ମାନ୍ନା ଆରି ଗୁଣ୍ଡ୍ରିପିଗ୍
1 ଏନ୍ଇଡ଼ିଂ ମେଇଂ ଏଲିମବାନ୍ ୱେଆର୍କେ । ଆରି ମିସର୍ ଦେସ୍ ଆନ୍ତାର୍କ୍ନେ ଇଡ଼ିଂ ଦୁତିୟ ଆର୍କେନେ ପନ୍ଦର ଦିନ୍କେଲା ଇସ୍ରାଏଲ୍ ଗଡ଼େଇଂନେ ସାପା ମଣ୍ଡଲି ଏଲିମ ଆରି ସିନୟନେ ମଜେ ଲେଃକ୍ନେ ସୀନ୍ ମ୍ନିକ୍ନେ କଣ୍ଡା ଡାଗ୍ରା ପିଂଚାଆର୍କେ । 2 ଆତେନ୍ ବେଲା ଇସ୍ରାଏଲ୍ ଗଡ଼େଇଂନେ ସାପା ମଣ୍ଡଲି ମୋଶା ଆରି ହାରୋଣନେ ବିରୁଦ୍ଦରେ ଆତେନ୍ ଜାଗାଅରିଆ କୁଟ୍ ଡିଂଆର୍କେ । 3 ବାରି ଇସ୍ରାଏଲ୍ନେ ଗଡ଼େଇଂ ଆମେଇଂକେ ବାସଙ୍ଗ୍କେ, "ଅଃଅଁ ନେ ଉଡ଼ିବେଲା ଚିଲି ଙ୍କୁଇନ୍ନିଆ କଚେ ସୁଲୁଏଃ ତ୍ନ ଡିଂ ଜାକ ଚଂ ନେଡିଙ୍ଗ୍ଗେ ଆତେନ୍ ବେଲା ଜଦି ନେ ମିସର୍ ଦେସ୍ନିଆ ମାପ୍ରୁନେ ନ୍ତିନିଆ ନେପାଗୁଏ । ପେ ଆକେନ୍ ସାପା ମଣ୍ଡଲିକେ ଆକ୍ଡେସଚେ ଆଗୁଏନ୍ସା ଆନେକେ ଆନ୍ତାର୍ଚେ ଆକେନ୍ କଣ୍ଡା ପାକା ଡୁଂପେପାଂକେ ।"
4 ଆତ୍ବା ମାପ୍ରୁ ମୋଶାକେ ବାସଙ୍ଗ୍କେ, "କେଲା, ନେ ପେ ଆତ୍ଲା କିତଙ୍ଗ୍ଇନିବାନ୍ ଚଙ୍ଗ୍ନେ ଜିନିସ୍ଇଂ ନେବିଏ; ବାରି ରେମୁଆଁଇଂ ବାଜାର୍ ତାର୍ଚେ କାଲାଆଃ ନ୍ସା ଉଃଡ଼ି ଦର୍କାର୍ ଅଃତେନ୍ ଇସାବ୍ରେ ରାଃସିଙ୍ଗ୍ଆର୍ଏ; ଆତ୍ବା ମେଇଂ ନେନେ ନିଅମ୍ ଇସାବ୍ରେ ଚଲେଆର୍ଏ ଲେଃ ଣ୍ଡୁ, ନେ ମେଙ୍ଗ୍ନେ ଆକେନ୍ ପରିକ୍ୟା ନେଡିଂଏ । 5 ଷଷ୍ଟ ଦିନ୍କେଲା ମେଇଂ ମେଃନେ ଡୁଂପାଙ୍ଗ୍ଆର୍ଏ, ଆତେନ୍ ଡୁଏଲା ଦିନ୍କେ ଦିନ୍ ଉଡ଼ି ରାସିଂଆର୍ଏ, ଆତେନ୍ ମ୍ୱାର୍ ଗୁନ୍ ଡିଂଏ ।"
