Ezequiel 9

4 तेबे यहोवे तेसखे बोलेया, "एस यरूशलेम शईरो रे पीतरे ओरे-पोरे जाई की जितणे माणूं तिना सबी घृणित कामो रिया बजा ते जो तिदे करे जाओए, शोक करदे ओर दु:खो साथे चींगोए, तिना रे माथे दे नशाण लगाई दे।" 5 जेबे आऊँ सुणने लगी रा था, परमेशरे बाकी छे आदमिया खे बोलेया, "शईरो दे सफेद एपोद पईने दे माणूंए रा पीछा करो ओर लोका खे कांदे जाओ। केसी पाँदे बी दया नि करनी। 6 स्याणे, जवान, कुआँरी, बाल-बच्चे, सबी खे काई की नाश करो, पर जेस केसी माणूंए रे माथे दे से नशाण ओ, तेसरे नेड़े नि जाणा ओर मेरे पवित्र मन्दरो ते ई शुरू करो।" इजी री खातर तिने मन्दरो रे सामणे मूर्तिया री पूजा करने वाल़ेया बुजुर्गा खे काणा शुरू कित्तेया।