1 Samweli 2:12-17 | YNT2018

Ŵanache ŵachilume ŵa che Eli

12 Ŵanache achalume ŵa che Eli ŵaliji ŵachigongomalo, ni wangamanyilila Ambuje. 13 Nipele galiji masyoŵelelo ga ŵambopesi paujo pa ŵandu kuti kila mala mundu pakupeleka mbopesi akuno nyama jili nkutokota pa mooto, jwakutumichila jwa jwambopesi ŵaikaga ni msomelo uwaliji ni songa sitatu. 14 Jwakutumichila jo ŵatumbuchisyaga msomelo wo mu chiteleko, nyama jilijose jijatyosyekwaga mwelemo ni msomelo wo, jaliji jakwe jwambopesi. Yeleyi ŵambopesi ni iŵatendelelaga Ŵaisilaeli wose ŵaŵajaulaga ku Shilo kukupeleka mbopesi syao. 15 Nambo atamuno mauta nganigatiniswe jwakutumichila jwa ŵambopesi jwaiche kwa mundu juwatyosyaga mbopesi jula ni kunsalila kuti, "Mumpe jwambopesi nyama akaŵanichile pakuŵa jwalakwe jo ngaaja kupochela nyama jeteleche kutyochela kukwenu, nambo jangateleka." 16 Iŵaga mundu chansalile "Nlindilile kaje nagatinisye mauta nipele tinjigale nyama jilijose jinkujisaka," pele jwele jwakutumichila jwa jwambopesi ŵajangaga "Ngwamba, mumbe sampano, iŵaga ngankusaka kuumba tinansumule." 17 Au ulemwa uŵatesile achachanda ŵa che Eli waliji wekulungwa nnope paujo pa Ambuje. Pakuŵa nganasichimbichisya mbopesi siŵapelekaga ŵandu kwa Ambuje.

1 Samweli 2

Ŵanache ŵachilume ŵa che Eli

Veja também

Oração para pedir a Deus que aumente a fé quando o coração está cheio de dúvida

O que é o Espírito Santo e qual é o seu papel na vida cristã?