6 ଏନ୍ଇଡ଼ିଂ ମୋଶା ଆରି ହାରୋଣ ଇସ୍ରାଏଲ୍ ଗଡ଼େଇଂକେ ବାସଙ୍ଗକେ, "ମାପ୍ରୁ ଜା ଆପେକେ ମିସର୍ବାନ୍ ଆତାର୍ଚେ ଡୁଂପାଂବକେ, ଆକେନ୍ ପେ ଲମ୍ଡିଗ୍ ବେଲା ପେମ୍ୟାଃଏ । 7 ବାରି ଞ୍ଜିର୍ନୁଗ୍ ମାପ୍ରୁନେ ମହିମା ପେକେଏ; ଡାଗ୍ଲା ମାପ୍ରୁନେ ବିରୁଦ୍ରେ ପେ କୁଟ୍ ପେଡିଂକ୍ନେ ସାମୁଆଁ ମେଁ ଅଁଡିଂକେ, ନେ ଜାଚେଃ, ପେ ନେ ବିରୁଦ୍ରେ କୁଟ୍ ଡିଂପେଡିଂକେ ?" 8 ବାରି ମୋଶା ବାସଙ୍ଗ୍କେ, "ମାପ୍ରୁ ଲମ୍ଡିଗ୍ କେଲା ଚଙ୍ଗ୍ନେସା ଆପେକେ ଚିଲି ବିଏ ଆରି ଞ୍ଜିର୍ନୁଗ୍ କେଲା ସୁଲୁଏଃ ବିସେକ୍ନେ ଜାକ ବଲେ ବିଏ; ମାପ୍ରୁନେ ବିରୁଦ୍ରେ ପେ କୁଟ୍ ପେଡିଂକ୍ନେ ସାମୁଆଁ ମେଁ ଅଁଡିଂକେ; ନେ ଜାଣ୍ଡେ ? ନେ ବିରୁଦ୍ରେ ଣ୍ଡୁ, ମାତର୍ ମାପ୍ରୁନେ ବିରୁଦ୍ରେ ପେ ନିନ୍ଦା ଡିଂପେଡିଂକେ ।"
9 ଆରି ମୋଶା ହାରୋଣକେ ବାସଙ୍ଗ୍କେ, "ନା ଇସ୍ରାଏଲ ଗଡ଼େଇଂନେ ସାପା ମଣ୍ଡଲିକେ ବାସଙ୍ଗ୍, ପେ ମାପ୍ରୁନେ ଡାଗ୍ରା ପାଂଲାପା, ମେଁ ପେନି କୁଟ୍ ଅଁଲେକେ ।" 10 ଆତ୍ବା ହାରୋଣ ଇସ୍ରାଏଲ ରେମୁଆଁଇଂନେ ସାପା ମଣ୍ଡଲିକେ ଆକେନ୍ ବାସଙ୍ଗ୍ନେ ବେଲା ମେଇଂ କଣ୍ଡା ପାକା କେଆର୍କେ, କେଲାପା, ତ୍ରିଗ୍ଡିଆନିଆ ମାପ୍ରୁନେ ତାର୍କିଗ୍ ତ୍ନାକେ । 11 ବାରି ମାପ୍ରୁ ମୋଶାକେ ବାସଙ୍ଗ୍କେ, 12 "ନେ ଇସ୍ରାଏଲ୍ ଗଡ଼େଇଂନେ ନିନ୍ଦା ଡିଂନେ ନେଦ୍ରିଗ୍କେ, ପେ ଆମେଇଂକେ ବାସଙ୍ଗ୍ପା, ପେ ଲମ୍ଡିଗ୍ ବେଲା ଚିଲି ପେଚଂଏ ଆରି ଞ୍ଜିର୍ନୁଗ୍ କେଲା ବଲେ ଚଂଚେ ସୁଲୁଏଃ ପେରାତ୍ନଏ; ଆତ୍ବା ନେ ଜେ ପେନେ ମାପ୍ରୁ ପର୍ମେସର୍ ଆତେନ୍ ପେମ୍ୟାଃଏ ।"
13 ଆତ୍ବା ଲମ୍ଡିଗ୍ କେଲା ଗୁଣ୍ଡ୍ରି ପିଗ୍ଇଂ ପାଙ୍ଗ୍ଚେ ବ୍ଲେସାଙ୍ଗ୍ଅରିଆ ବାସାଆର୍କେ, ବାରି ଞ୍ଜିର୍ନୁଗ୍ କେଲା ବ୍ଲେସାଙ୍ଗ୍ନେ ପିତୁର୍ ପାକା ଅଁସ୍ଡ଼ିଆଃ ଲଃକେ । 14 ଆତ୍ବା ଲଲେକ୍ନେ ଅଁସ୍ଡ଼ିଆଃ ଆଡ଼ାତ୍ରା ୱେକ୍ନେ ଇଡ଼ିଙ୍ଗ୍ ତୁବଃ ସାପା ପାକା ଅଁସ୍ଡ଼ିଆଃ ରକମ୍ ଗୁଲ୍ଟ ଡିଂଚେ ଡାଆଁ ଡାଆଁନେ କାଦି ରକମ୍ ମୁଇଂ କଣ୍ଡା ଆଡ଼ାତ୍ରା ଲଃଲେଗେ । 