Ezekiel 18:2-4,20

2 "Igbã nɛ maturi sɛ mapɛ ise i Israel karɔ̃ iso karɔ̃ ɣɛɛ?

" 'Mase sɛ maɖe akutu nyagbala,

ne mabi anyɛ nsɛ abara kpaã.'

3 "Bosate Wɔ Nsiguso ɔkã sɔ ayi kumɛgɔ lopia ngbã ne, miisibapɛ igbã nɛgbe i Israel. 4 Alasɔ ɔturi biara ngbã ɖe wũ mire, ɔse gu ɔbi mɛrɛ̃ - aka anyɔ ɔɖuɖu ɖe wũ ɔkpɛ. Ɔturi wɔ nsɛ ɔbara ikpi nɖe nwɔ loakpi.

20 Ɔturi wɔ lobara ikpi ne, ɔ̃ loakpi ne. Ɔbibirɛrɛĩ iibafɔ ɔ̃ ɔse iɣɛrɛ kuso, ɣee ɔse iibafɔ ɔ̃ ɔbi iɣɛrɛ kuso. Ɔturi bɔlɔlɔa sibɔlɔlɔ ɖe ɔ̃ ɔkpɛ, fiɛ ɔtilese ne ɔ̃ ɔtile loaɖe nnɛ iso mabara wũ itɔ̃me.