-66e1-2576b9435f00)