15 ଆରି ଇସ୍ରାଏଲ୍ ରେମୁଆଁଇଂ ଆତେନ୍ କେଚେ ମେଙ୍ଗ୍ ମେଙ୍ଗ୍ ବିତ୍ରେ ବାଲିର୍ବାତା ଡିଂଆର୍କେ, 16:15 ମାନ୍-ହୁ ? ଆକାନ୍ ମେଃନି ? ଡାଗ୍ଲା, ଆତେନ୍ ମେଃନି, ମେଇଂ ଆମ୍ୟାଆର୍କେ ଣ୍ଡୁ । ଆତ୍ବା ମୋଶା ବାସଙ୍ଗ୍କେ, "ଆକେନ୍ ପେନି ଚଙ୍ଗ୍ନେ କାଦି, ଆକେନ୍ ମାପ୍ରୁ ବିଃକ୍ନେ କାଦି । 16 ଆକେନ୍ ବିସଏରେ ମାପ୍ରୁ ଆଦେସ୍ ବିବକେ, ପେ ସାପାରେ ପେନି ଚଙ୍ଗ୍ନେ ବପୁ ଇସାବ୍ରେ ଆତେନ୍ ରାସିଂପା, ପେନେ ସାପା ରେମୁଆଁ ନିଜେ ନିଜେନେ କୁଡ଼ିଆନିଆ ଲେକ୍ନେ ରେମୁଆଁଇଂନେ ଇସାବ୍ ଡିଂଚେ ମୁଇଂ ମୁଇଂଡା ନ୍ସା ମୁଇଂ ମୁଇଂ ଓମର16:16 ମ୍ୱାର୍ ଲିଟର୍ ଇସାବ୍ ଡିଂଚେ ଆତେନ୍ ରାସିଂପା ।"
17 ଆତ୍ବା ଇସ୍ରାଏଲ୍ନେ ଉଂଡେଇଂ ଦେତ୍ରକମ୍ ଡିଂଆର୍କେ; ଜା ଜାବର୍ ଜା ଗଣ୍ଡା ରାସିଂଆର୍କେ । 18 ଏନ୍ଇଡ଼ିଂ ମେଇଂ ପାଃଲିନିଆ ଉଡ଼ି ଜାଗା ସାଏ ଅତେନ୍ ରାସିଂଆର୍କେ । ଜା ଜାବର୍ ରାସିଂବଗେ; ମେଃନେ ଆଲୁଆଁକେ ଣ୍ଡୁ, ବାରି ଇତୁଡ଼ା ରାଃସିଂ ବଗେ, ମେଁନେ ଅବାବ୍ ଆଡିଂକେ ଣ୍ଡୁ; ଦେକ୍ରକମ୍ ମେଇଂ ଚଙ୍ଗ୍ ୟାନେ ଇସାବ୍ରେ ରାସିଂଆର୍କେ । 19 ଏନ୍ଇଡ଼ିଂ ମୋଶା ଆମେଇଂକେ ବାସଙ୍ଗ୍କେ, "ପେ ଜା ଡିଗ୍ ଞ୍ଜିର୍ନୁଗ୍ ଜାକ ମେଃଡିଗ୍ ପେବ ଣ୍ଡୁ ।" 20 ତେଲାଡିଗ୍ ମେଇଂ ମୋଶାନେ ସାମୁଆଁ ମାଦ୍ରିଗ୍ଚେ ଜା ଜା ଞ୍ଜିର୍ କେଲା ଜାକ ଇକୁଡ଼ା ରକମ୍ ବଆର୍ଗେ, ମାତର୍ ଆତାନ୍ଇଂଅରିଆ ବୁବଃଉଂ ଡିଂୱେକେ ଆରି ମଃକେ । ତେସା ମୋଶା ମେଙ୍ଗ୍ନେ ଆଡ଼ାତ୍ରା ରିସା ଡିଂକେ । 21 ଦେକ୍ରକମ୍ କାଲାଆଃ ଞ୍ଜିର୍ନୁଗ୍ କେଲା ମେଇଂ ମେଙ୍ଗ୍ନେ ନିଜର୍ ନିଜର୍ନେ ଚଙ୍ଗ୍ ୟାନେ ଇସାବ୍ରେ ଆତାନ୍ ରାସିଂଆର୍କେ; ମାତର୍ ଜାବର୍ ନ୍ନାଃସେଙ୍ଗ୍ଲା, ଆତେନ୍ ସୁଲାଃ ୱେକେ ।
