1 हाय उनपै जो मदद पाण कै खात्तर मिस्र म्ह जावैं सैं अर घोड़यां का आसरा करैं सैं; जो रथां पै भरोस्सा राक्खै क्यूँके वे घणे सैं, अर सवारां पै, क्यूँके वे घणे बलवान सैं, पर इस्राएल के पवित्र परमेसवर की और मदद खात्तर नजर न्ही करदे अर ना यहोवा की खोज करैं सैं! 2 पर यहोवा भी बुद्धिमान सै* अर दुःख देवैगा, वो अपणे वचन ना टाळैगा, पर उठकै कुकर्मियाँ के घरान्‍ने पै अर अनर्थकारियाँ का साथ देण आळयां पै भी चढ़ाई करैगा।