22 ଏନ୍ଇଡ଼ିଂ ଷଷ୍ଟ ଦିନା ମେଇଂ ମ୍ୱାର୍ ଗୁନ୍ ବାଆର୍କେ ସାପାରେ ମ୍ୱାର୍ ମ୍ୱାର୍ ଓମର କାଦି ରାସିଂଆର୍କେ, ଆତ୍ବା ମଣ୍ଡଲିନେ ନେତା ସାପାରେ ପାଙ୍ଗ୍ଚେ ମୋଶାକେ ଆମ୍ୟାଃଆର୍କେ । 23 ଆତେନ୍ ବେଲା ମୋଶା ଆମେଇଂକେ ବାସଙ୍ଗ୍କେ, ମାପ୍ରୁ ଆତେନ୍ ବାସଙ୍ଗ୍ବକେ, "ଆତେନ୍ ଡିଂଡିଂକେ, ଞ୍ଜଡ଼େ ପୁଣ୍ଡେନେ ଦିନ୍, ଡାଗ୍ଲା, ମାପ୍ରୁନେ ମିନିରେ ପବିତ୍ର ପୁଣ୍ଡେନେ ଡିଂଏ; ଆତେନ୍ସା ପେନେ ମେଃନେ ଗେଃନେ ଲେଃକେ, ଆତେନ୍ ଗେଃପା; ବାରି ମେଃନି ଡୁଏନେ ଲେଃକେ, ଆତେନ୍ ଡୁଏପା, ବାରି ଜଦି ମେଃ ସାପା ଲୁଆଁଏ, ଆତେନ୍ ଞ୍ଜିର୍ନୁଗ୍ ଜାକ ଚାଞ୍ଚେଚେ ବପା ।" 24 ଆତ୍ବା ମେଇଂ ମୋଶାନେ ଆଦେସ୍ ଇସାବ୍ରେ ଞ୍ଜିର୍ନୁଗ୍ ଜାକ ଆତେନ୍ ବଆର୍ଗେ, ଆରି ଆତେନ୍ ଆମଃକେ ଣ୍ଡୁ, କି ଆତ୍ଅରିଆ ମେଃଡିଗ୍ ବୁବଃଉଂ ଆଡିଂକେ ଣ୍ଡୁ । 25 ଏନ୍ଇଡ଼ିଂ ମୋଶା ବାସଙ୍ଗ୍କେ, "ଏଃକେ ପେ ଆତେନ୍ ଚଂପା ମେଃଡାଗ୍ଲା ଏଃକେ ମାପ୍ରୁନେ ପୁଣ୍ଡେନେ ଦିନ୍; ତେସାଃ ଏଃକେ ଲିଜନ୍ନିଆ ଆତେନ୍ ପେବା ଣ୍ଡୁ 26 ପେ ତୁର୍ ଦିନା ଆତେନ୍ ପେରାସିଂଏ, ମାତର୍ ଗୁ ଦିନା ପୁଣ୍ଡେନେ ଦିନ୍ ଲେଃକେ, ଆତ୍ଅରିଆ ମେଃଡିଗ୍ ଆମିଲେ ଣ୍ଡୁ ।"
27 ଏଲେଡିଗ୍ ଗୁ ଦିନା ଆଃ ଜା ଜା ଆତେନ୍ ରାସିଂନେସା ୱେଆର୍କେ, ମାତର୍ ମେଃଡିଗ୍ ଆହବାଆର୍କେ ଣ୍ଡୁ । 28 ତେଲା ମାପ୍ରୁ ମୋଶାକେ ବାସଙ୍ଗ୍କେ, "ପେ ନେନେ ଆଦେସ୍ ଆରି ନିଅମ୍ ପାଲନ୍ ଡିଂନେସା ଉଃଡ଼ି କାଲ୍ ଜାକ ଅରାଜି ଡିଂପେଲେଃଏ ? 29 କେଲା; ମାପ୍ରୁ ଆପେକେ ପୁଣ୍ଡେନେ ଦିନ୍ ବିଃକ୍ନେବାନ୍ ଷଷ୍ଟ ଦିନା ମ୍ୱାର୍ ଦିନାନେ କାଦି ବିଡିଂକେ; ପେ ସାପାରେ ଗୁ ଦିନାକେଲା ନିଜେ ନିଜେନେ ଜାଗାବାନ୍ ବାଆରେ ମାୱେଚେ ନିଜର୍ ନିଜର୍ ଜାଗାନ୍ନିଆ ଲାଲାପା ।" 30 ତେଲା ରେମୁଆଁଇଂ ଗୁ ଦିନା ପୁଣ୍ଡେଆର୍କେ ।
31 ବାରି ଇସ୍ରାଏଲ୍ ବଁସ୍ ଆତେନ୍ କାଦିନେ ମିନି ମାନ୍ନା ବିକେ, ଆତେନ୍ ଧନିଆ ମୁଞ୍ଜି ରକମ୍ ତ୍ଲୁଏ ବାନା ଆରି ମେଁନେ ମ୍ୱ୍ରେ ଞ୍ଜୁଙ୍ଗ୍ ମିସେଲେକ୍ନେ ରୁଟି ରକମ୍ ଲେଃଗେ । 32 ଏନ୍ଇଡ଼ିଂ ମୋଶା ବାସଙ୍ଗ୍କେ, "ମାପ୍ରୁ ଆକେନ୍ ଆଦେସ୍ ବିବକେ, ମେଁ ଆପେକେ ମିସର୍ ଦେସ୍ବାନ୍ ଡୁଂପାଂନେ ବେଲା ବାଲିଲନିଆ ଆଣ୍ଡିନେ କାଦି ଆଃଚଂକେ, ଆତେନ୍ ଡିରକମ୍ ପେନେ ବଁସ୍ ନିତିନିଅମ୍ କେମ୍ୟାଃଆର୍କେ । ଆତେନ୍ସା ମେଙ୍ଗ୍ ଆତ୍ଲା ମୁଇଂ ପାଃଲି ରକମ୍ ମାନ୍ନା ବପା ।" 33 ଆତେନ୍ ବେଲା ମୋଶା ହାରୋଣକେ ବାସଙ୍ଗ୍କେ, "ନା ମୁଇଂ ତାଲି ଡୁଂୱେଚେ ମୁଇଂ ପାଃଲି ରକମ୍ ମାନ୍ନା ଆତ୍ନଚେ ମାପ୍ରୁନେ ସାମ୍ନେ ବପା; ଆତେନ୍ ପେନେ ଙ୍ଗିରେଇଂନେ ନିତିନିଅମ୍ ଆତ୍ଲା ବନେ ।" 34 ତେଲା ହାରୋଣ ମୋଶା ଆଡ଼ାତ୍ରା ଆତେନ୍ ମାପ୍ରୁନେ ଆଦେସ୍ ଇସାବ୍ରେ ନିଅମ୍ ପିଡ଼ି ଡାଗ୍ରା ବନ୍ସା ରାଃସିଙ୍ଗ୍ଚେ ବଆର୍କେ । 35 ଇସ୍ରାଏଲ୍ ରେମୁଆଁଇଂ ବସତି ଦେସ୍ନିଆ ମାୱେଚା ଜାକ ଚାଲିସ୍ ମୁଆଁ ଜାକ ଆତେନ୍ ମାନ୍ନା ଚଙ୍ଗ୍ଆର୍କେ ଆରି କିଣାନ୍ ଦେସ୍ନେ ଏରିଆ ମାୱେଚା ଜାକ ମେଇଂ ଆତେନ୍ ଚଙ୍ଗ୍ଆର୍କେ । 36 ମୁଇଂ ଓମର ଐଫାନେ16:36 କୁଡ଼େବାନ୍ ତେଇସ୍ ଲିଟର୍ ଜାକ ଗୁଆ ବାଗ୍ବାନ୍ ମୁଇଂ ବାଗ୍ ।
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)